Зигат Султанов Йыһат Солтанов сочинения в пятнадцати томах әҪӘРҘӘр ун биш томда том

Бер поэма — тап ҡырҡ йәшемдә.

Океан артындағы ҡорҙашымды

Әрләгәйнем, буғай, мин шунда.

“Янки”ҙарҙы еңгән ул йылда,

Тол ҡалдырып һалдат ҡатындарын

Колорадо⁵, Меконг⁶ буйында.

Ҡырсый ине АҠШ⁷ бысрағын.

“Бысраҡ һуғыш”ҡа ул ҡолағынан

Батҡайны шул, тамам бысранып.

Ветерандар һырып алғандар.

Түштәренән “бысраҡ миҙал”дарын

Ергә атып, тапай табандар.

“Ҡарсыға”лар тапты ләғнәтен.

Миҙалдарҙан һарҡҡан ҡан-бысраҡҡа

Билдән батты Аҡ йорт дәүләте...

Ләғнәт орҙо хатта телһеҙҙәр;

Вьетнамдан ярты үлеп ҡайтҡан

Маңлай күҙһеҙ, күңел күҙһеҙҙәр.

Ҡәберҙәрҙән атты ләғнәтен.

Колорадо һыуы ҡайнап торҙо,

Меконгының йотоп нәфрәтен.

Ләғнәт орҙо мең-мең әсирҙәр.

Вьетнамды еңәм, тиеп килеп,

Еңһеҙ тороп ҡалған “шәп” ирҙәр.

Шунда ине минең тиҫтерҙәрем —

Полковниктар — “бысраҡ” яу заты.

Боғаҙына тиклем буҡҡа батты

Аҡшай күҙле АҠШ һалдаты...

Ике йондоҙ ярғас күк йөҙөн,

Һүтер төҫлө ине был һалдаттар

Пентагондың¹⁰ “бысраҡ” нигеҙен...

Ҡайтыр ярһып әсир һалдаттар.

Муйындарын борғас, “ҡарсыға”лар

Ҡабат ҡанат кирә алмаҫтар.

Сафлыҡ һыуы йәнә алышыр.

Ҡәберҙәрҙе ҡалын үлән баҫыр,

Яҙлыҡҡандар ҡабат ҡауышыр.

Оноторға теләр тиҫтерҙәр...

“Иҫке яраларҙы яңыртмайыҡ, —

Тинем, — минең йырым иҫкергән!”

Һалып ҡуйҙым һалҡын архивҡа.

АҠШ дуҫтар менән был донъяны

Килтерербеҙ, тинем, тәртипкә...

“Ҡарсыға”лар кирә ҡанатын!

АҠШ-тағы аңыш ҡорҙаштарым

“Бысраҡ һуғыш” аша ала тын.

Ут сәсрәгән яҡҡа мут-бурҙай:

Вьетнамдың ҡанлы сиктәрендә

Ҡытай танкылары тыҡырҙай...

Сабыйҙарҙың башы сабыла.

Һәм шул утлы, ҡанлы картиналар

Аҡ йорт тәҙрәһендә сағыла...

Болғаталар уттың күмерен.

Доллар ҡаршыһында юҡ тин тора

Кемдәрҙеңдер ғәзиз ғүмере...

Йылытҡанда бысраҡ устарын,

Ярһып ниңә ләғнәт ормайһығыҙ,

Тиҫтер американ дуҫтарым?!

Тулдымы урт тәмле аштарға?..

Пентагон бит тағы тешен ҡайрай

Вьетнамға һеҙҙе ташларға!

Алтын уҡа ҡайған генерал?

Яңы быуын “йәшел берет”тарҙы

Ҡыҙыҡтырҙы мәллә “шәп ҡорал”?!.

Аҡыл биргән ине ләбаһа!..

Хәтер архивтарын саң ҡаплаһа,

Халыҡтарҙан сорғоп ҡан аға...

Һәләк булған һалдат башҡайын,

Архивымда ҡуҙҙай көйрәп ятҡан

Иҫке йырҙы ҡабат башлайым!

Еймәк булдың ҡыр ашын —

Табан баҫтың Вьетнамға,

Американ ҡорҙашым...

Һин, мин — ике ҡитғала.

Гитлер билен һындырғанда

Дусар булдыҡ йотҡа ла.

Йөрәктәр тоташ ине.

