«Бұрымды қыз» 9-11сынып оқушыларына арналған сайыс кеші

Сайыс кештің мақсаты: Оқушыларды әдемілікке,мәдениеттілікке тәрбиелеу.

Оқушылардың әртістік қабілетін,досшылдығын,

өзгешіліктерін дамыту.

І жүргізуші: Армысыздар ағайын,құрбы-құрдас!

Бармысыздар жан күйер,әр қауымдас!

Бүгінгі кеш әуенін біз бастайық,

Сайыста көңілменен қол соғайық!

ІІжүргізуші: Біздерде ойын-сауық басталады,

Тамаша күй тартылып,ән салады.

Қошеметтеп,қол соғып отыралық,

Ұмытарсыз күн бойғы шаршағанды.

І жүргізуші: Мен қазақ қыздарына қайран қалам,

Жанары жаздай күліп жайрандаған.

«Қыз өссе елдің көркі»деген сөзді,

Қапысыз қалай айтқан қайран бабам- дей отырып

Құрметті ұстаздар және оқушылар! Бүгінгі «Бұрымды қыз» атты байқауға қош келіпсіздер!

ІІ жүргізуші: Шық аруым жарысқа,

Бір-бірінен қалыспа.

Өнерінді байқасын,

Мына отырған халықта- демекші бүгінгі мектеп байқауымыздың аруларын ортаға шақырамыз. (арулар ортаға кезекпен шығады).

І жүргізуші: Сайыс бағдарламасы 6 байқаудан тұрады.

1. 
   Өзін-өзі таныстыру
   
2. 
   Шаш үлгісі
   
3. 
   Викторина
   
4. 
   Өнер сайысы
   
5. 
   Модельер
   
6. 
   Ең ұзын бұрым
   

Өздеріне сыйлықты.

Бізге айтып береді,

Кім өнерші? Кім мықты?- дей отырып әділ қазылар алқасымен таныстырайық.

ІІ жүргізуші: Қазағымның салт-дәстүрін сақтаған,

Осындай бір қыздар үшін мақтанам.

Жарасып тұр шашбау таққан бұрымы,

Көргенде ғой сені өсірген ақ мамаң.

І жүргізуші: Қазақ деген халықпыз,

Жиналыппыз жалпымыз.

Атадан қалған дәстүр ғой,

Таныстыру біздің салтымыз-дей отырып аруларымыз өздерің таныстырп өтсін. (арулар кезекпен өздерің таныстырады)

ІІ жүргізуші: Ақ ниетпен нәр алған,

Сенсіз менің өлеңім.

Әнге бөлеп әлемді,

Шымырлатып денемді,-дей отырып әнге кезек берейік.

І жүргізуші: «Қыз еркем,шашымен көркем»-ендігі сайысымыз қыздардың әсемдеп жасаған шаш үлгілерін тамашалайық.(арулар шаш үлгілерін қорғайды)

ІІ жүргізуші: Таусылмасын,ағытылсын ой көші,

Сайыскерлер қысылмасын сөйлесін.

Ақ тілекті ағытып бір тастайық,

Арулардың шапшандығын сынайық.

Келесі сайыс «Викторина» (арулар конверт алады, ішіндегі номерлері бойынша жүргізуші сұрақ қояды)

№1 сұрақ А/ Құрлықтағы ең ірі жануар ? (піл)

Ә/ Сізді досыңыз дискотекаға шақырады.Ол сізді сағат 5-те алып кетпекші болады. Бірақ ол 1 сағат кешігіп, сағат 6-да келеді. Сіз не істейсіз? Барасыз ба, әлде бармай қаласыз ба?

№2 сұрақ А/ Бет-аузынан сүйеді,

Сүйген жері күйеді (аяз)

Ә/ Сіз мектепте келе жатқан кезде үстіңізге машина балшық шашып өтеді. Сіз не істейсіз?

