Т. М. Блисов Жерге орналастыру
Камералдық дайындық жұмыстарға кіреді
жүктеу/скачать 235.5 Kb.
|
| Камералдық дайындық жұмыстарға кіреді:
жоспарлы-картографиялық негізді дайындау; шаруашылықтың агроклиматтық жағдайларын зерттеу; жер-кадастрлық құжаттарға қажетті материалдарды жинау; қорғау белдемдері мен аумақтарды айқындау және анықтау; статистикалық және өндірістік-шаруашылық есеп беруді талдау; жерге орналастыратын шаруашылық аймағында орналасқан тәжірибе станциялары, алдыңғы қатардағы шаруашылықтар, мемлекеттік сортсынау учаскелерінің өсімдік және мал шаруашылығының негізгі көрсеткіштерін жинақтап қорыту; топырақты су және жел эрозиясынан қорғау, сонымен қатар мелиорацияның бар түрлері жайында материалдарды зерттеу. Шаруашылықтың агроклиматтық жағдайларын сипаттау үшін келесі мәліметтер талданады және жинақтап қорытылады: жауын-шашындар мөлшері және олардың жыл бойында бөлінуі, сонымен қатар вегетациялық кезеңде; жылдық орташа температура және оның жыл бойында бөлінуі, сонымен қатар вегетациялық кезеңде; жоғары температураның қосындысы, көктем мен күзде +100С тұрақты өту күні; вегетациялық кезеңнің ұзақтығы, кеш және ерте көктемгі үсіктер болатын күндері; қар жамылғысының қалыптасуы, ұзақтығы және қалыңдығы; жел эрозиясы аудандарында вегетациялық кезеңдер мен қысқы уақыттағы жел режимі; жылдамдығы 5 м/сек артық жел болатын күндер саны – шаңды дауылдардың ұзақтығы, бағытталған желдердің қайталануы және жылдамдығы. Топырақтық, топырақ-эрозиялық, агрохимиялық, геоботаникалық, су шаруашылық, жолдық және басқа да зерттеулер арқылы айқындалады: ауыл шаруашылық алқаптары топырақтарына сапалық жағынан сипаттама беру; топырақтарды нақтылы эрозияға шалдығу мен жел және су эрозияға деген қауіптілігі жағынан топтау; сортаңдарды немесе кебірлерді агромелиоративтік топтау; маз азығы алқаптарын шөп жамылғысының сапасына қарай сипаттама беру; гидрографиялық тораптарын, аумақтың сулануына сипаттама беру, жер асты суларының тереңдігі; жолдарға олардың сапасына, жолдағы ғимараттарына қарай сипаттама беру (жалпы пайдалану және шаруашылық аралық). Тексеру, зерттеу, жобалау және болжау дайындықтары материалдарын жинақтап қорту негізінде сызба жасалады, онда мына элементтер бейнеленеді: басқалар пайдаланатын учаскелер; мал шаруашылық комплекстері; суармалы жерлер; шекаралар, жер санаттары мен класстарының нөмірлері; жел және су эрозиясына шалдыққан және шалдығуы қауіпті ауыл шаруашылық және басқа да алқаптар учаскелері; қарқынды пайдалануға белгіленген учаскелер; құдықтар, тоғандар, өзендер, бұлақтар, көлдер, су құбыралары; жолдар, мал айдау жолдары; елді мекендер шектері. жүктеу/скачать 235.5 Kb. Достарыңызбен бөлісу:
|