ҚҰран кәрім хикаялары
жүктеу/скачать 0.91 Mb. Pdf көрінісі
|
| Періштелер үні
Бұл дұға Зәкәрияның жүрегiн қақ жарып шыққан, шын ықыласты қалауы еді. Ол Аллаһ тағаланың бұл тiлегiн қабыл ететiндiгiн зор үмiт етiп, бiр перзент көрудi армандады. Расында да, осылай болды. Аллаһ тағала пендесi Зәкәрияның дұғасын қабыл алып, тура жолда әкесiнiң жолын жалғастыратын бiр перзент берудi уәде еттi. Зәкәрия ғибадатханада намаз оқып тұрған сәтiнде, перiштелер келiп: «Ей, Зәкәрия! Сен үшiн Яхия есiмдi перзент дүниеге келедi. Ол Аллаһтың iзгi пенделерiнен болады әрі оған да пайғамбарлық беріледі», – деген қуанышты хабарды жеткiздi. Зәкәрия перiштелер жеткiзген хабарды естiп, таңғалды. Бұл таңғалыс үмiтсiздiктен емес, керiсiнше, үмiтiнiң тез арада оп-оңай орындала салғанынан едi. Зәкәрия таңданғанынан: «Уа, Раббым! Мен өмiрiмнің соңына таяп қалған қария болсам, әйелiм де өзiм секiлдi қарт болса әрi оның 114 бала көтеретiн шағы өтiп кеткен болса, қалайша дүниеге перзент келмек? Уа, Раббым! Сенiң құдiретiң неткен ұлы?! Сонда бiз қартайған шағымызда перзенттi болмақпыз ба?» – дедi. Аллаһ тағала Зәкәрияның бұл таңдануына перiштелер арқылы әдемi жауап берiп, көңiлiн тыныштандырды. «Ей, Зәкәрия! Ей, Аллаһтың елшiсi! Таңданба. Аллаһ тағаланың мұғжизаларды жасауға шамасы жетедi. Егер сендер қартайып қалған болсаңдар, Раббың үшiн бұл жеңiл. Адамзатты алғаш жоқтан бар етiп жаратқан Аллаһтың, сендердің кәріліктеріңе қарамастан, перзент беруге де шамасы жететiндiгiн бiл», – деген үндер Зәкәрияның жүрегіне жазылып жатты. Зәкәрия бұл жауапты естiп, қанағаттанды. Дегенмен оның нәресте Яхияның қашан дүниеге келетiнiн бiлгiсi келдi. Ол екiншi рет қолдарын аспанға көтерiп: «Уа, Раббым! Маған нәрестенiң дүниеге келер сәтiн бiлiп алатын белгi бер», – деп сұрады. Сонда Аллаһ тағала тарапынан оған: «Ей, Зәкәрия! Бұл уақыт жақындағанда сен үш күн сөйлей алмай қаласың. Қанша тырыссаң да, шамаң келмейдi. Үш күн iшiнде қолыңмен ғана нұсқап көрсетуге мәжбүр боласың. Бұл – белгi әрi мұғжиза», – деген аян келдi. жүктеу/скачать 0.91 Mb. Достарыңызбен бөлісу:
|