ҚҰран кәрім хикаялары
жүктеу/скачать 0.91 Mb. Pdf көрінісі
|
| Үш дәріс
Толқындармен теңселген кеме қарсы бетке жеткенде, Қыдыр кеменің судың төменгі жағындағы тақтайшасының бірін суырып тастады. Тақтайша алынған кезде кемеге су толып, қайраңға шөге бастады. Бұл істің бәрі Мұсаның көз алдында өтті. Бұл әділетсіздікке Мұсаның миы жетпеді. Ол ашуланып: «Саған ілтипатпен қатынасып, жеткізген ақысын да алмаған адамдарға қалайша зиян келтіре аласың? Сөзсіз, сен теріс қылық жасаудасың», – деді. Аллаһтың ізгі адамы Мұсаға бұрылып: «Саған ескерткенмін, ей, Мұса! Сен көргендеріңді мойындай алмайсың? Маған уәде бергендегі орындайтын міндеттерің қане?» – деді. Мұса өкініп: «Мен ұмыттым. Менің табиғатыма жат әрекеттер орын алғанда, қалайша ұмытпастан өзімді ұстап тұра алмақпын. Үндемей қалуға дәтім шыдамады», – деп кешірім өтінді. Қыдыр Мұсаны кешірді. Олар түсіп, жағалаудағы ауылға бет алды. Ауылға кіргенде олардың алдарынан кішкентай балалар шықты. Олар бір- бірін қуалап, күліп-ойнап, көңілді жүр еді. Кенет Қыдыр балалардың бірін ұстай алып, буындыра бастады. Баланың қорыққанынан зәресі ұшты, ал басқалары жан-жаққа қашты. Қыдыр баланы буындыра түсті де, сәлден соң бала жан тапсырды. Бұл Мұсаға асқан дөрекілік болып көрінді. Мұса шыдай 78 алмады. Көз алдында қылмыс істеліп, кісі өлтіріліп жатқанда, қалайша үндеместен тұра бермек?! Ызаға булыққан Мұса: «Сен қалайша күнәсіз сәбиді өлтіре саласың?! Ол ешқандай жазалы іс істеген жоқ қой», – деп айғай салды. Қыдыр Мұсаға күліп әрі ренжіп: «Мен саған алғашқыда-ақ ескерткенмін. Сен менің қылықтарыма төзе алмайсың. Солай емес пе?» – деді. Амалы таусылған Мұса: «Енді менен бір сұрақ естісең, жолда тастап кетуіңе келісемін. Кешірім өтінемін», – деді. Олар келесі ауылға бет алды. Екеуі аштықтан әбден қалжырады. Қыдыр ауыл адамдарынан тамақ сұрап еді, барлығы да бас тартты. Олар амалсыздан алға қарай жүрді. Ауыл шетіне келгенде алдарынан бір бақша қақпасының құлап жатқанын көрді. Қыдыр кенет жеңін түріп, қақпаның құлап жатқан тастарын жинауға кірісті. Бұл іс Мұсаны таңғалдырмай қоймады. Қыдырдан тек теріс қылықтар көрген Мұса өзін тоқтата алмаған күйде одан: «Қаласаң, бақша иесінен істеген ісіңе сай сый алар едің», – деді. Қыдыр Мұсаның уәдесін есіне салып: «Ей, Мұса! Бұл – біздің бірге болған сапарымыздың соңғы сәті. Енді әркім өз жолымен кетеді. Бірақ кетеріңде саған өзіңді таңғалдырған істер жайлы, адамзатқа тән ілімнің қаншалықты төмендігі мен адасқандығы жайлы айтып берейін», – деді. жүктеу/скачать 0.91 Mb. Достарыңызбен бөлісу:
|