Беҙҙе талпытҡан, ярһытҡан —

Иң изге һуғыш ине.

Минең атай — Волганан

Эльбағаса атлап уҙып,

Ҡулды ҡулға ялғаған.

Ике йөрәк осрашты:

Һинең атай, минең атай

Ҡосаҡлашып дуҫлашты.

Ғәҙел яуҙың дауылын,

Океан аша күрештереп

Фермаларын, ауылын.

Дуҫлашһын, тип, уландар.

Ҡара-ҡаршы аҡмаһын, тип,

Колорадо, Волгалар.

Ҡаршы ярҙар ҡаҡмаһын.

Ҡитғаларҙың ҡанауынан,

Тиеп, Аллам һаҡлаһын!

Ҡалҡып сығып боҙ тауҙай...

Әммә изге уйҙа ине

Эльбалағы атайҙар!

Булды улар баһадир!

Ә уларҙың уландары

Һин — полковник,

Мин — шағир.
Атайҙарҙың хыялдары

“Үтәлеүгә” ирештек:

Күңел менән океан аша

Елеп үтеп күрештек.

Хәтәр ине — ут ине.

Күрешеүсе беребеҙ — ҡот,

Икенсебеҙ мут ине...

Бомбалы “Б...” осҡоста.

Мин ҡыҫҡарттым араларҙы

Толпар-атым Пегаста¹¹.

Меконг һыуы арбаны.

Тик ул гөлгә һинең күҙҙәр

Прицель аша ҡараны...

Өҫтән атҡан ҡарашың.

Бомба таҡҡан йөрәгеңде

Тартып торҙо парашют.

Тешең киршәп йылмайҙың.

Тишеп төштө бомбаларың

Лотостарын тын сайҙың¹².

Моңло төн ята ине.

Донъяның бар пегастарын

Ҡыйғас ҡаш тарта ине...

Донъя тулырлыҡ ине.

Полковник та, һәм шағир ҙа

Әсир булырлыҡ ине...

Эльбаларын юйғанһың.

Ҡыйғас ҡашлы һылыулыҡтан

Көстө өҫтөн ҡуйғанһың.

Алмаҡ булдың тик тартып,

“Көслөнөкө — донъя!” — тиеп,

Йә ҡурҡытып, йә һатып.

Атайҙарҙан терәктәр.

Бомба шартлап сөйгән утҡа

Ҡаҡлығышты йөрәктәр.

Ҡанлы ергә терәнем.

Парашютта килеп төштө

Һинең ҡурғаш йөрәгең...

Ҡулдарыңды күтәрҙең.

Әммә ерҙә ҡорттай ҡалып,

Күҙ алдында бүҫкәрҙең.

Ярым Айҙай пар ҡашҡа.

Ә баш эйҙең көбәктәге

Бер йомарлаҡ ҡурғашҡа...

Мөхәббәттән үс нығый:

Полковникты әсир ҡыла

Мылтыҡ тотҡан бер ҡыҙый...

Ҡурғаш йөрәк һин -- әсир!

Әсир итмәгәс йөрәгең —

Бер ҡорт ҡына һин, тәҡсир!..

Бахыр иткән хөр башын.

Парашютың тишек булған,

Американ ҡорҙашым!

Еләйәсәк күп айҙар.

Шуның өсөн биргәнме ҡул

Эльбалағы атайҙар?!.

Әсирлектең ыу-ашын

Ашай-ашай, ирек көттөң,

Американ ҡорҙашым.

Туғандарың ҡан йотто,

Ниңә бомба бизнесына

Ебәрҙек, тип, алйотто.

Тип тә хатта ҡурҡтылар.

Күрешеүгә өмөттәрен

Тамырынан ҡырҡтылар.

Дүрт йыл иҫән һәм имен.

Вьетнам дөгөһөн ейеп

Зауыҡланды “супермен¹³”...

Джунглиҙың ҡыр ашын?..

Дүрт йыл буйы аҡыл йыйҙың,

Американ ҡорҙашым!

Атайҙар бит юл үткән.

Ә һин тишек парашютҡа

Дусар булдың нилектән?..

Һине илткән осҡоста.

Ниңә бындай мәсхәрәле

Булды юлың һәм ҡыҫҡа?

Төбәлгәнме юл башың?..

Уйлан әле ошо хаҡта,

Американ ҡорҙашым!

