Оңтүстік Қазақстан облысының 2013 жылдың қаңтар-қазан айларындағы

• 
  Облыстағы өндірілген өнеркәсіп өнім көлемінің 26,5% үлесін құрайтын тау-кен өндіру саласында өндірілген өнім көлемі – 5,4% артып, 118,8 млрд. теңгені құрады.
  
• 
  Өңдеу өнеркәсібі (үлесі - 65,1%) өнімінің нақты көлем индексі – 102,0%, өнім көлемі 291,6 млрд. теңгені құрады.
  
• 
  Электрмен жабдықтау, газ, бу беру және ауаны баптауда – 31,3 млрд. теңгені, бұл өткен жылдың сәйкес кезеңіне 110,6% құрады.
  
• 
  Сумен жабдықтау, кәріз жүйесі, қалдықтардың жиналуын және таратылуын бақылауда 6,2 млрд. теңгенің өнімі өндірілді, немесе өткен жылдың сәйкес кезеңіне 110,5% құрады.
  

Сонымен қатар, мақта талшығы – 5,1% (60,6 мың тонна), бензин өндіру – 0,6% (863 мың тонна), құрылыс кірпіштері – 32,8% (92,6 мың м³), бетон – 19,0% (635 мың тонна) кеміді.

Облыстың ауылшаруашылық тауар өндірушілері 145,6 мың тонна - мал және құс етін (тірі салмақта), немесе 2012 жылдың тиісті кезеңіне – 104,2%, сүт – 580,2 мың тонна, немесе 101,6%, жұмыртқа – 232 млн. дана, немесе 98,3% өндірді.

2013 жылдың 1 қарашасында облыстағы шаруашылықтардың барлық санаттарындағы ірі қара мал саны – 873,6 мың басты, немесе өткен жылдың сәйкес кезеңіне – 96,8%, қой – 3529 мың бас, немесе 95,2%, ешкі – 353,9 мың бас, немесе 89,9%, жылқы – 198 мың бас, немесе 99,6%, түйе – 20,8 мың бас, немесе 99,1%, шошқа – 33,7 мың бас, немесе 67,2%, құс саны – 2315,2 мың бас, немесе 96,1% құрады.

Көлік және байланыс. 2013 жылдың қаңтар-қазанында жедел деректер бойынша, темір жол көлігінен басқа, облыста барлық көлік түрлерімен 107,9 млн. тонна жүк және 1842,4 млн. жолаушы тасымалданған, немесе өткен жылдың тиісті кезеңіне – тиісінше, 109,6% және 103,6% құрады.

Әуе көлігімен жүк тасымалдау – 63,1%-ға, жолаушылар тасымалдау – 3,4%-ға артып, 822 тонна жүк және 966,4 мың жолаушы тасымалданды.

2013 жылдың қаңтар-қазанында байланыс кәсіпорындары 7,8 млрд.теңгеге қызмет көрсеткен, бұл 2012 жылдың қаңтар-қазанымен салыстырғанда 0,7% артық. Халыққа көрсетілген қызметтің үлесі 70,5% құрады.

Табыс көлемінде басым үлес – жергілікті телефон байланысына (41,2%), халықаралық және қалааралық телефон байланысына (13,1%), интернет – 33,4% тиесілі.

Шағын кәсіпкерлік субъектілерінің шығарған өнімі (тауарлары, көрсеткен қызметі) 451,1 млрд. теңгені (101,6%), жұмыспен қамтылғандар саны 270,4 мың адамды құрады (104,7%).

Негізгі инвестициялық салымдарды ірі кәсіпорындар жүзеге асырған, олардың көлемі 142,4 млрд. теңгені (48,7%), немесе – 198,5% құрады.

Республикалық бюджет қаржыларының үлесі 15,1%, немесе 44228 млн. теңге, жергілікті бюджет қаржыларының үлесі 14,4%, немесе 42202 млн. теңге, меншікті қаражаттар үлесі 25,1%, немесе 73206,2 млн. теңге, шетелдік қаражаттар – 6,0%, немесе 17424,9 млн.теңге қарыз қаражаты – 39,4%, немесе 115157,2 млн.теңге, құрады.

Инвестиция салымдарының басым салалары өнеркәсіп, көлік және қоймалау болып табылады, инвестициялардың жалпы көлеміндегі олардың үлесі, тиісінше 30,7% және 45,0% құрады.

Пайдалануға берілген тұрғын үйдің жалпы алаңы 275 мың шаршы метрді құрады. 2013 жылдың қаңтар-қазанында пайдалануға берілген тұрғын үйдің нақты көлем индексі өткен жылдың сәйкес кезеңіне 100,5% құрады.

Экспорттың тауарлық құрылымында (Кедендік Одақтың елдерінсіз) негізгі үлесті минералды өнімдер (74,7%), импортта - машиналар, жабдықтар, көлік құралдары, приборлар мен аппараттар (32,2%), азық-түлік тауарлары (31,0%) орын алады.

Республикалық бюджет 107,8 млрд.теңгені (түсімдердің жалпы көлемінің – 64,9%), немесе, жоспарға – 102,7%, өткен жылдың тиісті кезеңіне – 114,2% құрады.

Жергілікті бюджетке 58,1 млрд. теңге түсіп, жоспарға – 108,7% және өткен жылдың тиісті кезеңінен – 13,5% артты.

Ақша-несие саясаты. 2013 жылдың 1 қазандағы жағдайы бойынша екінші деңгейлі банктермен 184,5 млрд. теңге көлемінде несиелер берілді, бұл 2012 жылдың сәйкес кезеңімен салыстырғанда 36,1% артқан, оның ішінде ипотекалық несиелендіруге 5763 млн. теңге несие берілді, немесе 28,1% артты.

