Білім алушыларды тәрбиелеуде қҰндылықҚа бағытталған тәсілді жүзеге асыру бағдарламасы
жүктеу/скачать 5.22 Mb. Pdf көрінісі
|
| Қазақстандық патриотизм және азаматтық жауапкершілік
Жастарға патриоттық тәрбие беру – еліміздің білім беру саласында жүйелі беріліп отыратын саясатының бірі. Өз елінің патриоты болу – мақтаныш пен өз қадір-қасиетіне ие кез келген адам үшін әрқашан үлкен құрмет. Сонымен қатар, сенімді дамып келе жатқан мемлекетте патриоттық тәрбие тек шығармашылық процесс ретінде бағаланбауы керек. Бұл сондай-ақ жастар 35 үшін, елдің болашағы үшін күрес, мәжбүрлі көші-қон, қылмыстың, нашақорлықтың, маскүнемдік пен экстремистік көңіл-күйдің өсуі сияқты жағымсыз құбылыстарға қарсы күрес. Патриотизм – бұл ерекше сезім, оның мазмұны өз Отанына деген сүйіспеншілік пен адалдық, оның өткені мен бүгіні үшін мақтаныш, оның мәдени ерекшеліктерін сақтауға деген ұмтылыс, жеке мүдделерін елдің ортақ мүдделеріне бағындыруға дайын болу, Отанға қызмет етуге, оны қорғауға деген ұмтылыс. Әлеуметтік құбылыс ретінде патриотизм – бұл адамға қажет ерекше жеке құндылық, өйткені ол оның дүниедегі құндылығы мен маңыздылығын арттырады, өміріне терең мән береді. Патриотизм идеялары ұлттар мен ұлттық мемлекеттің қалыптасуы мен дамуы дәуірінде ерекше мәнге ие болады, бұл жерде патриотизм тек моральдық құндылық, қоғамның жоғары моральдық рухының көрсеткіші ретінде түсіндірілмейді. Ол қоғамның әртүрлі әлеуметтік топтары мен қоғамды біртұтасқа байланыстыратын, біріктіретін, оларды жеке мүдделерден жоғары көтеретін және қоғамның тиімді дамуын қамтамасыз ете алатын қуатты күшке айналдыратын өзіндік іргесін қалайды. Балаларды еңбек және шығармашылыққа жетелеу Бүгінде қоғамның әлеуметтік даму жағдайы жеке тұлғаның жұмысына, әр қазақ азаматының рухани, зияткерлік және физикалық күштерін жұмылдыруға, оның еңбекке белсенді араласуын талап етеді. Адам факторын жандандыру процесі еңбекке құндылық қатынасын қалыптастыру нәтижелеріне байланысты. Қазіргі уақытта балаларда пайдалы еңбек дағдыларын қалыптастыру мәселесіне аз көңіл бөлінеді. Баланың ата-анасының тапсырмаларын орындаудан бас тартқанын жиі кездестіруге болады. Балаларға өсімдіктерді суғару, ауланы сыпыру, үйді тазалау, тамақ дайындаудан гөрі телефондар мен компьютерлерде уақыт өткізу қызықты. Еңбек – бұл адамның мақсатты әрекеті, ақыл-ой немесе физикалық немесе психикалық энергияны қажет ететін жұмыс. Еңбекқорлық пен еңбекке қабілеттілік табиғаттан берілмейді, балалық кезінен отбасында тәрбиеленіп, шыңдалады. Еңбек шығармашылық бағытта болуы керек, өйткені шығармашылық жұмыс адамды рухани байлыққа жетелейді. Ол ата-анаға жақын болуға, қамқорлық жасауға және физикалық дамуға мүмкіндік береді. Өз қолымен құнды және әдемі зат жасау қабілеті жеке тұлғаны бағалаудың жетекші критерийі – адам туралы халықтық пікірдің негізі болып табылады. Сонымен қатар, баланың құрдастарының ортасында, ең алдымен ойын әрекетінде көптеген дағдылары қалыптасады. Мектептегі еңбек процесін шығармашылықпен ұштастыру, сыныптастарымен шығармашылық жұмыс нәтижесін көру оқушының рухани жетілуіне септігін тигізеді. Құрмет көрсету Құрмет – жеке бастың да, тұлғааралық қатынастардың да маңызды құрамдас бөлігі. Құрметті сезіну – бұл адамның негізгі құқығы. Адамды құрметтемеу – қарым-қатынастың бұзылуына және тіпті зорлық-зомбылыққа 36 әкелуі мүмкін. Отбасында ата-аналар балаларын өзін-өзі, ата-анасын, ересектерді құрметтеуге үйретуі тиіс. Отбасында баңызды құрметтеуге бірнеше кеңес түрлерін ұсынамыз: 1. Сабырлы болыңыз және ешқашан да дауыс көтермеңіз Егер сіз балаңызды құрметтеуге үйреткіңіз келсе, онда онымен қарым-қатынаста үлгі келтіре отырып, әрдайым ақырын сөйлесу маңызды. Адамға дауыс көтеру де құрметтемеушілік болып табылады. Белгілі бір уақытта балаңыздың әрекеті, мінез-құлқы сізді ренжіткен болса, дауыс көтермеуге тырысыңыз. жүктеу/скачать 5.22 Mb. Достарыңызбен бөлісу:
|