параграф. Металл өңдеуге арналған жонғыш және қашау тобының станоктары

Станоктың үстеліне қысқыштарды үстелдің кертпесінің өлшеміне сәйкес келетін бұрандалармен бекітіледі; бөлшектерді қысқыш аспақтармен, тіректермен және сол сияқтылармен бекітуге болады.

104. Станок жұмыс істеп тұрған кезде жұмыстың толық қауіпсіздігін қамтамасыз ететін қарсы аспаптарды (конвейерлердің айналма үстелдері мен басқаларын) өңделетін бөлшектерді пайдаланған жағдайда орнатуға және алуға болады. Станоктар шпинделді бергеннен кейін оны бастапқы қалпына келтіретін құрылғылармен жабдықталады. Көрсетілген жарақ болмаған жағдайда бөлшектерді орнату және алу станокты ажыратқаннан және толығымен тоқтатқаннан кейін жүргізіледі.

105. Аспапты сынаның, бұранданың, аспақтың және басқа да құрылғының көмегімен бекіту кезінде осы элементтер шпинделдің шегінен тыс шығып тұрмайды. Осы талапты орындау мүмкін болмаған жағдайда көрсетілген элементтердің беті қорғағыш құрылғымен жабылады.

106. Шпиндель толығымен тоқтағанға дейін одан бұрғыны немесе басқа да аспапты салуға немесе алуға болмайды.

Бұрғы шпинделдің кертпесінде қалдыруға болмайтын сынамен шпинделден алынады.

107. Станоктарда қағылған немесе тозған конустары мен сағалары бар аспаптарды пайдалануға болмайды.

108. Станок жұмыс істеп тұрған кезде қолмен аспаптың кесетін жиегінің өткірлігін, тесіктің тереңдігін және бұрғының тесіктен бөлшекке шығуын тексеруге, бұрғыны дымқыл ұштармен немесе шүберекпен салқындатуға болмайды.

109. Бұрғыланған тесіктерден шыққан жоңқалар станок тоқтағаннан және аспап шығарылғаннан кейін гидравликалық тәсілмен, магниттермен, металл ілмектермен және басқа да тәсілдермен алынып тасталады.

110. Тесіктерді байлама металдарда жоңқа ұнтақтағыш арналары бар спираль бұрғылармен бұрғылаған жөн.

111. Аспапты алу үшін соққы кезінде бөліктері ажырамайтын материалдан дайындалған балғалар мен тескіштер қолданылады.

112. Жұмыс істеп тұрған кезде эмульсиялық салқындату құбырын аспапқа өткізу немесе оны бекітуге, станокты реттеуге болмайды.

113. Бұрғылау станоктарында қолғаптармен жұмыс істеуге болмайды. Ірі көлемді бөлшектерді орнату және алу станок тоқтағаннан кейін қолғаптармен жүргізіледі.

7 параграф. Металл өңдеуге арналған кесу тобының станоктары
114. Кесетін дөңгелек аралы станоктар алдыңғы жағынан бүйіріне орналастырылатын, қайырмалы немесе кесу кезінде жұмысшыны жоңқадан қорғайтын алмалы-салмалы экранмен жарақталады.

Кесетін дөңгелек аралы станоктың жұмыс істемейтін учаскесі қоршалады.

115. Кесетін дөңгелек аралы станоктар жұмыс істеп тұрған кезде тістердің ойыстарын жоңқалардан автоматты тазартуға арналған құрылғылармен жарақталады.

116. Таспалы-кесетін станоктардың кесу аймағындағы учаскеден басқа, кесетін төсемнің ұзындығы бойымен қоршауы болады.

Таспалы-кесетін төсемнің шкивтері айналасынан және бүйір жақтарынан қоршалады.

117. Таспалы-кесетін станоктар ол бұзылған жағдайда кесетін төсеммен жарақат алуды болдырмайтын құрылғымен жарақталады.

