Сюймекликге харс экитомлукъ лирика назмула

Гюлледе чыкъгъа тийириб,

Сени юсюнгден назмула джазама.

Ол назмулада джашайдыла

Кёк да, Кюн да, гюл да, чыкъ да –

Сен джашайса ол назмулада.

Сенден насыблы болурму дунияда?

Менден насыблы болурму дунияда –

Мени кёлюмде, сёзюмде, юйюмде джашайса Сен.

Мени бла джашайса Сен.
ДЖАНА, КЮЕ, ДЖУКЪЛАНАДЫ ДЖУЛДУЗ
Джаз-джай ала артдама этмей сагъыш,

Джашадым, келмезликча къач не къыш.

Ангым бла тюл, джюрегим бла джашадым.

«Дуния намыс, ахрат азаб» да демей,

Билгенимча, сюйгенимча джашадым.
Сокъур болмасам, сокъуранныкъ да болмазем,

Кёкеннге да терекди деб турмазем,

Къахмеге да мёлекди деб, айтмазем.

Алай а, сокъураныргъа да болмаз керек –

Ангы эталмагъанны этгенди джюрек:

Кёкенни да бургъанды Терекге,

Къахмени да бургъанды мёлекге.
Кёкеннге «субай терек» дегеним сайын,

Къахмеге да «мёлек» дегеним сайын,

Нечик къууанаелле ала,

Мийигирек, субайыракъ, ариууракъ да бола.

Болгъан эсе да, джангылгъаным, терсим,

Къатышханым болгъан эсе да харамгъа, гюнахха –

Джууаб берлик кесимме Аллахха.

Хайырым да тийгенди узакъгъа, джууукъгъа,

Аманлыгъым а джетгенди кесиме джангыз.

Джана, кюе джукъланады джулдуз.

Кеси дуниядан кетсе да

Къабыл болгъунчу дууасы,

Бюгюн да турады къая башында

Гошаях бийчени къаласы.
«Къаншаубийге тюбетмей,

Аллах, ёлтюрме мени».

Къабыл болмады тилеги,

Ёлюм къоратды бийчени.

Тауусулуб кюнлери –

Къалгъанды халкъны эсинде

Сейир джырлары, кюулери.

Зардан ёле, сёлешелле:

Гошаях бизники тюлдю деб,

Бизде бий, бийче болмагъанды деб,

Халкъны да кеслерича,

Сыйсыз этерге кюрешелле.

Къызыл-Къалада ёсгенме.

Ёлген бийчеге юрюрге кюрешген

Талай итни да кесгенме.

Къазауатларын бийче бла.

Бийче болалмазлыкъ къарауашла

Бийче бла кюрешмей не этсинле.

Къулла бла къарауашла,

Бюгюн кърал, заман да башха

Болгъанын эслемейле.

Ала – къул кърал чачылгъанын,

Джол Кертиге ачылгъанын

Кёрюрге излемейле.
Гошаях бийче къарайды бизге,

Къалаларындан, джырларындан.

Ол джангыдан къайытады бизге.

Мен да бу назмуну джазама андан.

Джанымдан да сюйгенме.

Алай а, джууукълашыб алагъа,

Кёб кере кюйгенме.

Къыз – джууукъда иги»»-

Дегеним да болгъанды.

Алай а,

Ёлюмден кёб кере къутхаргъанды.

Кёкде джулдузланы, Джерде къызланы

Тансыкълай ёлюрме.

Артха къайытыргъа мадар болса уа –

Джангыз ала ючюн къайытыб келирме.
Кёкде, Джерде да Ариулукъгъа

Салама махтау.

Дунияда Ариулукъ болгъаны ючюн,

Ариулукъгъа Сюймеклик болгъаны ючюн

Былай татлыды, багъалыды джашау.
КЪАЙДАСА СЕН?
Джюрегимде бир кёб иги сёз, ариу сёз барды,

Аланы кимге айтайым ансы,

Алагъа тыйыншлыны къайдан табайым ансы?
Огъесе,

Ала къачхы гюлле болурламы,

Мен джазгъы кюнню излегенликге?
Къачхы шылпы бла джазгъы джабалакъ

Тюберге уа джокъмуду мадар?

Джюрекни джарады артда.

Анга хазыр болмай юйленнген,

Кесине, башхагъа да келтиреди палах.
Некяхсыз къуралгъан юйдегиле

Чачыллыкъла сынауладан ётмей.

Кёкдеги этеди къадар.

Афенди некях этдиргенликге,

Кёкдеги демейди «амин».
Джюрегимде бир кёб иги сёз, ариу сёз барды,

Аланы кимге айтайым ансы,

Алагъа тыйыншлыны къайдан табайым ансы,

Экибизге Кёк этерча некях.

Тенгиз джагъасындама. Къарайма тенгизге.

Тенгизде джууунады Ай.

Чабакъла джюзелле тёгерегинде.

Сен былай тюшгенлей эсиме,

Телефон этдинг. Сау бол.

Сейир тюлмюдю ол?

Анда да тийибмиди Ай?

Кертими айтаса? Игиди къалай.

Бир джуртда джашамасакъ да,

Бир Айгъа къарайбыз экибиз да.

Бюгече рахатды тенгиз да.

Джангызма. Джансызма. Джангыз,

Ауазынгы эшитсем – тирилеме.