Гәзит-мәзит битенән:

Вьетнамда һуғыш бөткәс,

Кемдәр азат ителгән?..

Унарлап та йөҙәрләп.

Тик һин ниңә күренмәйһең,

Эштәр әллә бик һәләк?

Көтәм яңы юл башың.

Үлтереүсе булһаң да шул,

Һин бит минең йылдашым.

Икебеҙ тиң баһадир.

Кеше булып ҡалһаҡ ине,

Һин — полковник,

Мин — шағир...

6
Туҡта, туҡта,

Гәзиттәр бит

Хәбәр һала яңынан:

Көтөү-көтөү әсир ҡайта

Тағы Вьетнам яғынан!
Пегасыма тартты ҡабат

Ҡанатланмыш тойғолар:

Ҡырҡ йәшлек ҡырҡ кеше улар —

Утыҙ ике йылғылар!

Әсирлектән ҡотола.

Мәсхәрәле табандары

Вьетнамдан йолҡона.

Мөмкин түгел тыйылғы! —

Ҡырҡ йәшлек ҡырҡ вьетнамлы

Утыҙ икенсе йылғы!..

Планета биленә.

Килер ҡырҡ йыл Ер ғүмере

Ятҡан ирҙәр иңенә.

Тиң түгел ҡырҡ йәшлеләр?!

Ҡырҡ ҡуш күҙҙән осҡон осһа,

Ҡырҡ ҡуш күҙҙәр — йәшлеләр...

Ер йәшәреп тын ала.

Ҡырҡ ҡуш табан баҫҡан һайын,

Ер өтөлөп, ҡан ҡала...

Ҡырҡ ҡуш ҡулда — үрт эҙе...

Ҡырҡ һәм ҡырҡҡа айырылған

Алты ҡитға ер йөҙө.

Кемдәр күген түңкәргән?

Меконгыны ер йөҙөнә

Яра ярып үткәргән?

Ут-һуғыштан ҡурыла.

Уйландыңмы, американ

Ҡорҙашым, шул турала?..

Был донъянан ни ҡалыр?

Именлек бит икебеҙҙең

Игелектән торалыр!

Американ ҡорҙашым.

Колорадо ярын ятып

Үпкәнһеңдер бер шашып.

Башланһа ла бер Ерҙән:

Шан данлаһа атайҙарҙы,

Һине ҡанлы кер бөргән...

Йыу һин тыуған йылғала.

Балыҡ белһен, халыҡ белһен

Ҡан аҡҡанын донъяла.

Төҫкә ҡарап һуялар.

Аҡ тән түгел яраларҙан

Һыу аға тип тоялар...

Ҡара-негр ғүмере.

Ҡыҙыл тәнле индейҙарҙың

Төтәй ҡара күмере...

Һыныҡ эҙләй сүплектән...

Әллә үтә рәхәтлектән?..

Әллә доллар күплектән?!.

Әйттең: “Быны онотмам!”

Күҙең асып ҡара, ҡорҙаш:

Өйөңдә бит Вьетнам!..

Һелкеп ташлар сағыңда,

Яңы ҡараш атһаң ине

Өйҙә тирә-яғыңа!

Түңкәрелде ҡырҡ тапҡыр.

Бөгөн ерҙә — Намыҫ түрҙә!

Ерҙә бөгөн юҡ бахыр!

Булһаң һин дә “ҡарсыға”,

Колорадо ярҙарынан

Илең ҡаны тамсылар.

Ерҙә шул саҡ ни ҡалыр?..

Ҡырҡ йәшлеләр быуынына

Етте ваҡыт уйланыр!

“Ҡарсыға”лар осмаһын!..

Волга буйы “бөркөт”тәре

Ауламаһын дошманын!..

Океан аша һәр ил, йорт!

Алты ҡитға — булһын ине

Туғанлыҡҡа аэропорт!

Бар бит беҙҙең Эльбалар.

Меконгыларҙа осрашмаһын

Беҙҙән тыуған балалар!..

Бөттөк көйләп ни ара!

Шул арала Ливанда һәм

Никарагуала яу бара.

Курдистанда ут дөрләй.

Утлы ҡуҙҙар Африкала

Оло янғынға үрләй.

Утҡа тота пушкалар...

Дөрләй илдәр... Самолеттар

Әжәл йөкмәп осалар...

Ҡанатында — бер тамға:

Пентагондың тырнаҡтары

Сыйған, батырып ҡанға...

