2011 – 2015 жылдарға арналған «Саламатты Қазақстан» мемлекеттік бағдарламасын жүзеге асыру мақсатында амбулаториялық емханалық қызметі бар Арал аудандық орталық ауруханасының 2015жылы атқарған жұмыстары туралы анықтама

Әрбір адамның денсаулығы оның толыққанды тіршілік етуін ғана емес, сонымен қатар оның мүмкіндіктерінің әлеуетін анықтайтын факторға айналып отыр. Халық денсаулығы жағдайының деңгейі өз кезегінде, елдің әлеуметтік-экономикалық, мәдени және индустриялық даму шамасын айқындайды. Медициналық қызметтердің сапасы кешенді ұғым болып табылады және ол көптеген көлемді себептерге байланысты, олардың ішінде медициналық ұйымдардың материалдық-техникалық жарақталуын, клиникалық мамандардың кәсіби деңгейін және оны арттыруға деген уәждемесінің болуын, медициналық көмекті ұйымдастыру мен көрсету үдерістерін басқарудың қазіргі заманғы технологияларын енгізу болып табылады. 2011-2015 жылдарға арналған бағдарламаны қаржыландыру көлемі Қазақстан Республикасының заңнамасына сәйкес тиісті қаржы республикалық және жергілікті бюджет есебінен жылдан жылға көбейтіліп отырды.

2015 жылы ауданымыздың денсаулық сақтау саласын қаржыландыруға бюджеттен бөлінген қаржы көлемі 1 973 791,0 мың теңге болды, оның ішінде Республикалық бюджеттен 1 668 855,0 - 84,5 пайыз, жергілікті бюджеттен 304 936,0 – 15,5 пайыз. материалдық-техникалық жабдықтауға 5 078,0 мың теңге қаржы жұмсалды. 4 980,0 мың теңгеге перзентхана бөлімшесіне кардиограф аппараты және 98,0 мың теңгеге пульсоксиметр сатып алынды. Ақылы қызметтен түскен қаржы есебінен перзентхана бөлімшесіне 4 888 мың теңгеге медициналық құрал жабдықтар алынды. Медицина қызметкерлерінің біліктілігін көтеруге 3 456 186 теңге жұмсалды.

Демографиялық көрсеткіштерге тоқталатын болсақ 2015 жылы 1480 бала дүниеге келіп, туу көрсеткіші 19,4 промиллені құрады. (2014ж -19,2) Өткен жылдың есептік мерзіммен салыстырғанда туу көрсеткіші 0,2 промиллеге көтерілді.

Сонымен қатар үстіміздегі жылдың 379 адам қайтыс болып, көрсеткіш-5,0 болды.(2014 ж -315 адам қайтыс болып, көрсеткіш -4,1 болды). Өткен жылмен салыстырғанда жалпы өлім-жітім 64 жағдайға көбейіп, көрсеткіш 0,9 промиллеге көбейген.

Осы көрсеткіштердің нәтижесінде үстіміздегі жылдың табиғи өсім көрсеткіші 14,4 промиллені құрады. (2014ж -15,1).

Жүкті әйелдерде және босанғаннан кейң 42 күн мерзім ішінде ана денсаулығына басты назар аударылып, ана өліміне жол бермеу басты мақсатымыз болып табылады. Көптеген жылдар бойы тіркелмей келген ана өлімінің биыл жыл 3 жағдайы Қарақұм, Жақсықылыш, Қамыстыбас елді мекендерінде тіркелді. Ана өлімінің жағдайлары облыс әкімдігінің деңгейінде координациялық кеңесте, облыстық коллегия мен емдеу алдын алу және аудандық медициналық кеңестерде қаралып, жауапты мамандарға қатаң тәртіптік шаралар көріліп, денсаулық сақтау және әлеуметтік даму министрлігінің аттестациялау орталығына біліктіліктерінің қызметтеріне сәйкестігін анықтауға жолданды.

Сәбилер шетінеу көрсеткішіне келетін болсақ үстіміздегі жылы 16 сәби шетінеп көрсеткіш -10,8 промилле болды. (2014 жыл -13 сәби, көрсеткіш -8,9) облыстық көрсеткіштен (9,7) 1,1 промиллеге жоғары болып отыр. Шетінеу себептерімен талдағанда перинатальдық кезеңде 5 нәресте –(35,7 пайыз), туа біткен ақау-5 (35,7), тыныс алу жүйесі ауруларынан -2, (12,5 пайыз), жұқпалы аурулардан -1 (6,2),жазатайым оқиғадан-2 (14,3 пайыз), басқа жағдайлардан -1 (6,2). Әрбір бала өлім жағдайы талданып жіберілген кемшіліктер бойынша шара қолданылып сәбилер өлім - жітімін барынша азайту мақсатында іс-шаралар жоспары жасалып бекітілді. Балалық шақтағы ауруды ықпалдастыра емдеу (ИВБДВ) бағдарламасын жүзеге асыру және ана мен бала өлім жітімін төмендету мақсатында жұмыстар жүргізілуде.

Әлеуметтік маңызы бар ауруларға жеке- жеке тоқталатын болсақ қатерлі ісік ауруларымен тіркелген аурулар саны -402 (100 мың адамға шаққанда көрсеткіш-528,1) 2014 жылдың 10 айында 382 ауру тіркеліп көрсеткіш 505,9 болды. Оның ішінде қатерлі ісікпен алғаш рет тіркелген аурулар саны -86 (112,9) 2014ж -96 (127,1) . яғни алғаш рет тіркелген ауру саны -10 жағдайға азайып отыр. Үстіміздегі жылы 10 айында қатерлі ісік ауруынан қайтыс болғандар саны - 67 (88,0) өткен жылдың 10 айында қайтыс болғандар саны- 64 (84,7) Қатерлі ісіктен қайтыс болғандар саны өткен жылмен салыстырғанда 3 жағдайға көбейіп отыр.

Қан айналымы жүйесі аурулары мен жалпы тіркелген науқастар саны 2015 жылы 6433 (көрсеткіш 8450,6), ал 2014жылы 6857 (көрсеткіш 9082,2). Оның ішінде алғашқы рет тіркелгендер 2015 жылы 1 402 (көрсеткіш 1838,9), 2014 жылы 2 191 (көрсеткіш 2 902,0). Былтырғы жылдың есептік мерзімімен салыстырғанда аурушаңдық деңгейі 789 жағдайға азайып көрсеткіш 1060,3-ға төмендеді. Қайтыс болғандар саны 2015 жылы 101 (көрсеткіш 132,6) , 2014 жылы 71 адам қайтыс болды (көрсеткіш 94,0). Былтырғы жылмен салыстырғанда 30 адамға көбейіп отыр.

2015 жылы орталық ауруханада 7 730 (2014 жыл 7 577) науқас емделіп шықты. Оның ішінде 1 510 (19,6) жоспарлы түрде (2014 жыл– 1210 – 16,0), 6 220-і (80,4) жедел түрде (2014 жылдың– 6 367 – 84,0) ауруханаға жатқызылды. Оның ішінде балалар саны – 1 805, жасөспірімдер – 78 адам. Өткізген төсек күндер саны 80 484 (2014 жылы 76 027), төсек жұмысы – 236,7% (2014 жылы 208,3), төсек айналымы – 23,0%. (2014 жылы 20,9), (орташа емделу ұзақтығы – 9 күн (2014 жылы 9 күн). Аудан бойынша төсек күн жоспары – 88,4% ға (2014 жылы 77,6 ) орындалды.