Тулегенова газиза адилбековна
«Бастауыш сыныптардағы гуманитарлық пәндерді оқыту арқылы
жүктеу/скачать 2.31 Mb. Pdf көрінісі
|
- Бұл бет үшін навигация:
- Қорытындыда
| «Бастауыш сыныптардағы гуманитарлық пәндерді оқыту арқылы
оқушыларды патриоттыққа тәрбиелеудің әдістемесі» атты екінші бөлімде бастауыш сыныптардағы гуманитарлық пәндерді оқыту арқылы оқушыларды патриоттыққа тәрбиелеу жұмысының мазмұны мен әдістемесі сипатталды. Бастауыш сынып оқушыларына арналған факультатив курсының бағдарламасы және электронды оқу құралының практикалық мәні көрсетілді. Педагогикалық- тәжірибелік жұмыстардың нәтижесі, әдістемені іске асырудың тиімділігі негізделіп, ұсыныстар берілді. Бастауыш сыныптардағы гуманитарлық пәндерді оқыту арқылы оқушыларды патриоттыққа тәрбиелеуді оқу үдерісі барысында жүзеге асыруда бастауыш сынып оқулықтарын зерделей келе, оларда қарастырылатын патриоттыққа тәрбиелеуге арналған оқу материалдарының біркелкі қамтылғанын байқадық. «Қазақ тілі», Әдебиеттік оқу», «Жаратылыстану» оқулығындағы біз қарастырып отырған патриоттыққа тәрбиелеу мазмұнын тиімді түрде толықтыру және ақпараттық технологияны пайдалана отырып жетілдіру жолдарын көрсетуді жөн санадық. Бастауыш сынып оқушыларын зерттеу мәселесіне арналған педагогикалық тәжірибе жұмысы үш кезеңде (анықтау, қалыптастыру, бақылау) Талдықорған қаласы №16 орта мектеп гимназиясы, Алматы облысы Алакөл ауданы Токжайлау орта мектептерінде жүргізілді. Зерттеу аясында оқушылар эксперименттік топ және бақылау тобы деп екіге бөлдік. Педагогикалық тәжірибе жұмысы 2 оқу жылы (2019-2020, 2020-2021 оқу жылдары) уақытты қамтиды. Эксперимент тобында 118 оқушы, ал бақылаудағы топқа 117 оқушы қатысты. Жалпы педагогикалық тәжірибе жұмысына 235 бастауыш сынып оқушысы қатыстырылды. Тәжірибе жұмысының алғашқы кезеңінде сауалнама, тест, әңгімелесу, шығармалар жаздыру әдістерін қолданып, оқу-тәрбие үдерісінде бастауыш сынып оқушыларының патриоттық тәрбиесінің қалыптасу жағдайы анықталды. Педагогикалық тәжірибе барысында көрнекті психолог-педагогтардың патриоттыққа тәрбиелеу мәселелері туралы еңбектерін зерделей келе, оның 18 нәтижесін бастауыш сыныптардағы гуманитарлық пәндерді оқыту арқылы оқушыларды патриоттыққа тәрбиелеудің мүмкіндіктері қарастырылды. Оқушының тұлғалық жетілуінде оның өзін ұлт өкілі ретінде сезінуі отбасы көлемінде ғана емес, мектепте, қоғамдық орталарда көрініс тауып отырады. Оқушының адамдармен қарым-қатынасының адамгершілік құндылық негізде болуы қандай құндылықтардың ең басты құндылық ретінде ұғынылатынына байланысты. Осыны ескере отырып, жұмысымыздың алғашқы кезеңдерінде эксперимент жүргізген сыныптардың ерекшеліктеріне қарай М.Рокичтің «Патриоттық тәрбие» әдістемесін(зерттеу мақсатымызға сәйкес икемделген) жүргізу арқылы құндылық ұғымының қаншалықты мәні бар екенін анықтадық Қорытындыда диссертациялық жұмыстың нәтижелері, сондай-ақ оларды бастауыш оқытудың педагогикасы мен әдістемесі саласындағы зерттеулерде одан әрі пайдалану бойынша қорытындылар, тұжырымдар мен ұсыныстар берілді. Диссертациялық жұмысты дайындау барысында 197 атаудан тұратын әдебиеттер пайдаланылды. жүктеу/скачать 2.31 Mb. Достарыңызбен бөлісу:
|