АҠШ-тың Аҡ йортонан.

Ут йөрөтә илселәре

Ебәк итәк аҫтынан.

Кәмәләре тоҫҡаулы.

Донъяны ут-көл ҡылырға

Дәжжал тубы яҫаулы.

Яңы “йәшел берет”тар.

Генералдар — маршаллыҡты

Матҡырға уй йөрөтә...

“Йылғыр корпус” төҙөлә.

Яндырыуҙы, үлтереүҙе

Кәсеп итмеш үҙенә.

Була, тиҙәр, осороп.

Теләгән бер хөкүмәтте

Була, тиҙәр, төшөрөп.

Тартып алыу — теләге.

Донъяларға әҙерләнә

Ажар әжәл һемәге...

Американ ҡорҙашым?

Йылғыр башланыңмы әллә

Илле йәшлек юл башын?..

Һинең ҡанат аҫтында?..

Онотма тик Эльбалар һәм

Меконгылар хаҡында!

Барлығын да иҫтә тот.

Сыҡһа улар ярҙарынан,

Булмаясаҡ туҡтатып!

Әсирлектең ашына.

Етмәһен, тим, йылғырлығың

Үҙеңдең үк башыңа!

Һин — генерал, мин — һалдат.

Шағир килеш ҡалһам ине,

Һин дә ир булып ҡалһаң!..

Теге шомло иҫке йыр.

Тыныслыҡ һәм дуҫлыҡ өсөн

Яңы йырҙар табылыр.

Маршаллыҡҡа ашҡынма.

Кеше булыу яҙһын беҙгә

Кешелектең хаҡына!

1979.

Әҙәм ғүмере буйлыҡ текә юл.

Намыҫлылар үтә текәнән,

Текәләрҙә һирәк түтә юл.

Ҡылысланып һыртын ҡабартҡан.

Ут сәсрәтә сая аҙымдар —

Табандарҙы сағыл ҡуҙартҡан.

Төнөн бара каруан йоҡламай.

Сыңрап ауа ғүмер тәүлеге —

Көнөм-төнөм аға йылғалай...

Текәләрҙе тетә ел ҡалай!

Баш осомда Айым, Ҡояшым —

Минең менән ҡуша юрғалай...

Зәһәрләтә Күгем көҙгөһөн.

Төн ҡараһын ҡурған Ҡош Юлы —

Текәләге минең эҙлегем!

Сәстәремде силдәр ҡыуарта..

Имән кеүек текә ҡырҡылған

Маңлайымда моңло һыр арта...

Аҫта — упҡын, китәм сайҡалып.

Арҡа терәр янда сағыл юҡ,

Күкте ҡармай ҡулым, айҡалып.

Тотонорға йәтеш ҡулсалай.

Минән улар ләкин тоттортмай,

Һаман-һаман алға юрғалай...

Йөгөм ауыр... Яңғыҙ мин каруан...

Иңбашыма тынмаҫ выжданым

Ауыр Бруно¹⁴ йөгөн туғарған.

Янған, тиҙәр, бергә бар ғаләм...

Тик янмаған, көлгә осмаған —

Ҡалған икән Намыҫ Тәғәләм!

Илткән уны, һалып иң башҡа!

Бруно барған, гәрсә булһа ла

Милләт башҡа, ҡитға, ил башҡа.

Ҡылыс йөҙөндә гел сайҡалам.

Аҫта — упҡын, тамуҡ-йәһәндәм...

Табанымды ялҡын-ут ялай...

Түҙгән ләкин — йөгөн бирмәгән:

Фани өсөн үртәп намыҫын,

“Ер әйләнмәй, тәҡсир!” — тимәгән!

Һәм көл булған тамуҡ утында.

“Ер әйләнә!” — Бруно оранын

Оранланы ғорур тоҡомдар!

Ыҫпайлыҡтың булды өлгөһө:

“Ер әйләнмәй, тәҡсир!” — тип, уттан

Һыуға төшөүҙәре билгеле...

Ирҙәр янған, Намыҫ үлмәгән!

Мин дә янам! Табан — ялҡында...

Дөрләй инде, ана, күләгәм!..

Кемдән генә терәк алайым!

Аһ Туйгилдем¹⁵! Бруно-олатам!

Һин аңларһың мине, моғайын!..

