Фармацевтикалық инспекторатты қалыптастыру, тиісті фармацевтикалық практика жөніндегі фармацевтикалық инспекторлардың тізілімін жүргізу ережесін бекіту туралы
II. ФАРМАЦЕВТИКАЛЫҚ ИНСПЕКТОРЛАРДЫҢ ТІЗІЛІМІН ҚАЛЫПТАСТЫРУ ЖӘНЕ ЖҮРГІЗУ
жүктеу/скачать 35.57 Kb.
|
| II. ФАРМАЦЕВТИКАЛЫҚ ИНСПЕКТОРЛАРДЫҢ ТІЗІЛІМІН ҚАЛЫПТАСТЫРУ ЖӘНЕ ЖҮРГІЗУ
66. Тізілімді қалыптастыру және жүргізудің мақсаты фармацевтикалық инспекторлар туралы мәліметтерді есепке алу және жүйелеу болып табылады. 67. Тізілімді дәрілік заттар айналымы саласындағы мемлекеттік орган (бұдан әрі – мемлекеттік орган) қалыптастырады және жүргізеді. 68. Тізілімді қалыптастыру және жүргізу фармацевтикалық инспекторлар туралы өзекті мәліметтерді алуды, Денсаулық сақтау саласындағы уәкілетті органның ақпараттық ресурсында тізілім мәліметтерін сақтауды, жариялауды, сондай-ақ мүдделі ұйымдарға тізілім мәліметтеріне қол жеткізуді ұсынуды қамтиды. 69. Мемлекеттік орган Тізілімге енгізу үшін ұсынылатын фармацевтикалық инспекторлар туралы мәліметтердің дұрыстығы үшін жауапты болады. 70. Тізілімді жүргізу мемлекеттік және орыс тілдерінде жүзеге асырылады. 71. Тізілім фармацевтикалық инспектор туралы жариялануға жататын мынадай мәліметтерді қамтиды: а) Тегі, Аты, Әкесінің аты (бар болса)); б) байланыс мәліметтері: телефон нөмірі және электрондық пошта мекенжайы (бар болса)); в) жоғары кәсіптік білімнің болуы туралы мәліметтер; г) білім туралы дипломға сәйкес мамандықтың атауы; д) ғылыми дәрежесі туралы мәліметтер (бар болса)); е) жұмыс орны туралы мәліметтер: заңды тұлғалар тізілімінде заңды тұлғаның ұйымдық-құқықтық нысаны мен бірегей сәйкестендіргіші көрсетілген заңды тұлғаның толық және қысқартылған атауы; заңды тұлғаның орналасқан жері (мекенжайы); байланыс мәліметтері: телефон және факс нөмірлері, заңды тұлғаның электрондық поштасының мекенжайы (бар болса); лауазым атауы; ж) фармацевтикалық инспекцияларды жүргізуге байланысты қызметті жүзеге асыруды бастау күні; з) фармацевтикалық инспекцияларды жүргізуге байланысты қызметті жүзеге асырудың аяқталу күні. 72. Тізілім фармацевтикалық инспектор туралы жариялануға жатпайтын мынадай мәліметтерді қамтиды, оларға тек уәкілетті органдарға (фармацевтикалық инспекторларға) рұқсат беріледі.): а) туған күні; б) азаматтығы; в) тұрғылықты жері; г) жоғары кәсіптік білім туралы мәліметтер: оқу мекемесінің атауы, оқуды бастау және аяқтау күні, біліктілігі (дәрежесі), жоғары кәсіптік білім туралы құжаттың атауы, сериясы және нөмірі; д) қосымша білімі туралы мәліметтер: оқу мекемесінің атауы, оқуды бастау және аяқтау күні, қосымша білімі туралы құжатқа сәйкес мамандықтың атауы, біліктілігі (дәрежесі), қосымша білімі туралы құжаттың атауы, сериясы және нөмірі; е) тиісті фармацевтикалық практикалардың атауларын көрсету, оларға сәйкестігін фармацевтикалық инспектор инспекциялауды жүргізуге уәкілетті; ж) соңғы лауазым бойынша еңбек қызметі туралы мәліметтер: дата приема на работу; дата увольнения; з) тиісті фармацевтикалық практикалардың талаптарына сәйкестігін анықтау мақсатында дәрілік заттар айналымы саласындағы ұйымдарды (оның ішінде денсаулық сақтау ұйымдарын) бағалау саласындағы жұмыс өтілі. 73. Денсаулық сақтау саласындағы уәкілетті орган адамды фармацевтикалық инспектор етіп тағайындау туралы шешім қабылдағаннан кейін мұндай адам туралы мәліметтерді уәкілетті орган Тізілімге енгізу үшін мемлекеттік органға береді. 74. Тізілімге енгізуге жататын фармацевтикалық инспектор туралы мәліметтер өзгерген жағдайда олар тізілімді өзектендіру мақсатында мемлекеттік органға беріледі. Бұл ретте өзектілігін жоғалтқан мәліметтер 10 жыл бойы оларға қол жеткізуді қамтамасыз ете отырып, мұрағаттық сақтауға жатады. 75. Фармацевтикалық инспектордың қызметін тоқтату туралы мәліметтер тізілімнен алып тастау және одан әрі мұрағаттық сақтау үшін мемлекеттік органға 10 жыл бойы оларға қол жеткізуді қамтамасыз ете отырып беріледі. 76. Мүдделі тұлғаларға интеграцияланған жүйеде қамтылған, фармацевтикалық инспектор туралы жариялауға жатпайтын мәліметтерді беруді мемлекеттік орган Қазақстан Республикасының қолданыстағы заңнамасында белгіленген тәртіппен, оның ішінде дербес деректерді және құпия ақпаратты қорғау саласында жүзеге асырады. 77. Тізілімді қалыптастыру және жүргізу шеңберінде мемлекеттік орган фармацевтикалық инспектор туралы жариялануға жатпайтын мәліметтерді рұқсатсыз қол жеткізуден қорғауды қамтамасыз етеді. _____________________________________ жүктеу/скачать 35.57 Kb. Достарыңызбен бөлісу:
|