Білім беру бағдарламасы бойынша студенттерге арналған «Ақпараттық коммуникациялық технологиялар»
Дəріс № 5. Бағдарламалық жасақтама
жүктеу/скачать 3.3 Mb. Pdf көрінісі
|
| Дəріс № 5. Бағдарламалық жасақтама.
Мақсаты: Студенттерді компьютердің бағдарламалық жасақтамасымен таныстыру. Жоспар: 1. Бағдарламалық жасақтама. 2. Бағдарламалық жасақтаманың түрлері, мақсаттары мен сипаттамалары. Компьютерде тапсырмаларды шешуге арналған бағдарламалар жиынтығы бағдарламалық қамтамасыздандыру (БҚ) деп аталады. Бағдарламалық қамтамасыздандыруды шартты түрде үш санатқа бөлуге болады: Жүйелік БҚ (жалпы қолданушы бағдарламалары) əр түрлі қосалқы функцияларды орындайды, мысалы, пайдаланылатын ақпараттың көшірмесін құру, компьютер туралы анықтама ақпаратын беру, компьютерлік құрылғылардың жұмысын тексеру жəне т.б. Қолданбалы БҚ – компьютерде қажетті жұмыстарды орындауды қамтамасыз етеді: құжаттарды өңдеу, суреттерді немесе бейнелерді құру, ақпараттық массивтерді өңдеу жəне т.б. БҚ құралдары (бағдарламалау жүйесі) – бағдарламалау тілінде компьютерге арналған жаңа бағдарламаларды əзірлеуді қамтамасыз етеді. 1-суретте бағдарламалық қамтамасыздандырудың санаттары көрсетілген. 1-сурет. Бағдарламалық қамтамасыздандырудың санаттары Жүйелі БҚ. Бұл нақты компьютерді қолданумен байланысты емес, жалпы қолданушылар бағдарламасы, ол дəстүрлі функцияларды орындайды: жоспарлау жəне тапсырманы басқару, енгізу/шығаруды басқару жəне т.б. Жүйелік бағдарламалар əр түрлі қосалқы функция- ларды орындайды, мысалы, қолданылатын ақпараттың көшірмелерін алу, компьютер туралы анықтамалық ақпарат беру, компьютерлік құрылғылардың жұмысын тексеру жəне т.б. Жүйелік бҚ мыналар жатады: 1) операциялық жүйелер (компьютер қосылғанда бұл бағдарлама операциялық есте сақтау құрылғысына (ОЕҚ-а) жүктеледі); 2) қоршам бағдарламалары (компьютермен ыңғайлы жəне көрнекті түрде байланыс жасау мүмкіндігін береді, мысалы, DOS немесе Norton Commander командалық жолдарына қарағанда); 3) операциялық қоршамдар – графикалық интерфейстерді, мульти бағдарламаларды 21 жəне т.с.с. құру үшін қолданылатын интерфейс жүйелері; 4) драйверлер (перифериялық құрылғылардың порттарын басқаруға арналған бағдарламалар, əдетте компьютер жұмысқа қосылған кезде жедел жадыға жүктеледі); 5) утилиттер (пайдаланушыға бірқатар қосымша қызметтерді ұсынатын қосалқы немесе қызметші бағдарламалар). Утилиттерге мыналар жатады: файл диспетчерлері немесе файл менеджерлері; динамикалық деректерді қысу құралдары (дискінің динамикалық қысылуына байланысты ақпараттың көлемін көбейтуге мүмкіндік береді); көру жəне бейнелеу құралдары; диагностикалық құралдар; компьютердің конфигурациясын жəне қатты дискінің жұмысын тексеруге мүмкіндік беретін басқару құралдары; 6) байланыс құралдары (байланыс бағдарламалары) – компьютерлер арасында ақпарат алмасуды ұйымдастыруға арналған құрылғылар; 7) компьютерлік қауіпсіздікті қамтамасыздандыру құралдары (резервтік көшірме, вирусқа қарсы БҚ). жүктеу/скачать 3.3 Mb. Достарыңызбен бөлісу:
|