Инквизиция утына,

“Ер әйләнә!” — тигән оранды

Уртлап менгәнһең һин уртыңа!

Салғыйыңды ялҡын талаған,

Ҡара сәсең утҡа алланған,

Әммә оранды ут алмаған:

Ләүкегән ут дөрләү уртыңдан.

Башҡорт-бруно илткән Хаҡ-Намыҫ

Ил иңенә менеп ултырған.

Бруноларын алған монарға.

Ирҙәр янған — Намыҫ янмаған,

Яңы бруноларын һынарға...

Брунолар үткән текәнән.

Бруно заңы зыңлай йөрәктә,

Бәғер битен сыйып күптәндән:

Ҡыл осонан илтә юл йыры.

Байраҡлатып Намыҫ паклыҡтарын,

Текәлектә гөлтләй ал нуры.

Сикәләрҙе ялҡын ҡамсылай.

Юлым сикәләре — ике сағыл —

Дөрләп торған киршәү ҡайсылай!

Билкәйемдән һығып ҡырҡырлыҡ.

Сигенмәйем! Ҡалҡыу иң башымда

Бара лаһа Намыҫ-Тоғролоҡ!

Сағыл-ҡайсыларҙың асаһын.

Дүрт яғымда сыңлай кереш-офоҡ —

Ярылырҙай гәлсәр касаһы...

Йыһан сыңын йәндән кисерәм.

Ут эсендә килеш айныйым һәм

Ут эсендә килеш иҫерәм...

— Ғорурһың һин үтә, тәнәкәй!

Ҡая артылдың да ҡая мендең...

— Түбәнләктәр миңә кәрәкмәй!

— Ә мин ҡаным түгеп юл ярам!

— Бараһыңмы илең елкәһендә?..

— Ил Намыҫын йөкмәп апарам!

Ятмай Намыҫ илдең итәгендә!..

— Сағылдарҙан бейек — Көн бары...

— Сағылдарҙан үҙең тәпәш булһаң,

Намыҫ тауын йөкмәп һин ҡара!

— Торор ерем булһын үрҙәрәк!

— Үҙеңдән дә бейек дәғүәләрең...

Табаныңды терә ергәрәк!

Ер кендеге — нурлы көндөгөм.

Утлығамын ерем һутынан!

Терәй түбәм йыһан төндөгөн!

Сал сағылын уҙып Уралдың:

Урмандарҙа төбөм, ә түбәм

Галактикаларға уралды.

Ҡуш офоҡто йыртып ҡанатты...

Аһ! — кем һуң мин?! Күҙем — ут алған,

Суҡышлымын, ҡыйғыр ҡанатлы!

Йыһандарға, ерҙе ҡалдырып!

(Галактикалар бит тап шулай

Ҡанат киргән ирҙәр алғыры!..

Өнһөҙҙөр тик — ауыҙ ҡалыплы...)

Аһ! — кем һуң мин? Өнө тығылған

Сағыл мәллә, әллә алыпмы?!.

Ҡармап алып йоморо Ер шарын?

Күрегеҙсе, гранит кендегем

Урал ҡаяһына ҡушарым!

Ярып төндө дөрләй һаҙағай.

Кендек төбөм береш-Ирәмәл

Йәйғорлана гәүһәр ҡаҙауҙай...

Серле йомғаҡ һымаҡ тумарлап.

Галактика күҙе — Ер шарым —

Минең менән ҡуша йомарлаҡ!

Йөрәк башы Ерҙең — Уралым...

Бөйөклөгөн уның хозурлап,

Тере сағыл — дөрләп барамын!

Төш тиһәң дә тылсым-төш инде!)

Һәм уйлайым: “Әйтсе, Илаһым,

Ниңә тектең ергә кешеңде?

Түбәмдән дә артһа — тупраҡ.

Туп(ы)раҡта үҫкән мин бахыр —

Өҙөлөргә торған япраҡ...

Ҡала тороп фәҡәт Күк Урал.

Сағыллығым осор саң булып —

Саң ҡалынлыҡ ҡалҡыр тик Урал...”

— Тәнәкәйем, ниңә ярһының?

Һиңә әллә ерҙә эш бөткән,

Нимә көҫәп Күккә ҡарпының?

Күңелем көр — шуға ҡарпыным.

Ирмен тигән ирҙе һыйҙырмай

Ғүмер ҡыҫаһының тар ҡыны!

