Республикалық дарынды жастарды қолдау ұйымы «Тəуелсіздік – тұғырым»
жүктеу/скачать 2.87 Mb. Pdf көрінісі
|
| Тəуелсіздік – тұғырым
Қатысушының аты-жөні: Туралиева Балжан Жетекшінің аты-жөні: Аманбаева Мейрамкүл Жасұзаққызы Туған ел – қыдырың, Тəуелсіздік – тұғырың! Əрбір адам үшін ең асыл қазына - отанын, туған елін сүю. Халық батыры Бауыржан Момышұлы былай деген екен: «Біздің тарихымыз батырға бай тарих, халқымыз батырлықты биік дəріптеп, азаматтық пен кісіліктің символы, үлгісі санаған. Батырлық, ерлік деген ұрпақтан ұрпаққа ата дəстүр болып қала бермек. Өткенін білмеген, тəлім- тəрбие, ғибрат алмаған халықтың ұрпағы - тұл, келешегі тұрлаусыз. Біздің қазақ халқы - батыр халық». Қазақ халқын құрып кету қаупінен сақтап қалған, жерін жауға бермей, ұлан байтақ өлкесін қазақ еліне мəңгі қоныс ету мақсатында жарғақ құлағы жастыққа тимей, елім деп еңіреп өткен хас батырлар қаншама десеңізші! Бұлардың ерлігі біздерге қашан да болса өнеге болмақ. Əрбір адам біздің мемлекетімізге, соның бай да даңқты тарихына, оның болашағына өзінің қатысты екенін мақтанышпен сезіне алатындай еңбек етуі қажет. Отаншылдық сезім ертеден қалыптасқан, ескірмейтін, мəңгілік, қасиетті ұғымды Отанға деген сүйіспеншілік, бойындағы бар күш – қуатын, ерік-жігерін Отан игілігі мен мүддесіне аямай жұмсау, туған жерін, қасиетті ана тілін, елдің əдет-ғұрпы мен салт-дəстүрін құрметтеу деп түсінемін. Əрбір адам бала кезінен «Қазақстан – менің Отаным, мен үшін жауапты екені сияқты мен де ол үшін жауаптымын» деген қарапайым ойды бойына сіңіріп өсуі тиіс емес пе? «Қазақстан - біздің ортақ үйіміз, біздің өзіміз де, біздің бабаларымыз да осы жерді мекен етеді. Егер біз өзіміздің өмірімізді, туған жеріміздің қадірін білер болсақ, оны жасампаздықпен жаңғыртып, бой көрсеткен əрбір тал шыбықты мəпелеп өсіріп отырмасақ, онда біз өзімізді нағыз патриот деп санай алмас едік. Ұстаздарымыз айтқандай адамгершілікті, тəрбиелі адам – кез келген мемлекеттің байлығы, əлеуметтік өмірдегі бейбітшілік пен мəдениеттіліктің кепілі. Олай болса ең алдымен тілімізді, дінімізді, салт - дəстүрімізді білсек, тіл - қазақ болуымыз үшін, дін - адам болуымыз үшін, салт – дəстүр - ұлт болуымыз үшін қажет. Қазақстан Республикасы өзінің тəуелсіз мемлекет екендігін бүкіл əлемге дəлелдеді. Енді басты міндет – осы мемлекеттің өркендеп өсуі болса Қазақстанды Отаным деп таныған əрбір азаматтың осыған өз мүмкіндігінше үлес қосуы тиіс деп ойлаймын. Туымызды, Елтаңба, Əнұранымызды тұмардай қасиет тұтсақ деймін. «Тудың түсін дəл табу оңай болған жоқ. Зеңгір көк түстің мағынасы өте терең. Мұнда біздің ашық аспанды, яғни бейбіт күнді айшықтайтын кіршіксіз көңіліміз бар, мұнда көкті тəңір тұтқан ата-бабаларымыздың арман-аңсары бар, мұнда біздің халқымыздың біртектілігін, мемлекетіміздің бөлінбейтінін білдіретін ұлы тұтастық идеясы бар. Мына алтын күн алаулаған зеңгір аспанның аясында баяу қалықтаған дала бүркіті-қазақтың қыран көңілін, дарқан да ақ, бітімшіл бейбіт көңілін шырқау биікке алып шыққандай. Мазмұнына өрнегі жарасқан тəуелсіздіктің қасиетті Туы мəңгі желбіресін, күніміз мəңгі сөнбесін! Қазақ өмірінің ұлы белгісі-шаңырақтан тараған таң шапағындай уықтар аясындағы ай мүйізді, алтын қанатты ғажайып пырақтар халқымыздың болашаққа ұмтылған асқақ арманның бейнесіндей болып