ҚҰран кәрім хикаялары
жүктеу/скачать 0.91 Mb. Pdf көрінісі
|
- Бұл бет үшін навигация:
- Талут патша
| Қауымының таңданысы
Бұл хабарды естiген қауым адамдары таңданып: «Талут?! Қалайша ол бiзге патша болмақ?! Тегі жағынан бiз одан абзалмыз ғой. Талут – мал- дүниесi жоқ бiр кедей. Және оның патшалық ісінен хабары да жоқ. Біз Талуттың патшалығын мойындамаймыз. Талутқа бағыну ойымызда да жоқ», – дестi. Пайғамбарлары оларға: «Қолбасшы болу үшін мал-дүниенің, байлықтың болуы шарт емес. Аллаһ тағала Талутқа бiлiм мен күш-қуатты, қайратты сендерден артық берген. Талутқа билiк жүргiзiп, басшылық ететін қабілет нәсіп етілген. Және де жеңіске жетулерің үшін Аллаһ тағаланың Өзi оны сендерге басшы етiп таңдады. Бұл – Аллаһ тағаланың әмiрi. Менен сұрадыңдар, Аллаһ менiң дұғамды қабыл еттi. Ендi бағыныңдар», – дедi. Бiрақ олардың көпшілігі Талутқа бағынудан бас тартты. Аллаһ тағалаға олардың өздерiне-өздерi зұлымдық жасайтындары әлдеқашан мәлім еді. Талут патша Қауым iшiндегi риза болғандары: «Егер Талут Аллаһ тағаланың әмiрiмен патша болар болса, бiз – оның әскерлерiмiз. Онымен қашанда үзеңгілес боламыз, бағынамыз», – деп жаңа патшаға келiп, келісімін берді. Оны «патшамыз» деп мойындады. Сонымен, мүміндер соғысқа қызу дайындала бастады. Талут патша қауымның iшiндегі мықтыларды, ақылдыларды таңдап, әскербасылары етіп тағайындап, әскерлердi ретке салды. Қауымның соғысқа дайындалып жатқандығы жөнiндегi хабар дұшпанға да жеттi. Дұшпан әскері де дайындықты бастады. Дұшпандарға Жәлут есiмдi кiсi басшылық ететiн-дi. Сонымен, екi жақтың да әскерлерi соғысты бастауға дайын болды. Кiмдер жеңiске жетер екен?! Талут бастаған мүміндер ме? Әлде Жәлуттің басшылығындағы кәпiрлер ме? Ұрыс алаңына шықпастан бұрын Талут қол астындағы әскерді іріктеп алуға бел буды. Әрбiр әскердiң iшiнде сабырлы, қуатты кiсiлер болады. Талут патша әскерлердің iшiндегi сабырлыларын бiлiп алу мақсатымен оларға: «Қазiр бiздiң алдымыздан үлкен бір өзен кездеседi. Сендер қатты шөлдеген болсаңдар да, одан су iшпеңдер. Кiм одан су iшетiн болса, менiң адамдарымнан емес. Егер бiз одан су iшсек, дұшпанмен соғыса алмаймыз. Сондықтан дұшпанмен қарсы жолыққанша сабырлылық сақтаңдар. Кiмде- кім менiң осы бұйрығыма бағынып, орындайтын болса, ол – нағыз мүмін. Аллаһ тағала оған жәрдем бередi», – деді. Бәну исраил қауымынан құралған әскерлер патшалары Талутпен бiрге жолға шығып, ұзақ жол жүргендерiнен кейiн өзенге келiп тоқтады. 82 Олар өзенге келгенде, Талут патшаның қауiптенген жағдайы іс жүзінде көрінді. Әскерлер екi топқа бөлiнді. Адамдардың көпшілігін құрайтын бір топ Талут патшаның бұйрығына бағынбай, шөлдерін қандыруға өзенге жүгірді. Олар өз нәпсілерінің қалауына ілесті. Ал екiншi топ Талут патшаға қарсы шықпай, уәделерінде тұрып, сабырлылық сақтады. Өзеннен су iшкендер шөлдері қанғанда, күш-қуатының кемігенін сезінді. Олар әлсiзденiп, соғысуға шамалары келмей қалды. Талут патшаның өзен суын ішуге тыйым салуы әскерлерді сақтандыру болатын. Осылайша Талут патшаға қол астындағы әскерлерінен қауым iшiндегi соғысқа төзе білетін, патшаның бұйрығына бағынатын, қиындыққа да, шөлге де шыдап, Аллаһ жолында соғыса алатын сабырлы адамдары мәлiм болды. жүктеу/скачать 0.91 Mb. Достарыңызбен бөлісу:
|