Джуртха да, сеннге да – термилеме.

(Боллукъса дерге:

Къарыусузлукъ джарашмайды эрге).

Тюзсе, айтсанг да алай.

Чайкъалады тенгизде Ай.

Мыдахды тюрсюню, джарыгъы да аны.

Андан болурму мыдахлыгъым мени?

Ауазынг а сени – джарыкъды бютюн.

Ауазынг – тийгенчады Кюн.

Анга къууанама.

Сёлеше тур. Сакъла. Аллыма къара.

Сенсиз Акъ тенгиз да кёрюнеди къара.

Кёкде, кёлде да Ай бла джулдузгъа къара.

Хайда, сау къал. Эсен кёрюшейик.

Ха де бра.**
*Най (норвежча) – салам

**На де бра – сау къал; эсен бол

Халкъны джаны – тилиди.

Экисин да сакълагъан

Ийманыды, диниди.

Акъ дууадакъ къара кёлде.

Акълыгъы, джангызлыгъы аны.

Къаллай бир кюрешди эсе да,

Акъ дууадакъ акъ эталмады къара кёлню.

Алай а,

Къара кёкде акъ булутча акъ дууадакъ къара кёлде.

Къарангы кёкде джулдузча къара кёлде акъ дууадакъ.
3

Ма ол акъ дууадакъгъа джууукълашханды энди къара ёлюм.

Къара кёлге да джууукълашханды къара ёлюм.

Ёле тургъан акъ дууадакъ къара кёлде.

Акъ дууадакъ ёле тургъан къара кёлде.

Ёле тургъан акъ дууадакъ ёле тургъан къара кёлде.

Къара кёлде акъ дууадакъ ёлгенлей,

Кёлню джарытхан акъ дууадакъ ёлгенлей,

Танылмазча къараллыкъды къара кёл.

Къара дуниягъа къошуллукъду къара кёл.

Джансыз боллукъду, ёллюкдю къара кёл.

Эшта, къара кёлню джарытыр ючюн,

Къачан эсе да, Кёкледен учуб келиб,

Тюшген болур эди къара кёлге акъ дууадакъ.

Акъ мёлекча кёрюннген акъ дууадакъ.
Алай а, толтуралмай Кёк салгъан борчун,

Акъ эталмай, джарыталмай къара кёлню,

Уялгъандан, башын да къанат тюбюне джашырыб,

Ёле турады акъ дууадакъ къара кёлде.

Къара кёлде да акъ дууадакъны излейме.

Къара кюн да акъ дууадакъны излейме.
11

Къайгъылы дунияда акъ умутча эди

Акъ дууадакъ къара кёлде.
12

Энди ма ол акъ дууадакъ ёледи.

Акъ дууадакъсыз къара кёл да ёледи.

Дуниягъа къара кюн келеди.

Ахырзаман келеди дуниягъа.
13

Дууадакъсыз къалады кёл.

Акъ умутсуз къаралады кёл.

Умутсуз къалады Эл.

Ау джаулукъну тюбюнде келинча эди акъ дууадакъ.

Энди

Кебиннге чырмалгъанча кёрюнеди къара кёлде (къара кёрде).

Ауалдан ахыргъа дери

Кюрешди, чыдады, джашады

Акъ дууадакъ къара кёлде.

16

Бу акъ назмум

Ёлюкню джуугъан кибик.

Сора, болдум дуниягъа

Джангыдан туугъан кибик.

Англамайма кёлюмю:

Джазалмайма бир назму

Сагъынмайын ёлюмню.

(Сагъыннган босагъада),

Джууукъ этесе аны.
Аман аууз ачма деб,

Аман къууум этме деб,

Аман джора этме деб,

Айта болурла андан.

Мурат толмай барады.

Аджалы уа адамны

Имбашында турады.

Джетер ёлюм – билмейбиз.

Анала этген дууа

Сакълайды да – ёлмейбиз.

Берилмегенди бизге.

Ёзге мен ийнанама

Джаным къалыр деб Сёзде.

Халкъгъа да джокъду ёлюм.

Ана тилни сакъларгъа

Джарар эсе уа сёзюм.

Дини, тили эм джурту –

Бу ючгюл дууад халкъны

Сакълаб тургъан хар къуру.

Джолубузну акъ этген.

Бизге ангы, эс бериб,

Бизни бир джерге джыйыб,

Адам этген, халкъ этген.
Дууасын тас этген халкъ

Дуниядан болады талкъ.

Эмда буюргъанды Хакъ

Сакъла деб дууангы.

Сакъламагъан а аны –

Кесине къазад уру.

Дуниядан, ахыратдан да

Къалады юлюшсюз, къуру.

Неди къутхарлыкъ сени?

Башынга этсенг мадар,

Аллах да этер къадар.

Джерде джулдуз – меники.

Алай а, келген насыбны

Сууутдум, болуб экили.

Не хайыр къарагъандан?

Не этерге керекди

Джулдузсуз къалгъан адам?

Джулдузун тас этсе адам,

Джангы джулдуз джокъ анга.

Алайды буйругъу Кёкню.

Неге къыйналама мен?

Джазыу болса, бир джукъгъа

Кетмез эди джулдузум.

Кеси джазад джазыуун.

Джазмай къойгъан джазыуумду

Былай къыйнагъан мени.

Кеси джазгъаны джазыуун.