Мүрәлінов К.Қ., Махмутов А.Қ., Мүрәлінова Ж. К
Iрi қараның мес қарынын тiлiп ашу (rumenotomia)
жүктеу/скачать 4.96 Mb. Pdf көрінісі
|
| Iрi қараның мес қарынын тiлiп ашу (rumenotomia)
Операцияға көрсетулер. Руминотомияны жұмыршақ қарын жарақаттанып қабынғанда, оның iшiндегi қарынның қабырғасын тесiп кететiн бөгде заттарды алып тастау мақсатымен жасайды. Егер операция аурудың бастапқы кезеңде, iш пердесiнiң iріңдеуi әлi басталмаған жағдайда және бөгде зат басқа органдарға – бауырға, талаққа, жүрекке өтiп кетпеген болса, операция жасалған малдың 80 % айығады. Сондай-ақ бұл операцияны мес қарында өте көп жын жиналып, қатайып тұнып қалған жем – шөп түйiршiктерiн алып тастау үшiн және қарын көбiктеніп, жiтi кеуiп кеткен кезде басқа да ем әдiстерi нәтижесiз болғанда жасайды. Бекемдеу. Ірі малды тұрғызып ұсақ малды жатқызып бекемдейді. Жансыздандыру. Руминотомия жасау алдында құрсақ қабырғасының қабаттарының сезiмiн бiртiндеп жою үшiн ең соңғы қабырға аралық, 1 және 2 бел жүйкерiнiң сезiмiн жояды. Ең соңғы қабырға аралық жүйкенің сезiмiн жою үшiн иненi соңғы қабырғаның артқы бетiнен бiрiншi бел омыртқаның көлденең қанатының ұшы келетiн жерден шаншиды. Иненi әрi қарай сүйекке тiрелгенше шаншиды, содан соң сүйектен тайдырып жiберiп әрi қарай 3-5 мм. тағы енгiзедi де, 3% новокаин ерiтiндiсiнiң 10 мл жiбередi. Иненi керi суырып келе жатып сезiм жойғыш ерiтiндiнi осы мөлшерде ет арасына және терi астындағы клетчаткаға да жiбередi. Осы әдiспен бел жүйкелерiнiң де сезiмiн жояды, ол үшiн иненi: 1) екiншi бел омыртқаның көлденең қанатымен алдыңғы жағынан қанат ұшынан 4,5-5,0 см жерден шаншиды; 2) үшiншi бел омыртқаның көлденең қанатының алдыңғы жағынан, қанат ұшынан 7,0-7,5 140 см жерден шаншиды. Құрсақ қабырғасының тiзе қыртысы маңынан басқа терiнiң сезiмi түгелдей жойылады. Ұлпа қабаттарының сезiмiн жоюда иненi шаншитын жердi мына тәсiлмен табады. Екiншi бел омыртқасының көлденең қанатының ұшын табады, ол ең соңғы қабырғаның артында әрдайым анық бiлiнедi. Одан 4-5 см жоғары жерден дененiң ұзын бойына сызық сызады (бiрiншi бел омыртқаның көлденең қанаты нақтылы белгi бола алмайды, өйткенi ол семiз малда қолмен басқанда сезiлмейдi). Иненi сол сызық бойынша үш жерден шаншиды, бiреуiн көлденең қанаттарының алдыңғы жағынан шаншиды. Операциядан кейiн асқынудан сақтандыру үшiн құрсақ қабырғасының сезiмiн жоюмен бiрге қосымша түрде Мосин тәсiлiмен плевра үстiлiк тежеу жасайды. Операцияның техникасы. Руменотомия кезiнде малды қозғалмайтын етiп (танау қысқыш салу, қабырға белбеулермен тартып байлау) байлаудың қажетi жоқ (сурет 110). Малға операцияны әдетте түрегелiп тұрған бойда жасайды, тек улану салдарынан мал аяғының шала параличi болып, ол тұра алмай жатқан жағдайда операцияны малға сол жатқан жерiнде жасайды. Құрсақ қуысының малдың мiнер жағындағы қабырғаның бойымен оның артқы шетiне үш елi (6-7см.) жерден және бел жүктеу/скачать 4.96 Mb. Достарыңызбен бөлісу:
|