118. Кесетін станоктарда материал (кесілетін) мен кесілген дайындаманы ұстап тұруға арналған құрылғы материал мен дайындаманың құлауын болдырмайды.

119. Қол араның кесетін рамасының алдыңғы бөлігі станок жеңінің сыртына шықпайды және қорғағыш құрылғымен қоршалады.

120. Түрпілі-кесу станоктарының кесілген шеңберлері МСТ 12.3.028 «Түрпілі және эльборлы аспаппен өңдеу барысы. Қауіпсіздік талаптарына» сәйкес қорғағыш қаптамалармен қоршалады. Қаптамалардың сыртқы бетінде жұмыс күйінде берік бекітілетін, ыңғайлы алынатын немесе ашылатын қақпақтар қарастырылады.

121. Кесу аралары мен шеңберлерінің, оларды ашу аймақтарындағы таспалы аралардың қабықшаларының жиектері, қабықшалардың ішкі қабаттары сары сигнал түсіне боялады.

122. Түрпілі-кесу станоктарының тозаң жинағыштарының құрылымы кесу аймағынан шығатын ұшқын жалынын тиімді ұстап қалуды қамтамасыз етеді.

Тозаң жинағыш пен одан ауа жолының сорғы құрылғысына бөлетін құрылымы балқытылған металл бөліктерінің тозаң жинағыш пен ауа өткізгіштің ішкі қабаттармен байланысқан кезде түзілетін күйеден оларды ыңғайлы тазарту мүмкіндігін қарастырады.

Түрпілі-кесу станоктары жеке сорғы құрылғыларымен жинақталады. Сорғы құрылғысында мата сүзгіштерді пайдалану кезінде отқа төзімді мата немесе сорғы учаскесінде құрылғының алдында ұшқын ұстағыш орнатылады.

123. Дөңгелек араларды қайрау кезінде дисктің айналу шүлдігіне қатысты барлық тістердің бастарының үйлесімділігі сақталады. Араларды қайрау дайындаушы зауыттың нұсқаулықтарына сәйкес жүргізіледі.

124. Дискісінде немесе тістерінде сызаттары бар, екі тісі қатар сынған, тістерінен, тез кесетін болаттан немесе қатты балқымадан пластинкалары кемірілген немесе түсіп қалған, дискісінде шығыңқы бөліктері бар және қайрау кезінде тістері кемірілген дөңгелек араларды қолдануға болмайды.

125. Станоктарға тесігінің диаметрі біліктің (шпинделдің) диаметрінен үлкен ара дискілерін орнатуға, сондай-ақ дискідегі тесіктің диаметрін кішірейту үшін жапсарлас шығырларды (төлкелерді) пайдалануға болмайды.

126. Таспалы араның төсемі тегістеледі және сызаттары, шығыңқы бөліктері, бойлық толқыншалары, артқы жиегінде майысқан жері, мүжілген жері және басқалары болмайды.

127. Станок жұмыс істеп тұрған кезде ара дискісінің айналу жазықтығында тұруға, дискінің сегментінен ол айналып тұрған кезде жоңқаны итеруге, дайындаманың кесілген бөлігін қолмен ұстауға болмайды.

128. Металдарды металл кесетін станоктарда кесіп, механикалық өңдеу кезінде МСТ 12.3.025 «Металдарды кесіп өңдеу. Қауіпсіздік талаптары» сақталады.

8 параграф. Металл кесуге арналған қайшы
129. Металл табақтарын кесуге арналған гильотина қайшысы:

1) жылжымайтын табан деңгейінде орнатылған үстелмен;

2) кесу орнын көруге мүмкіндік беретін бағыттаушы және сақтандырушы сызғыштармен;

3) кесілетін табақты беруді шектеуге арналған реттегіш тіректермен;

4) кесілетін металды анықтау үшін механикалық немесе гидравликалық қысқыштармен;

5) іске қосу тетіктерімен бұғатталған және жұмыс істеп тұрған табан мен қысқыштарға қол саусақтарының жанасуын болдырмайтын сақтандыру құрылғыларымен жарақталады.