Урал данын йәнең көнләшә.

— Үгәй түгел — Урал улымын,

Минең аша Урал өндәшә!

Мин бит тейеш бейек илтергә!

Һәм хаҡым юҡ ошо юлымды

Тәнәйләнеп түбән үтергә!

Ниңә кәрәк? — тине Серле өн.

— Бөйөклөгөм күреп йондоҙҙар

Мине һөйһөн, минән көнләшһен!

Уралыңдан өҫтөн итәғәт?

— Өҫтөнлөккә, Илаһ, ни етә!

Бөйөклөк бир тик бер, бер сәғәт!

Иҫәпкә ал хәтәр юлымды.

Аҙмы ирҙәр уны үтәлмай,

Илтә алмай йөгөн, йығылды!..

Кендегеңде ерҙән өҙәйем.

Йондоҙлоҡҡа терәп түбәңде,

Күк-есемле хикмәт итәйем!

Күк-йыһанда сихри сәфәргә.

Уралымдың ҡарлы түбәһе

Ҡалды оҡшап башлы шәкәргә...

Балҡып бәлләү-күктә мин йөҙәм!..

Йыһан йәйгән йәйғор һуҡмаҡтан

Бөйөклөккә ҡарай юл гиҙәм!

Ҡалҡҡан һайын, ерҙән мин өҫтөн.

Ғәжәп ҡалам ҡарап артыма:

Шул түбәндә микән мин үҫтем?!

Менгән есем аҫта яралмаҫ!

Булмыш затым — зәңгәр Күк заты,

Ергә ҡарап зиһен таралмаҫ!..

Зәңгәрлекте ҡара төн өңдө.

Ҡунаҡсала һары нәжәғәй

Һуңғы тапҡыр ҡанат елпенде.

Күк шыршылар ҡалды бик түбән.

Аҡ шәкәрҙәй Урал маңлайын

Көҙгө итте “ем-ем” Етегән.

О! — был ниндәй тылсым, сихри мәл!

Ете үлеп, ете тыуһам да —

Ҡабатланмаҫ инде бындай хәл!..

Бейейем мин ете уртала.

Йондоҙ нуры билгә урала,

Йор нур һурып һулыш туҡтала...

— Мораҙыңа, тәнәк, ирештең.

Уралыңдан бейек булырлыҡ

Күк затына тамам керештең.

Бер генә тик сыңлап моң алма.

Уралыңдың моңон, һауаһын

Онот, онот! Хәҙер һин — Алла!

Һүрәтләнер — уға алданма.

Һоҡланыуҙы — бәндә зауығын

Ҡалдыр, ҡалдыр! Хәҙер һин — Алла!

Тупрағында аунап ятаһың.

Түбәндер тик һинән был, аңла.

Һин Уралдан бейек, һин — Алла!..

Ярты яҡҡа донъя ҡыйшайҙы.

Күрер күҙгә шөңгөр Уралым

Ер төҫтәрен һирпеп түш яҙҙы —

Ҡабатланды ерем бер мәле.

Елберҙәне ап-аҡ ҡайындар —

Күлдәктәре бөрмә-бөрмәле...

Һуңғы тапҡыр микән өндәште:

— Ризаһыңмы бөйөк ҡалырға?

Өҙмәнеңме бөйөк ниәтте?..

Тулыш ине нурға үҙәгем.

Күлдәккәйем хатта аҡ нурҙан...

Саф нур һулап нурҙа йөҙәмен...

Бер йомарлаҡ туп ул түбәндә...

Шул йомарлаҡ-тупты ҡомарлап,

Етегәндәр көлә эргәмдә...

Көлмәйем тик — бер мин көлмәйем...

Ҡолағымда һаман сыңлаған

Ерем өнөн генә өнәйем.

Уралымдың бит был саф өнө!

Ярып үтеп ваҡыт, арауыҡ,

Йыһанда ла арбай ул мине!

Тәкмәсләргә түбән мин әҙер.

Уралтауҙың тыңлап саңҡыуын,

Сатнар инде, сатнар таш бәғер!..

Ерҙәгеләй кирә алмайым...

Орандарым ҡатҡан таңғайҙа —

Өнләп ауаз бирә алмайым...

Ҡайҙа хөр саҡ?.. Оран орор саҡ?!

Йондоҙҙарҙың тик нур телендә

Аралашыу йәнде һурасаҡ!..