Древняя русь и ее окрестности

К ВОПРОСУ ОБ ИСТОЧНИКАХ «РУКОПИСАНИЯ МАГНУША»

55
[5] Первие сего подьялъся местерь Бельгерь и шелъ в Неву,
[6] и срѣте его князь великии Александръ Ярославич на Ижерѣ рѣцѣ, и самого про-
гна, а рать его поби.
[7] И потом брат мои Маскалка, вшедъ в Неву, городъ постави на Октѣ рѣцѣ и по-
садникы своя посади съ множествомъ нѣмець, а самъ поиде за море.
[8] И пришед великии князь Андреи Александрович, город взя, а намѣстники 
и немѣць поби.
[9] И потом было намъ розмирие с Русью 40 лѣт.
[10] И потом за 40 лѣт с великимъ княземъ Юрьемъ Даниловичемъ взяли есмя миръ 
вѣчныи на Невѣ, земли есмя и водѣ учинили роздѣлъ, кому чѣм владѣти, и гра-
моты есмя пописали и попечатали.
[11] И потом за 30 лѣт, язъ, Магнушь король, того не порядя, поднялся есмь съ всею 
землею Свѣискою,
[12] и вшед в Неву, и взя город Орѣховъ и намѣстники есмь свои в городѣ посадилъ, 
и съ ними нѣколко силы моеи оставих, а самъ есмь пошелъ за море.
[13] И потомъ новорогодци пришед, город свои взяли, а намѣсткниковъ и немѣць 
побили, которыи были в городѣ.
[14] И язъ, того не порядя, за одинъ годъ, опять пошелъ к Орѣхову съ всею Свѣискою 
землею; и стрѣти мя вѣсть, что новогородци под Орѣховцемъ.
[15] И яз опять пошел под Копорью, и под Копорьею есмь ночь ночевал; и вѣсть 
ко мне пришла: новогородци на украѣ земли.
[16] И яз то слышевъ, побѣглъ за море, ино в валу парусовъ не знати; и въста буря 
силна, и потопи рати моеи мног на усть Неровы рѣкы.
[17] И пошелъ есмь в землю свою съ станкомъ рати.
[18] И от того времени наиде на нашу землю Свѣискую погибель: потопъ, моръ, го-
лодъ и бысть сѣча межди собою.
[19] У самого у мене отя Богъ ум, и сѣдѣх в полатѣ год прикованъ къ стѣнѣ чепию 
желѣзною и задѣланъ есмь был в полатѣ.
[20] И потомъ приѣха сынъ мои Сакунъ из Мурманьскои земли, и выня мя ис по-
латы, и повезе в свою землю Мурманьскую.
[21] И удари на мене опять потопъ, корабли мои и люди мои истопи вѣтръ, а сам 
сътворихся, плавая на днѣ корабленемъ, исторцнемъ пригвоздихся три дни 
и три нощи.
[22] И по Божию повелению, принесе мя вѣтръ под манастырь Святаго Спаса в пол-
ную рѣку, и сняху мя со дьскы черньци,
[23] и внесоша мя в манастырь и постригоша мя в черньци и въ скыму: и сътвори мя 
Господь три дни и три нощи жива;
[24] а все то мене Богъ казнилъ за мое высокоумие, что есть наступалъ на Русь 
на крестномь целовании.
[25] И нынѣ приказываю своимъ дѣтем и своеи братьи и всеи земли Свѣискои:
[26] Не наступаите на Русь на крестномъ целовании, а кто наступить, на того огнь 
и вода, им же мене Богъ казнилъ. А все то створилъ Богъ к моему спасению.
[ПЛДР, 1981. С. 58–60]

жүктеу/скачать 2.45 Mb.

Достарыңызбен бөлісу: