«Ақтөбе облысының жер қатынастары басқармасы» мм 2011-2015 жылдарға арналған стратегиялық жоспары

Облыс әкімдігінің 2010 жылғы

___________№_______________

қаулысымен БЕКІТІЛГЕН

Облыс аумағында жер қатынастары саласындағы мемлекеттік қызмет қөрсету және өкілеттік, мемлекеттік функцияларын іске асыру.

Облыстың жер ресурстарын ұтымды және тиімді пайдалану.

Облыстық жер қатынастары басқармасының уақытында және толық көлемде мемлекеттік қызмет көрсетуі жер учаскелеріне берілген сәйкестендіру құжаттарының санын көбейту арқылы қол жеткізу, жер учаскелеріне өтеулі және өтеусіз (жалдау) жер пайдалану, сату-сатып алу туралы келісім шарттарын жасау, жерге орналастыру жұмыстарын жүргізуге лицензиялар беру және басқа да өз құзыреті шегінде қызметтер болып табылады.

2008-2010 жылдар аралағында облыстық басқарма өз құзыреті шегінде 297 келісім-шарттар жасасты. 2011 жылға 110 келісім-шарттар жасасу жоспарланып отыр.

Жасалған келісім-шарттар санының артуына жер учаскелерін беру туралы облыс әкімдігі қаулыларының жобаларын уақытында дайындау, жерге орналастыру жобаларын уақытында сараптама жасау ықпал етеді.

Жер учаскелеріне сәйкестендіру құжаттарын беру жер учаскесіне құқық беру туралы облыстың жергілікті атқарушы органның шешімі негізінде жүргізіледі. Жер учаскелерін беру туралы өтініштерді қарау және сәйкестендіру құжаттарын беру мерзімі жер заңнамасымен белгіленген. Облыс әкімдігі қаулыларының жобаларын дайындау, келісім-шарттар жасау процесіндегі жер қатынастары басқармасының уақтылы жұмысы жерге берілетін сәйкестендіру құжаттарының санының өсуіне ықпал етеді. 2008-2010 жылдар аралағында облыстық жер қатынастары басқармасы жер учаскелеріне 1496 сәйкестендіру құжаттарын берді. 2011 жылы жер учаскелеріне 450 құжаттар рәсімдеу және беру жоспарлануда.

Облыстық жер қатынастары басқармасының жүзеге асыратын жұмыстарының нәтижесіне ықпал ететін негізгі факторлар жеке және заңды тұлғалардың жер учаскелеріне сәйкестендіру құжаттарын беруге жазған өтініштері болып табылады.

Басқарманың тиімді жұмыс жасауына жеткілікті дәрежеде материалдық-техникалық жабдықтау, басқарма қызметкерлерінің біліктілігін көтеру ықпал етеді.

2 Стратегиялық бағыт : Облыстың жер ресурстары жөніндегі өзекті деректерді қалыптастыру ( Есепке алу мен жер балансы).

Қызмет саласындағы осы бағыт бойынша дамуының негізгі параметрлері:

Облыс аумағында жер учаскелерінің меншік иелеріне, жер пайдаланушыларға жер алқаптарының санаттарына қарап есепке алынған және бөлінген жерлердің санын көбейту жолымен қол жеткізу арқылы жер ресурстарының есебін сапалы және толық қамтамасыз ету болып табылады.

Ауыл шаруашылығы мақсатындағы жерлер 2008 жылмен салыстырғанда 2010 жылы 165,7 мың гектарға, 2009 жылмен салыстырғанда 21,7 мың гектарға өсті. Осы жылдар ішінде осы жерлердегі жер пайдаланушылар мен жер учаскелерінің меншік иелерінің саны тиісінше 4112 және 2764 бірлікке артты.

2010 жылғы 1 қаңтарда көлемі 4480,9 мың гектар немесе 60,6 % ауыл шаруашылығы мақсатындағы жерлерде 4657 шаруа қожалығы, көлемі 23799,4 мың гектар немесе 32,1% жерде 256 ЖШС мен АҚ, 214,5 мың гектар немесе 3,5% жерде ӨК жұмыс істейді. Мемлекеттік заңды тұлғалар жерлері 58,3 мың гектар немесе 0,8% құрайды.

Ауыл шаруашылығы мақсатындағы жерлердегі егістік көлемі 2008-2010 жылдар ішінде 153,7 мың гектарға өсіп, көпжылдық шөптерді бірге есептегенде 984,4 мың гектар құрайды.

Суарылатын және жайылма жерлерді игеру және пайдалану мәселесі әлі де бар. Жалпы көлемі 27,8 мың га суарылатын жерлердің 12,9 мың га пайдаланылады. Су қоймасы мен су беру жүйесін бөлшектеу нәтижесінде, машиналар мен механизмдердің жоқтығынан, қаржының жетіспеушілігінен суарылатын жерлердің елеулі көлемі пайдаланылмайды немесе тиімсіз қолданылады.

Ауыл шаруашылық жерлерді оңтайлы пайдалану мақсатында, 2010 жылда облыстың егістікке жарамды жерлеріне түгендеу жөнінде жұмыстар жүргізілді. 2011 жылда Ақтөбе қаласы жерлерінің шекарасын белгілеу, жайылма және суарылма жерлерді, суландырылған жайылымдарды түгендеу жұмыстарын орындау жоспарлануда.

Облыстың жер ресурстарының өзекті деректерін қалыптастыру нәтіжелеріне ықпал жасайтын негізгі фактор Ақтөбе қаласы және аудандық жер қатынастары бөлімдерінің нәтижелі жұмыстар болып тандалады.Олардың кәсіби дайындығы, материалдық-техникалық жарақтандыру, жұмыс жағдайлары.

Жер қатынастарын реттеуге, жерлердi ұтымды пайдалануды ұйымдастыру мен қорғауға бағытталған жұмыстарды жүргізу

Көлемі 1284330,4 га, оның ішінде Әйтеке би ауданында – 118780,0 га, Ырғыз– 193476,7 га, Темір – 186528,4 га, Ойыл – 121835,5 га, Хромтау – 91068,0 га, Қобда – 159305,8 га, Мәртөк – 114111,0 га, Қарғалы – 80541,0 га, Алға – 34146,0 га аудандарында бүлінген жер аумақтарының шекаралары анықталды.

Жердің бүлінуімен күрес өзекті проблема болып табылады. Облыс тұрғындарының 47% жуығы ауылдық жерлерде тұрады және олардың көпшілігі аграрлық секторға тікелей немесе жанама байланысты кірістерге және жерді пайдалануға тәуелді. Елді-мекендер жерлерін ортақ пайдаланудағы жайылымдық алқаптар өте осал және бүлінуге ұшыраған. Малды шектен тыс жаю, тоздыру және ластану, эрозия, дефляция себебінен жердің бүліну процесі, топырақтың нығыздалуы елді-мекендер жерлерін арттыру жөніндегі қабылданған шараларға қарамастан жалғасуда. Соңғы жылдары ол жерлер 1 млн. гектарға жуық артқан.

Сәулет және қала құрылысы басқармасымен бас жоспарды түзетуден кейін, 2015 жылда облыс орталығының және аудан маңыздағы қалалар жанындағы аумақты анықтау жөнінде жұмыстар жоспарланды.

Қала маңындағы аймақтарда қала маңындағы ауыл шаруашылығы өндірісін қарқынды дамыту, қала құрылысын ерекше реттеу аймақтарын (қаланы дамытуға,инженерлік және көлік инфрақұрылымының қалыпты жұмыс істеуі үшін кажетті ғимараттарды орналыстыру мен салуға арналған резервтегі аумақтарды), қорғау әрі санитарлық-гигиеналық қызмет атқаратын және халықтың демалыс орны болып табылатын ормандар, орман парктері және басқа да жасыл екпелер алып жатқан жасыл аймақтарды белгілей отырып, аумақты аймақтарға бөлу жүзеге асырылады.

Негізгі ішкі және сыртқы факторларді бағалау:

Көрсетілген бағыттың көрсеткіштерін жету мақсатында облыстың жер қоры жағдайына, топырақтың құнарлығына тұрақты мониторинг жасау және жер қатынастарын реттеу бойынша жұмыстар жүргізу қажет.