Қазақстан республикасы оқу-ағарту министрлігі «talap» коммерциялық емес акционерлік қОҒамы
жүктеу/скачать 2.69 Mb.
|
Оқыту нәтижелері мен бағалау критерийлерінің дәйектілігі білім алушыға не істеу керектігі туралы нақты түсінік береді. Нақты бағалау критерийлері педагогтың кері байланыс құрылымы бойынша жұмысын жеңілдетеді. Бағалау критерийлері көп болмауы керек (3-тен 5-ке дейін ұсынылады). Бағалау критерийлерінің объективтілігі, егер олар процестің немесе қызмет өнімінің нормаларға – МС, СНжЕ, техникалық регламенттер, қауіпсіздік техникасы қағидаларына (қызмет нәтижесінің немесе процесінің сапасына қойылатын талаптарды белгілейтін басқа құжаттар, мысалы, технологиялық карта) сәйкестігіне сілтемені қамтыса қамтамасыз етіледі. Егер нормативті бекітілген стандарт болмаса, өнімнің немесе процестің сапалық сипаттамаларын (дұрыстығы, дәлдігі, ұтымдылығы, тиімділігі, дұрыстығы және т.б.) пайдалануға немесе талаптардың түрін көрсетуге болады (мысалы, есептің техникалық құжаттаманы рәсімдеу талаптарына сәйкестігі). Бұл жағдайда әзірлеушілер өнімнің немесе қызмет процесінің формальды сипаттамасын дербес әзірлеуі керек (еңбек әрекетін орындаудың «эталонын белгілеу»). Бағалау критерийлері: білім алушының дәл осы нәтижеге қол жеткізгенін көрсету үшін оқыту нәтижелерінің мәнін ашуы; оқыту нәтижелеріне қол жеткізу деңгейін көрсетуі; айқын, өлшенетін және бақыланатын болуы тиіс. Бағалау критерийлері оқыту нәтижелеріне ұқсас тұжырымдалады, яғни әрекет етістігінен басталады. Бұл жағдайда тек бір етістікті қолдану ұсынылады, себебі бұл бағалауды жеңілдетеді. жүктеу/скачать 2.69 Mb. Достарыңызбен бөлісу:
|