Жаңадан бастаушыларға арналған механикалық ӨҢдеу
жүктеу/скачать 6.75 Mb. Pdf көрінісі
|
| Maрганец: егер сіз жақын арада газдалған сумен құтыны ашқан болсаңыз немесе
тарихтан бұрынғы жартастағы жазбаны жасаған болсаңыз, онда қолыңыздың ұшының марганецке тигені. Осы бай минерал алюминийдің әсерінен болатын коррозияға төзімділікті жақсартады, сиырлардың денсаулығын сақтау үшін және өсімдіктерді жасыл қалпында сақтау үшін тыңайтқыштарда шикізат ретінде қолданылады. Айта кетерлік жайт, жоғары марганецті болат айтарлықтай тозуға төзімді әрі оны өңдеу қиынға соғады. Мүмкіндігінше одан алысырақ болыңыз, себебі өңдеу үшін едәуір жеңілірек заттар да бар. Moлибден: элементтер өздерінің жыл сайынғы жиналысына жиналған кезде әзілқойлар «Сәлем, Мо!» деп молибденді қарсы алады. Бірақ бұл молибден қатты зат болып табылады. Ол сонымен бірге ауыр. Шын мәнінде, оны бірінші ашқан Карл Уильям Шееле (ол вольфрамды да ашқан) өзі жұмыс істеп жатқан үлгілердің құрамында қорғасын бар деп ойлап, минералды «молибдос» деп атаған, ол гректің «қорғасын» деген сөзі. Әлемде молибденнің басым бөлігі құрылымдық, тот баспайтын және аспаптық болатты өндіру үшін пайдаланылады, алайда молибден мұнайды өңдеуде де өндірістік майлағыш ретінде маңызды болып табылады. Вольфрам: ескі үлгідегі лампаның ішіне қараңыз (алдымен, оны өшіріп алғаныңыз жөн). Тоқ өткен кезде шағын күн секілді жарқырайтын орауыш пішініндегі титтей жіпті көріп тұрсыз ба? Бұл ‒ вольфрам. Вольфрамит пен шеелиттің минералдарынан алынған вольфрам зымыранының шүмегінен микротолқынды пештерге дейін пайдаланылатын аса қатты, морт металл болып табылады. Ол сонымен қатар басқа да көптеген кесетін құралдардың басты құрауышы болып табылады. Ванадий: бір кездері көптеген операторлар титан қорытпасының кеңінен таралған түрі болып табылатын «Ti-6Al-4V» бөлшектерін жасау туралы қуанышты мүмкіндікке ие болады. Бұл аса жағымды нәрсе емес. «4V» нені білдіретінін тауып көріңіз? Сіз дұрыс таптыңыз: норвегиялық құдай әйел «Фреяның» көп аттарының бірі ‒ «Ванадистың» құрметіне аталған ванадий ‒ қатты сынбайтын металл. Ванадийдың шағын көлемі кесетін құралдарда үлкен рөл атқарады және көбіне олардың беріктігі мен мығымдығын арттыру үшін массасы бойынша бірнеше пайыздан артық қажет емес. 65 Мұнда көбірек ақпарат айтылады. Фосфордың шағын көлемі болатты берік етеді және өңделуді жақсартады. Кремний болатты қышқылсыздандыру үшін және өндіріс кезіндегі көпіршіктерді алып тастау үшін пайдаланылады. Аздаған күкірт көлемі болатты май секілді жұмсақ етеді, бірақ оның беріктігін айтарлықтай бәсеңдетеді. Болатқа никель қосу, екеуін де мықты ете отырып, әлсіз баланы ауыр заттар көтеру үшін жаздық лагерьге жіберумен бірдей. Өз алдына металл болып табылатын мыс, алюминий (4-1-суретті қараңыз), титан секілді болатты қосындылау үшін жиі қолданылатын элементтерді де ұмытпайық. 4-1- сурет: Алюминий ‒ жер қабатындағы ең көп таралған минерал жүктеу/скачать 6.75 Mb. Достарыңызбен бөлісу:
|