130. Пышақ аймағындағы қоршау (қорғағыш) құрылғысының алдында орнатылған гильотина қайшысының цилиндрлік қысқыштары жан-жағынан кесілетін материалдың қалыңдығына байланысты тұтас биіктігі бойымен реттейтін қоршаулармен жабылады.

131. Қысқыштармен қысылмайтын тар жолақтарды кесуге болмайды.

132. Гильотина қайшысы қайшы жұмыс істемей тұрған немесе үзіліс болған кезде электр қозғалтқышты ажырату үшін бекітетін ажыратқыш құрылғылармен жабдықталады.

133. Қайшы мен сақтандыру құрылғыларының құрылымдары жоғарғы қайшының өздігінен түсуін болдырмайды.

134. Қайшы тепкісінің тірек қабаты тік, сырғанамайтын болады, дөңгелек кесігі және одан 110-130 мм қашықтықта аяқты кіргізуге арналған тірегі болады. Тепкі қызмет көрсету орнынан ғана ашылатын берік қаптамамен қорғалады. Қаптаманың үстіңгі шеті дөңгелектенген болады. Қайшы тепкісін басу күші шамамен 25-35 Н.

Тепкінің тірек қабаты еден деңгейінен 80 мм және 100 мм дейін биіктікте анықталады; қайшыны іске қосу тепкіні 45-70 мм ұстағаннан кейін жүргізіледі. Қайшының тепкісі жылжымалы болады.

135. Қолмен басқарылатын рычагты қайшы арнайы тіректерге, верстактарға, үстелдерге бекітіледі.

136. Қолмен басқарылатын маховик қайшы жоғарғы жылжымалы табанында қысқыштармен, пышақ ұстағыштың соққысын жеңілдету үшін амортизатормен және үстіңгі жылжымалы пышақты қауіпсіз күйде ұстап тұратын ауырлықпен жабдықталады.

137. Пышақтың кез келген бөлігінде майысу, бұдыр немесе сызат болған кезде, өтпейтін және пышақтың кесу жиектері дұрыс жабылмайтын қайшыны пайдалануға болмайды.

138. Қолдың жарақат алуын болдырмас үшін және қалыптарда жолақтардың еркін жүруін қамтамасыз ету үшін қайшы пышақтарының арасындағы саңылау кесілетін табақты материалдың қалыңдығынан 0,05 кем емес болады.

139. Қол қайшыларымен жұмыс істеген кезде тұтқаларды ұзарту үшін қосалқы рычагтарды немесе жүзінің немесе қаламдарының бойымен соғатын кескіштерді қолдануға болмайды.

9 параграф. Металл өңдеуге арналған иілдіргіш, дұрыс және кескінді иілдіргіш станоктар
140. Иілдіргіш және кескінді иілдіргіш станоктар сақтандыратын қоршаулары бар қабылдау құрылғыларымен (үстелдер мен басқалары) жабдықталады.

141. Иілдіргіш станоктардың траверстерді түсіруді және көтеруді бақылайтын және шектейтін (шамадан тыс белгіленген өлшемнен) құрылғылары, траверстерді ауыстыратын қолмен басқару тетігі іске қосылған кезде электр қозғалтқышын ажыратуға арналған құрылғылары болады.

142. Кескіндерді июге және бөлшектеуге арналған роликті станоктар жұмысшының саусақтарының ролик пен дайындаманың арасына кіруін болдырмайтын қорғағыш құрылғылармен жарақталады.

143. Мынадай:

1) траверстердің бір ұшы артық немесе әр түрлі орналасқан (үзіліспен) орналасқан кезде;

2) траверс жүрістері (жоғарғы біліктің) индикатор көрсеткіштеріне сәйкес болмаған кезде;

3) жоғарғы білік едәуір салбырап тұрған кезде және салу кезінде төсемше майысқан кезде иілдіргіш станокта жұмыс істеуге болмайды.

