Жетекшісі: Зинекешова Арайлым Бекболатовна Әлихан Бөкейхан атындағы BINOM SCHOOL мектеп- лицейінің қазақ тілі мен әдебиеті пәнінің мұғалімі
Орындалған уақыты: 27.09.21 - 28.02.24
Астана қаласы, 2024 жыл
Аннотация Зерттеудің мақсаты мен міндеттері: Мәшһүр Жүсіп Көпейұлы шығармаларының баланың бойында ұлттық және рухани құндылықтарды дамытуда зор ықпал жасап, оң нәтиже беретіндігін дәлелдеу.
Зерттеудің өзектілігі: Ұлт болашағы - бала тәрбиесін қалыптастыруда Мәшһүр Жүсіп Көпейұлы шығармаларының зор септігін тигізе алатындығы.
Зерттеу кезеңдері: Зерттеу жұмысы үш бөлімнен және қорытынды мен ұсыныстардан құралған. Кіріспеде Мәшһүр Жүсіп Көпейұлы шығармаларындағы ұлттық құндылықтар сипатталды. Негізгі бөлімде Мәшһүр Жүсіп Көпейұлы шығармаларын ұлттық және рухани құндылықтарды дәріптеуде қолдану ұсынылды. Зерттеу бөлімінде Мәшһүр Жүсіп Көпейұлы шығармаларының баланы тәрбиелеуде оңнәтиже беретіндігі дәлелденді. Зерттеудің жаңалығы. Мәшһүр Жүсіп Көпейұлы шығармаларының ұлттық және рухани құндылықтарды дәріптеуде оң нәтиже беретіндігі тәжірибе жүзінде дәлелденуі. Батырмасын басқан кезде Мәшһүр Жүсіп Көпейұлының шығармалары айтылатын ерте жастағы балаларға арналған жүріс арбасының, бала тамақтанатын үстелдің дайындалып жасалуы.
