Ынтымақтастық педагогикасы бағыттары:
v Балаға ізгілікті – тұлғалық тұрғысынан қарау.
v Белсендірушілік және дамытушылық дидактикалық кешен.
v Тәрбие тұжырымдамасы
3.Тұлғаға бағдарланған технологиялар. Негізгі тұжырымдамалық идеялар.
Балаға ізгілікті – тұлғалық тұрғысынан қарау дегеніміз – мектептің білім беру үрдісі тұлға сапаларының барлығын біртұтас дамытуды басты мәселе деп қарастыруы. Даму деңгейі мектептің білім беру нәтижесімен, мұғалімнің, тәрбиешінің, басшылардың, тәрбие мекемесінің жұмыс сапасының көрсеткіштерімен бағаланады. Оқу – тәрбие үрдісін ізгілікті – тұлғалық тұрғысынан ұйымдастыру – тұлғаға бағдарлданған педагогикалық технологиялардың негізі болып табылады
Педагогикалық қарым – қатынасты ізгілендіру және демократизациялау. Оқу – тәрбие үрдісінің нәтижесін анықтайтын маңызды факторы тұлғааралық қарым – қатынас болып табылады.
Балаға деген ізгіліктік қатынас:
- балаға деген махаббат;
- балаға сену;
- ынтымақтастық, қарым – қатынас шеберлігі;
- мәжбүрлеудің болмауы;
- жағымды ынталандыру;
- бала бойындағы кемшіліктерге төзімділік;
Қарым – қатынасты демократияландыру:
- оқушы мен мұғалімді құқықтық жағынан теңестіру;
- баланың таңдау еркіндігі;
- қателік жасауға құқылы;
- өзіндік көзқарасына құқы;
- бала құқығы туралы Конвенцияны сақтау;
- мұғалім мен оқушының қарым – қатынас стилі: тиім жасамау, керісінше бағыт беру; басқармау, өзін - өзі басқару; мәжбүрлемеу, сендіру; бұйырмау, керісінше ұйымдастыру; шектемеу, керісінше таңдау мүмкіндігін ұсыну.
Мәжбүрлемей тәрбиелеу. Жаңа қарым – қатынастың негізі ізгіліктік орын алмайтын және нәтиже бермейтін мәжбүрлеуден бас тарту. Яғни:
- мәжбүрлеусіз, сенім артуға негізделген талап қоюшылық;
- баланың қызығушылығын тудыру;
- мәжбүрлеуді ниеттілікпен алмастыру;
- баланың өз бетінше әрекет етуіне және өзін - өзі анықтауына жағдай жасау;
- ұжым арқылы әсер ету арқылы жанама талаптар қою.
Достарыңызбен бөлісу: |