144. Иілдіргіш рычагтар бұрылатын кезде кескінді иілдіргіш станоктарда дайындамаларды өлшеуге және босатуға болмайды.

146. Шкивтері бар жұмыс істемейтін аймақтағы станок арасының тұтас жылжымайтын, ал жұмыс аймағында кесілетін ағаштың биіктігімен (енімен) орнатылған жылжымалы қоршауы болады. Станоктар ара таспасы үзілген жағдайда оны ұстауға арналған автоматты әсер ететін құрылғымен және ара таспасын дұрыс бағыттауға арналған оның артқы жиегінде жылжымалы аспаппен жабдықталады. Таспа арасының төсемі осы Талаптың 126 тармағының талабына сәйкес болады.

147. Таспа арасын кигізу және ауыр түрдегі станок шкивтерінен шешу үшін оның құлауын болдырмайтын аспаптар қолданылады.

148. Станоктар шкивтерді, ара таспасын, бағыттаушы және тірек рельстерін үгінділер мен шайырлардан автоматты тазарту құрылғыларымен жарақталады.

149. Арбаның қысу тетігі жұмыс және кері (бос) жүрістерде кесілетін материалдың бекітілуін қамтамасыз етеді.

150. Станоктарда ара таспасының ені мен қалыңдығына байланысты оны қаттырақ тарту туралы мәліметтері бар кесте ілінеді.

151. Станоктардың пульттерінде ара таспасын тарту туралы жарық дабылы орнатылады: жасыл түс қалыпты кермені, қызыл түс ара таспасының жеткіліксіз (немесе шамадан тыс) тартылғанын білдіреді.

152. Кесілетін материал берілетін таспалы ара станоктарының арбаларының қозғалыс жылдамдығын сатыламай реттегіші болады.

153. Рельс жолдарының соңдарында арбаның қозғалысына кедергі жасайтын шекті тіректер орнатылады.

154. Станоктар ара таспасын монтаждау-бөлшектеу аймағындағы бастапқы тетік ашық тұрған кезде олардың іске қосылуын болдырмайтын қорғағыш және бұғаттағыш құрылғылармен жабдықталады.

155. Кесетін дискілі араның кронштейні 40° астам бұрышқа бұрылған кезде оның орнын ауыстыратын электр механикалық жетек көтеріледі.

156. Кесетін дискілі араны және үстіңгі бағыттаушы таспа арасын жоғары және төмен орналастыру орналастыратын жетектің ажыратқыштармен шектеледі.

158. Ара біліктерін айналдыру жиілігі араларды айналдыру жиілігінің ең үлкен шекті мәндерінен аспайды.

159. Станок үстеліндегі араға арналған саңылаудың ені 10 мм аспайды.

160. Бір білікке орнатылған аралардың бірдей номинал диаметрі, қалыңдығы, тістердің кескіндері, айырмасы немесе жұқартқышы болады. Диаметрлерінде 5 мм аспайтын айырмасы бар араларды орнатуға болады.

161. Станоктардың өңделген материалдар мен араны беретін реверстегіші болады.

162. Бір аралы станокта ағашты бойлық кесу кезінде бір жазықтықтағы араның артынан қоса бөлетін пышақ орнатылады.

Қос ара біліктері бар станоктарда жарма және бағыттаушы пышақтар ара білігін беру жүрісінің артында орналасқан аралардан соң орналасады.

163. Көп аралы станоктарда бойлық кесу кезінде бір жазықтықтағы аралардың артынан қоса, жарма және бағыттаушы пышақтар орнатылады. Жарма пышақтар кесіктің енінің үстіндегі пышақтың қалыңдығы рейка жағынан кесу жазықтығынан сыртқа өтетіндей етіп шеткі аралардың артынан, ал бағыттаушы пышақтар шеткі аралардың арасында орналасқан аралардың артынан орнатылады.