көрінеді. Қос «Жаңа Қазақстан» республикалық дарынды жастарды қолдау ұйымы - 18 - пырақтың ортақ шаңырақты қанатымен қорғап тұрғаны да көп ой салады. Елтаңбада ұлы идея-Еркіндік идеясы біздің есімізге қазақтың: «Отан үшін күрес-ерге тиген үлес» деген қанатты сөзін еске салып тұратын болсын», -деген. Біздер, Қазақстандықтар - бір халықпыз! Біз үшін ортақ тағдыр – бұл біздің Мəңгілік Ел, лайықты əрі ұлы Қазақстан! Осындай елде туылып, өмір сүргенімді мақтан етемін. Отан алдындағы парызым-ұлы жауапкершілікпен білім алып, елдің өркендеуіне өз үлесімді қоссам деймін. Сыр бойы - қазақ даласында дəуірлеген мемлекеттер ту тігіп, астанасын салған қасиетті жер. Мұнда Сақ мемлекетінің ордасы, əрі көне қала мəдениетінің орталығы - Шірік-Рабат шахары, Оғыз мемлекетінің астанасына айналған Жанкент, Қыпшақ жəне Қазақ елінің астанасы болған Сығанақ қаласы салынған. ХХ ғасырдың басында, Қазақ елінің алғашқы астанасы болған бүгінгі Қызылорда қаласының киелі Сунақата ауылында тұрамын. Сыр бойы - бүкіл түркі халықтарына ортақ абыз, бүгінгі Мəңгілік ел идеясының бір тамыры өзінен бастау алатын, ойшыл, мəңгілік өмірдің кілтін руханияттан тапқан сазгер, ыспалы музыкалық аспаптардың атасы Қорқыт бабамыз өмір сүрген, мəңгілік мекен еткен киелі топырақта дүниеге келгеніме шүкір деймін. 15 ғасырдың 70-жылдарында Қазақ хандығы Сырдария бойымен жүріп отырып, Қаратаудың бөктерін иеленді. Хандықтын жері кеңейіп, оған түкпір-түкпірден туыс рулар келіп қосылып жатты. Қазақ хандығының құрамына алғаш қосылғандардың қатарында Сырдың жағасындағы Созақ пен Сауран қалалары бар еді. Қасым хан жас мемлекеттердің астанасы етіп, Сығанақ қаласын таңдаған. Соның нəтижесінде тоғыз жолдың торабында орналасқан Сыр елінің қалалары көркейе түсті. Ал Тəуке ханның тұсында Сыр бойындағы қалалардың саны 32-ге жетті. Жоңғар шапқыншылығының зардабын тартқан халық тұс- тұстан ауып келіп, алты Алаштың табан тірері - Сыр бойын паналаған. Сондықтан да, сыр өңірі қазақ хандығының рухани-мəдени орталығы ретінде ұлтқа пана болған, Ұлы даланың киелі мекені ретінде танылады. Елбасының Сырды Алаштың анасына балайтыны да сол себептен болар. Тарихи тағдырымызға жүздеген жылдық күрделі кезеңдері үшін, бізге дейінгі жəне келешекке ең асыл мұра болып қалған Ұлы Отанымыз-Тəуелсіз Қазақстан үшін рахмет деймін. Ендігі міндет - бабалар аманатына адал болып, Ұлы Дала елінде тəуелсіздікті мəңгі ету. Келешекте елімді көркейтуге тер төгемін, адал қызмет етемін. Мен - мəңгілік елдің перзентімін. «Менің елім – Қазақстан» деп мақтана бергім келеді. Оқуымды тəмамдап, есейгенімде Сығанақ орнына барып, елімнің тарихын зерттеуге атсалыссам деймін. Жыл сайын археологтар келіп, жерді қазғанда, түрлі бұйымдар табады. Бір өкініштісі керегін алғаннан соң жерді ашық түрде тастап қетеді. Қасиетті Жер-анаға құрмет қайда деп ашына айтқым келеді? Осындай олқылықтар болмаса деймін. Адамның ішегін ашып, ота жасағанда дəрігерлер қайта жабады. Ал адамдарға шексіз қызмет ететін Жер –анамызға, Тəуелсіз еліміздің топырағына еш қиянат жасалмаса деген ұсынысым бар. Қазақстан бүгінде бар əлемге танылған, Абырой мен атақ та біздің елге таңылған. Білімді боп жалғастыру арманым, Елімізде болашаққа жол салынған, -деген өлең жолдарыммен ойымды аяқтағым келеді. жүктеу/скачать 2.87 Mb. Достарыңызбен бөлісу:
|