Шағын және орта кәсiпкерлiктi дамытуға берілген несиелердің көлемі 31,3 млрд.теңгені құрап, 1,4 есеге артты.

Екінші деңгейдегі банктер несиесі негізінен – жеке тұлғаларға тұтыну мақсатында және басқада жеке қызмет түрлеріне – 58%, өнеркәсіп – 16,1%, сауда – 16,3%, ауыл шаруашылығы – 1,2%, құрылыс – 5,9%, көлік салаларын дамытуға – 2,4% берілген.

Облыс банктеріндегі халық салымының көлемі 106,6 млрд. теңгені, немесе 2012 жылдың сәйкес кезеңіне 27,8% артқан. Халық салымдарының басым бөлігі (73,3%) ұлттық валютада.

Нарықта тамақ өнімдерінде баға өсімі жұмыртқаға – 12,5%, ет консервілеріне – 3,6%, сүзбеге – 2,2%, консервіленген немесе қайта өңделген көкөністерге – 2,1%, шарапқа – 1,7%, макарон өнімдеріне – 1,6%, консервіленген немесе қайта өңделген балыққа – 0,8% байқалды.

Азық-түлік емес тауарлардан жуу және тазалау құралдары-ның бағасы – 1,7%, жеке күтімге арналған жабдықтар – 0,7%, фармацевтикалық өнімдер, киім және аяқ киімдер – 0,4% ға көтерілді. Жеке көлік үшін жанар-жағар май құралдары 3,7%, оның ішінде АИ-92 бензині – 7,2%, АИ-96 – 4,1%, дизельдік отын – 3,4%, АИ-80 бензині - 1% қымбаттады.

Ақылы қызмет көрсету саласында салттық қызметтің бағасы – 14,8%, монша және сауна – 6,7%, аяқ киім жөндеу – 5%, санатории – 4,6%, теміржол көлігі – 2,6%, емхана қызметі – 0,7% көтерілді.

• 
  7307 азаматқа атаулы әлеуметтік көмек көрсетілді, бұл өткен жылдың тиісті кезеңімен салыстырғанда 9913 адамға кем.
  
• 
  18 жасқа дейінгі 245,5 мың балаға жәрдемақы төленді, немесе 25,2 мың балаға артты.
  
• 
  Тұрғын үй көмегі 7645 отбасыға көрсетілді, немесе 794 отбасыға кеміді.
  

Ағымдағы жылдың 1 қарашасына жұмысқа орналастыруға өтініш білдірген 59917 жұмыссыздың – 48804-і, немесе 81,5% жұмысқа орналастырылды. Ақылы қоғамдық жұмыстарға 8930 ресми тіркелген жұмыссыз тартылды.

Сонымен қатар, 22328 жаңа жұмыс орны, оның ішінде 20057 тұрақты жұмыс орны ашылды.

Халықтың табысы. 2013 жылдың қыркүйекте облыс халқының орта есеппен жан басына шаққандағы атаулы ақшалай табысы 35001 теңгені құрап, 2012 жылдың қыркүйегімен салыстырғанда 5,1%-ға артты. Нақты ақшалай табысының индексі 99,7% құрады.

Денсаулық сақтау. 69 нысанның құрылысы мен қайта құру жұмыстарына бюджеттен 10830,8 млн.теңге қарастырылды.

Бюджет қаржысы есебінен 38 нысанның күрделі жөндеу жұмыстарына 3930,9 млн. теңге, 14 нысанның ЖСҚ әзірлеу үшін – 25,5 млн. теңге қаралған.

Денсаулық сақтау мекемелерінің материалдық-техникалық базасын жақсарту мақсатында, республикалық бюджеттен – 1007,7 млн. теңге, облыстық бюджеттен – 4595,9 млн. теңге, оның ішінде 73,3 млн. теңгесі 3 медициналық колледжге қарастырылған.

Сала желісі 919 мемлекеттік мекемелерден құралады, оның ішінде: 106 – аурухана, 266 – амбулаторлы-емханалық мекеме, 244 – медициналық пункт, 286 – фельдшерлік-амбулаториялық пункт, 17– басқалар.

Балалардың мектепке дейінгі біліммен қамту деңгейі (1 жастан 6 жасқа дейін) – 35,1%, «Балапан» бағдарламасы (3 жастан 6 жасқа дейін) бойынша – 61,5% құрады.

2012-2013 оқу жылында жалпы білім беру мектептері мен мектеп-интернаттарының саны – 1040 (о.і. 14 коррекциялық мектеп), ондағы оқушылар саны – 538,2 мың адамды, оның ішінде жекеменшік мектептер саны – 7, ондағы оқушылар саны – 1,7 мыңды құрады.

Облыста жалпы орта білім беретін 1019 мектеп толығымен байланыс және Интернет жүйелеріне қосылған, оның ішінде 829 – ауыл мектептері. Мектептер 44,7 мың бірлік компьютерлік техникамен жабдықталған, немесе бір компьютерге 12 оқушыдан келеді (2012 жылдың сәйкес кезеңіне орта есеппен 17 оқушы).

Спутниктік оқу телеарналары арқылы қашықтықтан оқыту жүйесіне 356 мектеп қосылған. Облыс мектептері 671 мультимедиялық-лингафондық кабинеттермен жабдықталған және 380 мектепке 1434 интерактивті тақталар орнатылған.

Орта білімді мамандар даярлаумен 94 колледж (оның ішінде 44 – мемлекеттік) жұмыс істейді, жалпы контингенті 75,6 мың оқушыны (мемлекеттік – 41,6 мың оқушы) құрады.