164. Жарма және бағыттаушы аралар төмендегі талаптарды қанағаттандыруы қажет:

1) жарма пышақтың қалыңдығы диаметрі 600 мм дейінгі аралар үшін тіліктің енінен 0,5 мм және диаметрі 600 мм аралар үшін 2 мм артық болады;

2) бағыттаушы пышақтардың қалыңдығы тіліктің есептік енінен тең болады (араның қалыңдығы плюс айырма өлшемі немесе тістердің жұқаруы);

3) пышақтың қайралған бөлігінің шапқышының ені кемінде 5 мм және олардың енінен 1/5 бөлігінен аспайды;

4) пышақтардың биіктігі араның жұмыс бөлігінің биіктігінен кем болмайды;

5) пышақтың қайралған бөлігінің ұзындығы бойымен оның және ара тістерінің үстіңгі желілерінің арасындағы саңылау 10 мм аспайды;

6) пышақтарды бекіту құрылымы диаметрі әр түрлі араларды тез ауыстыруды мүмкіндігін және тілік жазықтығындағы тұрақтылықты қамтамасыз етеді;

7) пышақтардың құрылымы олардың тік және көлденең жазықтықтарда орналасуын және орнатылған араға қатысты мықтап бекітілуін қамтамасыз етеді.

165. Жарма және бағыттаушы араларды пайдалануға қарамастан, аралардың алдындағы жарықтың ені бойымен тегіс болат пластинкалардан немесе тістері бар қисық сызық түріндегі, кез келген қалыңдықтағы материалдарды өңдеу кезінде (өңделген материалдарды арбалардың және кареталардың көмегімен беретін станоктарға бұл талап қолданылмайды) тұрақты жарма бұрышы 55° - 65° сақталуын қамтамасыз ететін жылжымалы сақтандыру тіректерінен тұратын кемінде екі бүркеме орнатылады. Бүркемелер бір-бірімен байланысқан болуы қажет.

Тіректер біліктерге мықтап орнатылады, олар тек станокқа берілетін материалдың көмегімен көтерілетіндей және бастапқы қалпына еркін түсірілетіндей етіп бір жазықтықта станок үстелінің жұмыс қабатына перпендикуляр есебімен тіректерге берік бекітіледі.

Тіректердің төменгі жиектері мен станоктың берілетін құрылғысының бетінің арасындағы саңылау 2 мм аспайды, тіректердің платиналары арасындағы саңылау 1 мм аспайды.

166. Станоктар сақтандыру тіректерінен бүркемелерді бөлуге арналған құрылғылармен жарақталады.

Бүркемелерді беру жүрісі бойымен көтеру станокты іске қосу құрылғысы бұғатталған басқару органымен жүзеге асырылады. Бөлу кезінде бүркемелер, кесу тетіктері мен берілістер ажыратылады: аралар айналып тұрмауы қажет.

167. Бағыттаушы сызғыш үстелге жеңіл орнатылады, ара дискісіне параллель орнатылады және қажетті күйде нығыз бекітіледі. Бағыттаушы сызғыштың құрылымы сызғыш пен ара арасындағы кесілетін материалдың бөлінуін болдырмайды.

168. Дайындаманың қорабын оларды бағыттаушы сызғыш пен үстелге қысуды қамтамасыз ететін аспапсыз бір мезгілде кесуге болмайды.

169. Үгінділерді қабылдағышты жапқыш болмаған жағдайда станок үстелінің астындағы араның төменгі бөлігі екі жағынан бір-бірінен 100 мм аспайтын қашықтықта орналасқан және осы станок үшін диаметрі едәуір үлкен араны кемінде 100 мм жауып тұратын металл қалқандармен қоршалады. Станинасы тұйық, станоктың астындағы араға қол жеткізуді толығымен болдырмайтын станоктарда оларды ауыстыру немесе тексеру үшін есіктер орнатылады. Есіктер станоктың іске қосатын құрылғысымен бұғатталады.