№3 сұрақ А/ Тас болып туады,

Күл болып өледі (көмір)

Ә/ Сіз күні бұрын өз сүйікті әншілер тобының концертіне билет алып қойдыңыз. Сол баратын күні сіздің төте бір жақын құрбыңыз үйіне қонаққа шақырады. Сіз не істейсіз?

№4 сұрақ А/ Ұшқаны қызық жалылдап,

Өзі сондай қарқылдақ? (Қарға)

Ә/ Сіздің ата-анаңыз шашынды жаңа сән үлгілері бойынша қидырамыз деп сұлулық салонына апарды. Бірақ сіз шашыңызды қидырғыңыз келмейді, не істейсіз?

№5 А/ Кіп-кішкентай не керек,

Күші бірақ керемет? (құмырсқа)

Ә/ Сізді құрбы қызыңыз туған күніне шақырды.Бірақ,сіздің ата-анаңыз ол қызды ұнатпайды,сізге онда баруға тиым салады? Сіз не істейсіз?

№6 А/ Бәрін көреді,

Бірақ бірін-бірі көрмейді? (көз)

Ә/ Сізді киноға бас рөлге түсуге шақырды,бірақ бір шарты, бұрымынызды қысқарту керек? Сіз не істейсіз?

І жүргізуші: Құлақтан кіріп,бойды алар

Жақсы әнмен, тәтті күй.

Көнілге түркі ой салар,

Әнді сүйсең,менше сүй. (кезек әнде)

ІІ жүргізуші: Он саусақтан өнер тамған шебер болу керемет,

Өлең айтып,биді билеп, жасап жатсаң текемет.

Өнерінді көрсетші құрбыларым,кәнекей,

Аруларға сөз берелік жекелеп.

Келесі байқау «Өнерлі өрге жүзер». Бұл сайыста арулар өз өнерлерін көрсетеді.

І жүргізуші: Модельер болу оңай ма?

Қиналып жатсаң мұнайма.

Әр мамандық өзгеше,

Өз мәнінде ,шырайда,-деп келесі «Модельер»сайысына көшейік.

ІІ жүргізуші: Сіздердің алдарыңызда бірнеше заттар тұр: лента,газет,ақ бет, степлер,қыстырғыштар,гүл,белбеу т.б.. Сіздер 7 минуттың ішінде осы заттардан бас киім жасауларыңыз керек. Сонымен қатар оған ат беріп қорғайсыздар.

І жүргізуші: Ақ найзасы болмаса,

Ерді қайдан таңырсын.

Бұрымы ұзын болмаса,

Қызды қайдан танырсын- деп қазақ айтқандай ортаға аруларымызды шақырып,ақырғы сайысымыз «Ең ұзын бұрым » аруын тандайық.

ІІ жүргізуші: Әділқазылар осы сайыстың жеңімпаздарын анықтағанша, көрермендермен ойын ойнайық.

1. 
   Алдымда әр түрінен жібек жіптің,
   

2. 
   Жауын жауса тысқа шығады,
   

3. 
   Бұландаған құйрығы,
   

4. 
   Әрбір танды көк орманда атырған,
   

І жүргізуші: Жеңістер мен жеңілістен тұратын,

Өмір-күрес,жеткізе ме мұратын.

Жеңбедім,жеңілдім деп ренжіміген,

Қатысу да бір жеңіс, жан болсан сен ұғатұғын.

ІІ жүргізуші: Жастық шақтың біз гүлдерін тереміз,

Бір мектепте бірге оқып,келеміз.

Ден сау болса, 1-2 жыл өткен соң,

Ұстазға бір жақсы жеміс береміз.

І жүргізуші: Ортаға әділ-қазылар алқасын шақырайық.

ІІ жүргізуші: Қош демейміз, әлі талай сайыстар бар,

Өнерлерің шындай берсін,қалыспандар.

Көрерменім көбейсін күннен-күнге,

Келе берсін қонақтар ғарыштан да.