Дидар амантай әзиза Данарға!
жүктеу/скачать 28.22 Kb.
|
|
Дидар АМАНТАЙ Әзиза – Данарға! ТЕРЕЗЕ / пьеса-жоба автордың прозалық көркем шығармалары және пәлсапалық еңбектері желісі бойынша преамбула Сахна. Қызыл іңір. Азан-қазан, апақ-сапақ шақ. Жол бойы тізілген терезелерден өлмеусіреп, көшеге әлсіз жолақ жарық түсіріп, біртіндеп білте шамдар жанып жатыр. Иран-парсы көркем фильмдеріндегі аллеялар тәрізді сурет. Көрініс. Төрде қарауытып үлкен экран ілініп тұр. Сәлден соң, экран жанып, бастапқы титрлар жүре бастайды: Қазақтың ұлттық академиялық драма театры Дидар Амантайдың пьесасы бойынша қойылған режиссердің ТЕРЕЗЕ атты спектаклі Рөлдерді сомдағандар: 1 көрініс Экран сөнеді. Қайта көз байлаған қараңғылық орнайды. Кенет қараңғылықты жарып, жаққан сіріңкеден, майшам тұтанады, жалыны тербеліп өлмеусіреп жанады. Қараңғы кеңістікті тілген жалғыз шұғыла жарық. Көк жалқын жалыны – дұға оқығандай күбірлеп сөйлеген адам демінен – ары-бері шалқи төгіліп, іргесіне көлеңке түсіреді. Көлеңке жалын ізімен теңселе билеп тұр. Бәрі экраннан ірі планда көрінеді. Жарық біртіндеп күшейгенде, алаңкөлеңке кеңіс-тікте терезенің сұлбасы байқалады. Майшам терезе түбінде жанып тұр. Жалғыздық образы. Бір адамның өзімен өзі сөйлескен күбірі тағы естіледі. Бейтаныс әлсіз дауыс жан-жағына құмығып жетеді. Сахнадағы жарық тағы күшейе түседі. Енді терезе мен терезе түбінде жанған майшамның ар жағынан, түкпірден креслода отырған бір мүгедек адам қарауытады. Күбірлеп отыр. Жарық сөнеді. 2 көрініс Сахнада – жеті терезе. Біріншісінде – медбике бала көтеріп тұр. Екіншісінде – қызыл галстук таққан бала. Үшіншісінде – қыз бен жігіт. Төртіншісінде – деловая встреча. Бесіншісінде – Мерседес автомобилі. Алтыншысында – креслода отырған жігіт. Жетіншісінде – терезе бір көтеріледі, бір түседі. Әр терезеге – кезек-кезек жарық түсіріледі. Экранда – ірі план. жүктеу/скачать 28.22 Kb. Достарыңызбен бөлісу:
|