Жедел ларингит көмей шырышты қабығының қабынуы
Кіші қанайналым шеңберінің қан байлығымен сипатталатын ТБЖА
жүктеу/скачать 56.7 Kb.
|
| 5.5.3. Кіші қанайналым шеңберінің қан байлығымен сипатталатын ТБЖА
Бұл ақаулар тобына кіші және үлкен қанайналым шеңберлер арасындағы патологияық байланыстың арқасында артериялық қанның кіші шеңберге шамадан артық түсу жатады. Ең жиі кездесетін ақау - ашық артериалды түтік. Эмбриондық кезеңде өкпе артериясы мен қолқаны өзара қосып, көк тамыр қаны қолкаға келуіне арналған өзек, қалыпты жағдайда нәресте өмірге келген соң бірінші 2-3 айда жабылып, әбден бітеледі. Егер жабылмаса, қан әлі де түтік арқылы қолкадан өкпе артериясына өтеді, сондықтан оң жақ қарыншаға, жүрекшеге ауыртпалық түсіп, өкпе гипертензиясы пайда болады. Аурудың айқын белгілері 2-3 жасар балада белгілінеді. Ентікпе, жүрек тұсының ауырсынуы, әлсіздік пайда болады. Систолалық қан қысымы жасына сай, ал диастолалық қан қысымы төмен болады. Жүрек шекарасы солға, оңға және жоғарыға қарай кеңиді. Сол жағының ІІ-ІІІ қабырға арасында, жүрек үшына, мойын тамырларына, қолқаға, арқаға тарап қатты естілетін систолалық шу естіледі Жүрекше аралығының кемістігі - екі журекше арасындағы перде саңылауына байланысты ақау. Бұл ақау балаларда көпке дейін білінбейді. Қан қалқа кемістігі бойынша сол жүрекшеден оң жүрекшеге түседі. Жүректің оң жағында систолалық қан қысымы, шамалы уақыттан кейін диастолалық қан қысымы көтеріледі, оң жүрекше көлемі үлкейеді. Баланы қарағанда - жүрек шекарасы оңға, солға кеңеюі мүмкін, тыңдағанда - өкпе артериясы тұсында ІІ тонның тұрақты түрде бөлініп естілуі, төссуйектің сол жағында ІІ-ІІІ қабырғалар арасынада естілетін орта дыбысты систолалық шу болады. Осы шу баланы жатқызып тыңдағанда жақсырақ естіледі. Қарынша аралығының кемістігі. Ең жиі кездесетін жүрек ақауы, жалпы жүрек ақаулары ішінде 23-48% осы ақау үлесіне тиеді. Ер балаларға қарағанда, қыз балаларда жиі кездеседі. Қарынша аралық перденің саңылау көлемі әр түрлі болады, қан сол қарыншадан оң қарыншаға түскеннен жүректің оң жағындағы систолалық қан қысымы, содан кейін – диастолалық қан қысымы көтеріледі. Осыған байланысты оң қарыншаның көлемі ұлғаяды. Тықылдатқанда-жүрек шектері үстіне, солға, оңға қарай кеңейген. Тыңдағанда - төс сүйектің сол жағында ІV-V қабырға аралығында систолалық шу естіледі. Қарағанда - баланың терісі боз түсті, мойын тамырлары кеңейеді, олардың пальпациясын байқауға болады. Балалардың 50% физикалық дамуы жасынан қалып қояды. Балалар респираторлы аурумен жиі ауырады. жүктеу/скачать 56.7 Kb. Достарыңызбен бөлісу:
|