Қазақстан Республикасы Қарулы Күштерінің жеке құрамымен тәрбие, әлеуметтік-құқықтық, психологиялық және идеологиялық жұмыстарды ұйымдастыру ережесін бекіту туралы
-параграф. Офицерлер жиналысының жұмысын ұйымдастыру
жүктеу/скачать 185.81 Kb.
|
| 2-параграф. Офицерлер жиналысының жұмысын ұйымдастыру
Офицерлік жиналыс тұрақты негізде әскери бөлімнің (мекеменің) офицерлік құрамының қоғамдық консультативтік-кеңесші сайланбалы органы нысанында әрекет етеді, олардың өзін-өзі санасына қоғамдық (ұжымдық) ықпал ету жолымен офицерлік құрамды басқарудың қосымша тетігі болып табылады. Офицерлік жиналыс мынадай мақсатта құрылады: 1) олардың мемлекетке, Қазақстан халқына және оның заңды сайланған Президентіне адал рухта тәрбиелеу, әскери борышын мінсіз атқару, Отанды қорғауға тұрақты дайындықтары үшін жоғары жауапкершіліктерін қалыптастыру; 2) офицерлердің қолданыстағы заңдарды, жоғары құқықтық мәдениетті, мемлекеттік қызметшілердің моральдық-этикалық нормалары мен мінез-құлық (қызмет әдептілігі) ережелерін сақтауы. Офицерлік жиналыстың функционалдық қызметі дара басшылық, ақылға қонымды шығармашылық бастама, ашықтық, жариялылық және кезкелген құқық бұзушылықтарға "нөлдік төзімділік" принциптерінде құрылады. Офицерлік жиналыстың негізгі міндеттері мыналар болып табылады: 1) Қазақстан Республикасы Қарулы Күштері офицерлері арасында ұрпақтар сабақтастығын нығайту және дамыту; 2) офицерлік корпустың озық әскери (жауынгерлік) дәстүрлері мен дәстүрлерін дамыту және қалыптастыру; 3) офицерлердің бойында жоғары моральдық-адамгершілік қасиеттерін тәрбиелеу, жалпы, рухани және әскери мәдениетті арттыру; 4) офицерлер корпусының абыройына нұқсан келтіретін теріс қылықтарға жол беретін офицерлерге қоғамдық ықпал етуді қамтамасыз ету; 5) даярлығы жоғары офицерлердің (тәлімгерлердің) озық жұмыс тәжірибесін, әскери борышын және салауатты өмір салтын үлгілі орындауды насихаттау; 6) тәлімгерлік, көшбасшылық жүйесін қамтамасыз ету және жас офицерлермен шефтік жұмыс жүргізу; 7) офицер ұжымында ар-намысы мен қадір-қасиетін, моральдық-этикалық мінез-құлық нормаларын және қабылданған Міндеттемелерді сақтауға негізделген салауатты құрметпен өзара қарым-қатынасты қалыптастыру; 8) жас офицерлерді әскери-патриоттық тәрбиелеу процесіне олардың Қарулы Күштер мен әскери мамандыққа тиістілігі үшін мақтаныш сезімін тәрбиелеуге, ұлттық батырлар мен қазақстандық жауынгерлердің азаттық соғыстарда, қарулы қақтығыстарда және бітімгершілік миссияларда жауынгерлік ерліктерін насихаттау негізінде офицерлерді тарту. Офицерлік жиналыстар мыналарға құқылы: қоғамдық (ұжымдық) пікір қалыптастыруға; офицерлік ұжымда болып жатқан процестерге шынайы және салмақты баға беруге; егер ҚР ҚК жоғары тұрған әскери басқару органының қолданыстағы нормативтік-құқықтық актілерінің, бұйрықтарының, ұйымдастырушылық нұсқауларының және өзге де басшылық құжаттарының талаптарына қайшы келмесе, офицерлік жиналыс офицерлерге қатысты шешім шығаруға, сонымен қатар, тәрбиелік (қоғамдық) ықпал етудің нысандары мен әдістерін қолдануға. Офицерлік жиналыстар офицерлердің штаттық саны оннан кем емес болатын, бас қолбасшыларының түрлері, әскер тектері қолбасшыларының, өңірлік қолбасшылықтар әскерлерінің басқармаларында, ҚР ҚК бас басқармалары мен басқармаларында (одан әрі – әскери басқару органдарында), әскери бөлімдерде (мекемелерде), жеке әскери бөлімшелерде (роталарда, батальондарда) сондай-ақ жекелеген әскери бөлімшелерде құрылады. Көрсетілген жекелеген әскери бөлімшелерде кемінде он офицер болған кезде оларды жоғары тұрған әскери басқару органының, әскери бөлімнің (мекеменің) офицерлік жиналысының құрамына енгізу ұсынылады. Әскери бөлімдерде (мекемелерде) офицерлік жиналыстарды өткізу мерзімділігі тоқсанына кемінде бір рет белгіленуі мүмкін, сондай-ақ қажеттілікке қарай–офицерлік жиналыс кеңесі төрағасының шешімі бойынша, офицерлік жиналысы мүшелерінің кемінде үштен бірінің өтініші бойынша жүзеге асырылады. Офицерлік жиналыстың өткізілетін уақыты мен орны туралы күнтәртібінде алдын ала, бірақ ол өткізілгенге дейін үш тәуліктен кешіктірілмей жарияланады. Офицерлік жиналысты шұғыл түрде өткізу мына жағдайларда орын алады: офицердің жоғары тұрған қолбасшылық беделін және Қазақстан Республикасы Қарулы Күштерінің имиджіне кір келтіру және басқа да кейінге қалдырылмайтын жағдайда; қоғамда