170. Дискілік аралар кесу түріне және кесетін материалдың (қатты, ылғал) физикалық-механикалық қасиеттеріне сәйкес тістердің кескіндерімен қолданылады. Ара дискісін соғу кезінде станокта жұмыс істеуге болмайды.

171. Бойлық кесу кезіндегі араның кесу жылдамдығы кемінде 50 м/с.

172. Шынжыр табанды станоктарда қосымша тіректердің төменгі қатары орналастырылады.

173. Шынжыр табанды станоктарда жұлдызшалар мен шынжыр табандардың жұмыс істемейтін бөлігі қоршалады.

174. Тізбекті станоктарда тізбек пен үстел арасындағы, тізбек буындарының арасындағы саңылаулар 5 мм аспайды.

175. Қабырға станоктарының сақтандырғыш тіректері өңделетін материалдың бүйір қабаттарына салынады.

176. Станоктың құрылымы араның мәжбүрлі түрде қалпына келуін және бастапқы қалыпта ұсталуын қамтамасыз етеді.

Бастапқы қалыптағы араның тістері кемінде 50 мм қоршаумен жабылады.

177. Қолмен басқарылып берілетін станоктарда материалды 400 мм қысқарақ және арнайы үлгілерді пайдаланбай 30 мм сайын, ал дөңгелек қималы материал берік қысқышы бар каретаны қолданбай кесілуге жол берілмейді. Қолмен басқарылып берілу кезінде материалды кесу ысырманың көмегімен жүргізіледі.

12 параграф. Ағашты бойлық кесуге арналған дөңгелек аралы станоктар
178. Ағашты бойлық кесуге арналған дөңгелек аралы станоктар МСТ 12.2.026.0 «Ағаш өңдеу жабдығы. Құрылымға қойылатын қауіпсіздік талаптары», осы Талаптың 158, 159, 160, 161, 171, 176 тармақтарының 1 параграфында және 2 параграфында баяндалған талаптарға сәйкес келеді.

179. Ара дискісінің айналу бағыты кесілетін материалдың тірек қабаттарына (үстелген, тірекке, бағыттаушы сызғышқа) қыспасын қамтамасыз етеді.

Тістердің кескіні осы Талаптың 170 тармағының талаптарына сәйкес келеді.

180. Ара бастапқы (жұмыс істемейтін) қалпына оралған сәтте раманың дірілі және жұмыс жағына ысырылған кезде тербелмелі және жылжымалы рамалы станоктарда жұмыс істеуге болмайды.

181. Арасы төмен орналасқан станоктарда ара қоршауы оны үстелге түсіру немесе кесілетін материал ара тіліктен шыққанға дейін жүргізілетіндей бұғатталады.

182. Станоктар олардың бір қолмен қосылу мүмкіндігін болдырмайтын қос қолды басқарумен жабдықталады.

183. Ұзындығы 300 мм кем кесу материалдарының дөңесі өңделетін материалды ұстау және қысу кезінде қауіпсіздікті қамтамасыз ететін бұйымдарды пайдалана отырып жүргізіледі.

184. Фанерлерді, плиталарды, қалқандарды және басқаларын кесу үшін пайдаланылатын араға материалды қолмен беретін станоктарда қалыңдығы тілік енінен аспайтын бағыттаушы пышақтың конфигурациясы бар ара дискісінің артқы секторының қоршауы орнатылады. Осы қоршау жеткілікті түрде қатты және берік болған кезде үстіңгі бөлікті қоршау үшін тірек ретінде ара дискісін пайдалануға болады.

185. Тепкі станоктарының рамалары теңестіріледі. Ара рамасы өзінің бастапқы қалпына келетін кезде тіректерге дейін соңғысынан оның дірілін азайту үшін иілгіш төсем төселеді.

186. Теңгерілген арамен жұмыс істеу кезінде ара дискісінің айналу жазықтығында болуға болмайды.

