ҚҰран кәрім хикаялары
жүктеу/скачать 0.91 Mb. Pdf көрінісі
|
| Патшаның қатыгездігі
Хабар халық арасына тез арада жайылды. Бұл iстен хабардар болған патша уәзiрдi шақырып, иманға қалай келгенiн сұрады. Уәзiр баланы айтты. Патша мұны iстеген өз сарайындағы сиқырды үйренушi бала екенiн бiлiп, таңданды. Баланы алдыртып, иманға келу жайлы ойдың қалай пайда болғанын сұрап, қатты азаптады. Ақыры бала ғибадатшыл мүмін кiсiнi айтты. Патша үшеуiн: уәзiрдi де, ғибадатшыл мүмінді де, баланы да жинап, оларды қинап, азаптай бастады. Өйткенi олар серiксiз бiр Аллаһқа сенiп, жасанды құдай, залым патшаға бойсұнбайтын едi. Патша ғибадатшыл мүмін кiсiнi арнайы араның астына қойып, иманнан қайтуды не қор болып өлудi ұсынып, екеуiнен бiреуiн таңдауды бұйырды. Алайда ғибадатшыл мүмін иманынан қайтпай, Аллаһ жолында шәһид болуды артық көрдi. Және дiнi, иманы жолында қиындықтарға сабыр еттi. Сосын патша уәзiрге де ғибадатшыл мүмінге қолданғанындай тәсiлдi қолданды. Уәзiр де иманынан қайтқанша араланып өлудi артық көрдi. Сөйтiп, уәзiр екiншi шәһид болды. Бұл екеуін көргеннен кейін баланың иманы бұрынғыдан да күшейе түсті. Ол сабырлылықпен Аллаһ тағала жолында құрбан болуға дайын тұрды. Бiрақ патша жас сиқыршыдан айырылуды қаламады. Сондықтан оны әуелi бiраз қорқытпақ ниетпен әскерлермен тауға жiберiп, егер патшаның дiнiне қайтпаса, таудың үстiнен лақтыруды бұйырды. Аллаһ тағала баланы олардан құтқарды. Бала патшаның алдына аман-есен қайтып келдi. Патша екiншi жолы теңiзге жiбердi. Бұл жолы да Аллаһ тағала оны құтқарып, ол сау-саламат қайтып келдi. Патшаның баланы өлтiруге де, қорқытуға да шамасы келмей, аңтарылды. Сонда бала патшаға: «Шыныменен менен құтылғыңыз келiп тұр ма?» – дедi. Патша: «Иә», – деп жауап бердi. Бала: «Онда мен сiзге менi 108 өлтiрудiң жолын үйретейiн. Бiрақ оны өте шеберлiкпен орындауыңыз керек», – дедi. Сонда патша: «Ол қандай жол екен?» – деп сұрады. Бала: «Адамдардың баршасын алаңға жинаңыз. Менi ағашқа байлаңыз да, қынабымнан жебемді алып, маған оқтап, «Бұл баланың Раббысы Аллаһтың атымен» деп айтыңыз. Сонда жебе маған тиiп, мен өлемін. Егер менi өлтiрудi шыныменен қалап тұрсаңыз, оның жолы осы ғана», – дедi. Мұны естіген патша iстiң ақырын ойланып жатпастан-ақ дереу бұл тәсiлдi қолданып көруге кiрiстi. Патша адамдарды жинады. Баланы байлап, оның бiр жебесін алып, оған бағыттап: «Баланың Раббысы Аллаһтың атымен», – деп, атты. Жебе балаға қадалып, бала өлдi. Ол мүміндердің үшiншi шәһиді болды. Адамдар патшаның баланы «Баланың Раббысы Аллаһтың атымен» дегенiнен кейiн ғана өлтiре алғандығын көрді. Бұдан соң жиналғандардың баршасы ержүректiлiкпен дауыстарын жоғары көтерiп, ашық түрде: «Баланың Раббысы Аллаһқа сендiк», – дестi. Мұны көрген кәпiр патшаның таңғалысы арта түстi. Осылайша барша адам иманға келдi. Бала өз дінін, сенімін сақтап қалу барысында құрбан болып құласа да, адамдарды иманға кiргiзуде зор табысқа жеттi. Иманына берік жандар үшеу еді, енді олардың саны бірнеше мыңдаған мүміндерге жетті. жүктеу/скачать 0.91 Mb. Достарыңызбен бөлісу:
|