ІІ. Өндірістік іс-тәжірибеден өту мерзімдері

Оқу жұмыс жоспарына сәйкес студенттер өндірістік іс-тәжірибені теориялық оқуды толық аяқтаған соң соңғы курста өтеді. Өндірістік іс-тәжірибенің ұзақтығы келесі мерзімдерден тұрады:

а) туысқан мамандықтар бойынша орта арнайы білімі бар күндізгі нысандағы студенттер үшін – 15 апта;

б) толық мерзім оқитын күндізгі нысандағы студенттер үшін – 15 апта;

в) сырттай нысанда оқитын студенттер үшін – 4 апта.

ІІІ. Кәсіби іс-тәжірибенің бағдарламасы.

Іс-тәжірибені өткізетін жерді анықтау кезінде студенттің өтініші ескеріледі. Студенттерге диплом жұмысының тақырыбымен байланысты қызмет атқаратын органдарда іс тәжірибе өткізу ұсынылады.

Студенттер өндірістік іс-тәжірибенің өту барысында оқыту - танысу іс-тәжірибесін өту кезінде қойылған талаптарды орындайды. Сонымен қатар, олардың жұмыстары, жекелеген тапсырмаларды орындауы және басқа да әрекеттері жаңа ғылыми - техникалық құралдарды пайдалана білу, іске шығармашылық, аналитикалық тұрғыдан қарау, жоғары деңгейдегі дербестігі негізінде жүзеге асырылуы тиіс.

Студенттердің диплом жұмыстарының тақырыптары ескеріле отырып кәсіби іс-тәжірибенің мынадай бағдарламасы ұсынылады.

• 
  еңбек міндеттерін орындау кезінде қызметкерлерге келтірілген зиянды өтеудің тәртібімен танысу;
  
• 
  шаруашылық шарттар жоспарларын дайындауға қатысу;
  
• 
  іс-тәжірибе базасының кадрлар қызметі бойынша бұйрықтар жобаларын жасау дағдыларын игеру;
  
• 
  іс-тәжірибеден өту кезеңінде студентпен дайындалған құжаттардың жобаларын есепке қосымша ретінде жинау.