елеулі теріс пікір тудырған заңдылықты, әскери тәртіпті және құқық тәртібін бұзу дерегі; сондай-ақ өзінің іс-әрекетімен Қазақстан Республикасы Қарулы Күштері офицерінің жоғары атағын беделін түсіретін (тірек еткен) адамға қатысты дереу шаралар қабылдау талап етілсе. Офицерлік жиналыстың төрағасы офицерлік ұжым ішінде жоғары сенімге, беделге және құрметке ие офицерлер ішінен офицерлік жиналыс мүшелерінің жасырын дауыс беру жолымен көп дауыс жинаған офицерлер санатынан сайланады. Функционалдық қызметті ұйымдастыру, жоспарлау, офицерлік жиналысты үйлестіру, фунциялар мен тапсырмаларды бөлу, сондай-ақ тиісті құжаттаманы жүргізу мақсатында офицерлік жиналысының кеңесі (бұдан әрі – Кеңес) құрылуы мүмкін. Кеңес құрамы офицерлік жиналыс мүшелерінің көпшілік даусымен жасырын дауыс беру арқылы офицерлердің жалпы жиналысында офицерлік ұжымға еңбегі сіңген сенімін, беделін және құрметіне лайық офицерлер арасынан сайланады. Кеңестің сандық құрамы ережеге сай, офицерлік жиналысының шешімімен айқындалады және әскери бөлімнің (мекеменің) офицерлер құрамының жалпы санына сүйене отырып, тақ санды мүшелерінен құралады. Кеңес төрағасы болуымен қатар, әскери бөлімнің (мекеменің) офицерлік жиналысының төрағасы болатын оны төраға ретінде сайлағаннан кейін Кеңес мүшелері арасында міндеттерді, функцияларды және қызмет бағыттарын бөледі. Белгіленген жұмыс мерзімі өткеннен кейін Кеңес құрамының мүшелерін қайта сайлау офицерлердің жалпы есептік-сайлау жиналысында жүзеге асырылады, онда Кеңес төрағасы офицерлік құрам алдында әскери бөлім (мекеме) командирінің (бастығының) не жоғары тұрған әскери басқару органы өкілінің (шақыру бойынша) қатысуымен офицерлік жиналыс қызметінің бір жылдағы жұмыс қорытындылары туралы есеп береді. Кеңес құрамына кіретін офицер запасқа шығарылуына, жаңа қызмет орнына, оқуға кетуіне байланысты әскери бөлімнің (мекеменің) тізімдерінен мерзімінен бұрын шығарылған жағдайда, Кеңес құрамына жаңа мүшені қайта шығару бұрын белгіленген тәртіппен жүргізіледі. Қызметкерлердің жалпы жиналысында мынадай мәселелер талқыланады: 1) лауазымды адамдар ар-намысы мен жеке қадiр-қасиетiн сақтайды, оларға достық сезiмiн, достық қарым-қатынастарын, офицер кәсiптегiн махаббатқа, қарапайымдылыққа, сондай-ақ өзара тиянақтылық пен талапқа, бағынысты адамдарға рухани жақындығына тәрбиелеуге; 2) Қарулы Күштердің офицерінің әскери атағын қорлайтын құқық бұзушылықтарды, лайықты емес әрекеттерді және әрекеттерді жасау; 3) лауазымды тұлғалардың арасындағы даулы қақтығыстар, моральдық және физикалық зорлық-зомбылық жағдайлары; 4) лауазымды тұлғаның жеке басының беделін түсіретін және қорлауды; 5) жоғары әскери оқу орындарына (академияларға) түсуге даярлықтағы офицерлерге көмек көрсету; 6) лауазымды тұлғалардың наградалар мен құрметті атақтар беру туралы ұсынысы; 7) жаңадан келген офицерлерге офицерлік корпустың қалыптасуына, бейімделуіне және кіруіне жәрдемдесу; 8) лауазымды тұлғалардың отбасы мүшелерімен ұжымдық, әлеуметтік, білім беру, мәдени және бос уақытты ұйымдастыру. Офицерлік жиналыста қаралатын мәселелерді талқылау кең жариялылық, ашық пікір алмасу, өзара құрмет көрсету, серіктестік сын және өзін-өзі бақылау жағдайында өткізіледі. Әрбір офицердің талқыланатын мәселелер бойынша сөз сөйлеуге, баға беруге және ұсыныстар енгізуге құқығы бар. Бұл ретте сындарды қысуға және сөз бостандығын шектеуге бағытталған іс-әрекеттерге жол берілмейді. Бірнеше гарнизонда әскери бөлімді (мекемені) орналастыру кезінде делегат жиналысына рұқсат етіледі. Құрылымдық бөлімшелердің делегаттарының саны әскери бөлімнің (мекеменің) офицерлер кеңесімен анықталады. Офицерлік жиналыстың жұмысына қатысу үшін Кеңес төрағасының шешімі бойынша мыналар шақырылуы мүмкін: 1) Қарулы Күштер ардагерлері қатарынан запасқа шығарылған (әскери киім нысанын кию құқығы бар) офицерлер; 2) Қазақстан Республикасы Қарулы Күштерінің басқа әскери бөлімдері мен мекемелерінің офицерлері; 3) офицерлердің отбасы мүшелері. Офицерлік жиналыста қабылданатын барлық шешімдер жасырын дауыс беру арқылы қабылданады және егер офицерлердің жалпы жиналысына қатысқан офицерлердің кемінде жартысы оларға дауыс берсе, қабылданған болып табылады. Офицерлік жиналыста қабылданған барлық шешімдерді кеңес хатшысының хаттамаларында көрсетіледі. жүктеу/скачать 185.81 Kb. Достарыңызбен бөлісу:
|