Станок рамасының қозғалуы, орналастыру және кесілетін бөрененің екі жағынан қысу механикалық түрде жүргізіледі. Бастапқы қалыпта ара толығымен қоршаумен жабылады, оның төменгі жиегі тістерді кемінде 100 мм жауып тұрады.

187. Табақ материалдарын бойлық және көлденең пішуге арналған станоктарда бойлық және көлденең кесетін араларды бөлек қосу қарастырылады.

188. Табақ материалдарын бойлық және көлденең пішетін станоктарда беру реверсі бойлық кесетін ара бөлініп шығарылған кезде жүзеге асырылады.

13 параграф. Ағаш өңдеуге арналған сүргілеу станогы
189. Сүргілейтін ағаш өңдеу станоктары МСТ 12.2.026.0 «Ағаш өңдеу жабдығы. Құрылымға қойылатын қауіпсіздік талаптары», осы Талаптың 1 және 2 параграфының талаптарына сәйкес келеді.

190. Сүргілеу станоктарындағы пышақ біліктері теңестірілген, цилиндр түрінде және пышақтарды тез әрі берік бекіту құрылғысы болады.

Пышақ білігінде пышақтарды бекіту құрылымы олардың шығып кетуін болдырмайды.

191. Алмалы-салмалы жоңқа сындырғыштар пышақтардың тұтас ұзындығы бойымен, біркелкі түрде оның бетіне төселеді және қазылған әр бүлінген жерлері болмайды.

192. Беру тетігі кез келген білік тоқтаған жағдайда беру тетігі де тоқтайтындай етіп, станоктың пышақ біліктерімен бұғатталады.

193. Өңделетін материалдың ең қысқа ұзындығы берілетін құрылғылардың шүлдіктерінің арасындағы қашықтықтан 100 мм артық болады.

194. Пышақтардың жүздері жоңқа сындырғыштардың жиектерінен 1,5 мм артық шықпайды және бір диаметрдің шеңберінде қамтылады.

195. Қайрау бұйымдарымен жабдықталған станоктарда шлифті шеңбердің жетегінің қосылу мүмкіндігін болдырмайтын бұғаттағыш құрылғы мен пышақ білігі айналып тұрған кезде осы аспаптың каретасын орналастыру қарастырылады.

196. Фуговалды станокта автобергіш болмаған жағдайда пышақ білігінің жұмыс бөлігі пышақ білігін тек өңделетін бөлшектің еніне ашатын автоматты әсер ететін қоршаумен жабылады.

197. Фуговалды және төрт қабырғалы сүргілеу станоктарының жұмыс істемейтін бөлігі өңделетін дайындаманың еніне сәйкес жылжымалы қоршаумен толықтай жабылады.

Бағыттаушы сызғыштарды тетік қысқыштармен бекітуге болмайды.

198. Фуговалды станоктардың пышақ біліктерінің тесігіндегі үстелдердің шеттері үстелдің бетімен бекітілген болат өткір жапсырмалармен жарақталады. Жапсырмалар мен пышақ жүзімен салынатын траекторияның арасындағы қашықтық 3 мм аспайды. Жапсырманың жиектері тегіс, бұдырсыз және кетіксіз болады.

199. Дайындамаларды қолмен беретін станоктарда 400 мм қысқа, 50 мм немесе 30 мм жұқарақ сүргілеу арнайы ысырма құдықтарды пайдалана отырып жүргізіледі.

200. Рейсмус және төрт жақты сүргілеу станоктары пышақ білігі айналып тұрған кезде механикалық жетектен үстелді биіктігі бойынша орналастыруға мүмкіндік бермейтін бұғаттағыш құрылғымен жарақталады.

