Жаңадан бастаушыларға арналған механикалық ӨҢдеу
ИӘ, МЕН БҰЛ КІТАПТЫ МЕХАНИКАЛЫҚ ӨҢДЕУ ТУРАЛЫ ЕКЕН ДЕСЕМ!
жүктеу/скачать 6.75 Mb. Pdf көрінісі
|
| ИӘ, МЕН БҰЛ КІТАПТЫ МЕХАНИКАЛЫҚ ӨҢДЕУ ТУРАЛЫ ЕКЕН ДЕСЕМ!
Неліктен мен механикалық өңдеу туралы айтарлықтай қызықты тақырып туралы айтуыма бола тұрып, уақытымды дәнекерлеу мен әзірлеуге кетіріп отырмын? Бұған бірнеше жақсы себеп бар. Біріншіден, дәнекерлеу мен әзірлеу бұршақ пен сәбіз секілді бірге жүреді. Шын мәнінде көптеген бөлшектер ию баспағынан немесе соқпа механизмінен тікелей дәнекерлеу бөліміне кетеді, ол жерде олар құрал-саймандарға арналған әсем қорапты, кейбір электрлік корпустарды немесе сіздің пикапыңызды көтергіштердің жиынтығын жасау үшін ұқсас бөлшектермен біріктіріледі. Дегенмен көбінесе осы бөлшектер мүлдем басқа бағыттан: механикалық өңдеу цехтарынан келеді. Ия, бұл шындық ‒ көптеген өндірістік кәсіпорындардың цехтың алыс бұрышында, металл құрастырылымды өндірушілердің көзіне осы жоңқалар шығаратын кір білдектер түспейтін жерде бірнеше фрезерлік және жону білдектері болады. Мұның себебі металды қысыммен өңдеуге арналған жабдық (әдетте) қалыңдығы екі дюймнан аспайтын материалды өңдейді. Ол сондай-ақ пердеше мен тегістеуді, тегершіктер мен сыртқы кесуді, біліктерді, сомындарды және басқа да домалақ бөлшектерді жасай алмайды. Механикалық өңдеу осының бәрін және басқаны да оңай жасайды. Бұрынырақ айтып кеткеніміздей, металды қысыммен өңдеу механикалық өңдеусіз ешнәрсеге татымаған болар еді. Қысыммен өңдеу цехтарының жұмыскерлері, осыны сіздердің түсінгендеріңіз жөн. . ТЕХНИКАЛЫҚ АҚПАРАТ 4- ТАРАУ. МАТЕРИАЛИСТ БОЛА ОТЫРЫП Тағы да айта кетерлік жайт, біз металдардың өндіруі мен ағаштардың жапырақ жаю заңдылықтарын білмегендіктен, кемелер мен темір жолдардың шығу тегі туралы да ешнәрсе біле алмаймыз. АЛЬФРЕД РАССЕЛ УОЛЛЕС Кез келген кәсіби жарияланымды оқыңыз, кез келген семинарға қатысыңыз, сонда сіз жақын арада механикалық өңдеу дегеніміз материалды алып тастауға қатыстының барлығы болып табылатынына көз жеткізесіз. Ал «материал» деп нені атайды? Егер сіз құрылысшы болсаңыз, онда құрылыс материалын ағаш қоймасынан ала аласыз. Тігіншілер өз материалы үшін мата дүкеніне барады. Тиеу-түсіру жабдығы ауыр жүктерді көтереді, ал тиеушілер тек сөрелерді толтырады және тапсырыстарды ресімдейді. Механикалық өңдеу әлемінде «материал» сөзі көбінесе металға қатысты. Өткен аптада болған демалыста барбекю кезінде өзіңіз отырған төмен көміртекті болаттан жасалған тот басқан шезлонг та, ас үйіңіздегі «303 сынамалы тот баспайтын болаттан» жасалған тостер де материалдың бір мысалы болып табылады. Пластик те маңызды және барлығын жеңіл әрі арзан етуге деген әлемдік ұмтылыстың арқасында оның маңыздылығы артып келеді. Металл секілді пластиктің де (химиктер оны «полимер» деп атайды) түрлі қалыптары, пішіндері және сұрыптары болады: сіз бір кездері қар басқан қырдан төмен қарай сырғанаған полиэтилен табандықтан бастап, кинотеатрда салқын сусынды сораптап отырған полипропилен түтікшеге дейін. Осы тарауда металдың да, пластмассаның да қасиеттері, олардың сұрыптары мен сыныптары қарастырылады, сондай- ақ оларды механикалық өңдеуден өткізуіңізге көмектеседі. жүктеу/скачать 6.75 Mb. Достарыңызбен бөлісу:
|