Педагогикалық жағдаят №369
Сабақ үсті. Қиын тақырып. Кенеттен шиқыл естіліп, балалардың арасымен мысық жүгіріп өтеді. Сынып у-шу. Барлық назар мысыққа ауған. Әдеттен тыс эмоционалдық жағдай. Мұғалім не істеуі керек?
1. Мысықты сыныпқа кім әкелгенін және неге қоя бергенін анықтау.
2. Сабақ кезінде мысықты қол жетпейтін жерге қойып, сабақтан кейін оны оқушыға қайтып беру. Күнделігіне міндетті түрде ескерту жазу.
3. Мысықты сыныпқа әкелген баланың ата-анасын жедел мектепке шақырту.
4. Оқушылармен бірге мысықты қызықтап алып, сабақты қайта жалғастыру.
5. Өз нұсқаңызды ұсыныңыз.
Таңдаған нұсқаңызды негіздеңіз.
Педагогикалық жағдаят №370
Сегізінші сынып оқушысының ауызша жауабы үшін алған «үштігіне» ренжулі екені байқалады. Өзінің ренішін ол мұғалімге айтқысы келіп: «Сіз әрқашан маған бағаны төмендетіп қоясыз!» - деді. Педагогтың әрекеті:
1. «Мүмкін саған бағаны көтеріп қоятын басқа мұғалім табу керек шығар?»
2. «Сенің жұмысың – мұғалімді оқыту емес, өзің оқу!»
3. «Сен шынымен жақсы оқи аласың, сенің бағаға қанағаттанбауың мені қуантады».
4. «Келесі жолы сенің біліміңді балалар және өзің бағалайтын боласыңдар. Келістік пе?»
5. Өз нұсқаңызды ұсыныңыз.
Таңдаған нұсқаңызды негіздеңіз.
Педагогикалық жағдаят №371
Мұғалім математика сабағында оқушыларға тапсырма жазылған карточкалар таратты. Оқушылардың бірі, карточканы алып, көршісінің тапсырмасы өзінікіне қарағанда біраз жеңіл екендігін айтып, тапсырманы орындаудан бас тартады. Мұғалім қандай әрекет етуі керек?
1. «Олай емес, барлық тапсырма ұқсас».
2. «Істегің келмесе – істетеміз!»
3. «Бұл сен үшін немен аяқталатынын білесің бе?»
4. «Кел, отырып, талқылайық – мүмкін сенікі дұрыс шығар»
5. Өз нұсқаңызды ұсыныңыз.
Таңдаған нұсқаңызды негіздеңіз.
Педагогикалық жағдаят №372
Жаңа сабақты тақтаға жазып жатқан мұғалімнің арқасына бірнеше қағаз шарик тиіп, оқушылар ду күлді. Мұғалімнің әрекеті:
1. «Тағы да сабақты бұзғыларың келіп отыр ма?»
2. «Мұны кім істеді? Күнделігіңді әкел!»
3. «Көңілді адамдарды жақсы көремін».
4. «Сендерге көңілді жағдай жасағаным үшін қуаныштымын»
5. Өз нұсқаңызды ұсыныңыз.
Таңдаған нұсқаңызды негіздеңіз.
Достарыңызбен бөлісу: |