201. Рейсмус станогы арқылы бір мезгілде қалыңдығы бойынша әр түрлі бірнеше дайындамаларды қауіпсіз өткізу үшін алдыңғы берілетін біліктер мен алдыңғы қысқыштар секцияланады. Барлық станоктарда секциялық берілетін біліктердің болуына байланысты сақтандыру тіректері орнатылады. Үстелдің алдыңғы жиегінде қосымша ұсталған тербелмелі аспақтардан бүркемелер орнатылады. Лақтырындыға қарсы құрылғыларды ажырату кезінде автоматты түрде өңдеу бағытындағы беріліс жетегі ажыратылады.

Төрт жақты сүргілеу станоктарында өңделген дайындаманы шығару үшін реверстеу қарастырылады.

202. Рейсмус шағын топтарында пышақтарды орнату, қайрау және жөндеу үшін жапсарлас бұйымы болады.

Қайралған аспаптың шлифті шеңберінің жұмыс істемейтін бөлігі толығымен қоршалады.

203. Бойлық-фрезерлік (сүргілеу) станоктарының құрылғыларының алдынан станок арқылы өткізілетін дайындамалардың шекті қимасын шектегіштер орнатылады.

Тетіктер қалқандармен немесе қаптамалармен жабылады. Төменгі пышақ біліктерінің жұмыс істемейтін бөлігі өңделетін материалдың еніне сәйкес жылжымалы қоршаумен жабылады.

205. Шпинделі жоғары орналасқан көшірме станоктардың кесетін аспаптарының қоршауы аспапты дайындамаға тереңірек салу кезінде оның қалған бөліктерін жауып тұрады, ал аспап дайындамадан шығатын кезде толығымен қоршалады.

206. Фрезерлеу кезінде өңделетін бөлшектер бұйымдарда (жылжыма бөлшектерде, шағын кареталарда, шаблондарда, цулагаларда) мықтап бекітіледі немесе станоктың жөнелту тетіктерімен мықтап ұсталады.

Қимасы 40х40 м, ұзындығы 400 м және одан аз дайындамаларды станоктарда қолмен бұйымдарсыз фрезерлеуге болмайды.

207. Тура фрезерлеу кезінде қолмен беретін станоктарда өңдеу кезінде Бөлшектер бағыттау сызғышқа және станок үстеліне қысылады.

208. Шпинделдер мен кесу аспабын бекіту әр түрлі бағыттарда оларды айналдыру кезінде өздігінен бұралуын болдырмайды.

209. Станоктардың шпинделдер тоқтаған кезде станоктың іске қосылуын болдырмайтын бұғаттағыш құрылғысы болады.

210. Дайындамаларды диаметрі 200 мм астам кесетін фрезерлік аспабымен немесе шпинделі төмен орналасқан станоктарда жиынтық фрезалармен өңдеу үшін шпинделдің жоғарғы бөлігін ұстау үшін кронштейндер қарастырылады.

211. Алмасатын фрезерлеу немесе бағыттаушы сызғыштың ортасында фрезерлеу кезінде фрезерлеу учаскесінің ұзындығына сәйкес шектегіш тіректер орнатылады.

212. Станоктардың шпиндель саптамаларының оларды бекітуге арналған бұйымдары бар.

213. Бөлшектерді қисық сызықты фрезерлеу қысқыштармен цулагаларда жүргізіледі.

214. Шпинделі төмен орналасқан станоктарда шпинделге арналған үстелдерде тесіктің диаметрі 30 м шпиндель диаметрінен аспайды.

215. Бағыттаушы сызғышсыз станокта жұмыс істеу кезінде фрезадан төмен шығырға сүйелетін жылжыма бөлшектер, цулагалар немесе шаблондар қолданылады.

216. Механикалық берілісі бар фрезерлік станоктар, оның ішінде карусель-фрезерлік және көшірме-фрезерлік шаблондар үстеліне бекіту үшін бұйымдармен жарақталады, шаблондардың өңделетін бөлшектерді сенімді бекітуге арналған бұйымы болады.

217. Үлгілі және көлденең көшірме станоктар мөлдір материалдан жасалған жылжымалы экрандармен жабдықталады.