Балаларның авыру буенча калдырган көннәре

Бакчабызның мөһим бурычы - “Экологик тәрбия аша табигатьне ярату, туган төбәккә ихтирам, горурлык хисләре, сакчыллык тәрбияләү”.

Экологик тәрбия бирү эшендә бик күп күләмдә эш алып барылды. Һәр төркемдә, яшь үзенчәлегенә туры китереп, табигать почмаклары ясалды. Күп күрсәтмә җиһазлар, дидактик уеннар булдырылды. Балаларны табигатьнең гүзәллеге, аның байлыгы белән таныштыру, үсемлек, хайваннарны танып белергә өйрәтү, аларга карата сакчыл караш тәрбияләү максатыннан, тәрбиячеләребез эшләрен планлы рәвештә алып бардылар. Белгәнебезчә, балаларның сәламәтлеге, яшәеше турыдан-туры әйләнә-тирә мөхиткә бәйле. Балаларның яшь үзенчәлекләрен искә алып, экологик тәрбия бирү буенча еллык эш планы төзелде.

Бала иң беренче чиратта үзе яшәгән төбәкнең экологик хәлен белергә тиеш, шуның өчен дә зурлар төркемендә һәр ел фасылында табигатькә экскурсияләр оештырылды. Балалар табигатьнең төрле халәтен, бөҗәкләрне, чәчәкләрне, күк йөзен күзәттеләр, яфраклар, дару үләннәрен җыйдылар, бүлмәдә орлыклар чәчеп, ботакларны, суганны суга утыртып, тәҗрибәләр үткәрделәр, гөлләрне тәрбияләүдә булыштылар, бакча мәйданчыгын чүпләрдән арындырдылар, хайваннар белән таныштылар. Күзәтү, хезмәт аша балалар табигатьнең чисталыгын сакларга, матурлыгын күрә, күзәтә белергә өйрәнделәр.

Һәр ел фасылын зур оешканлык белән каршы алдык. Язын тирә-якны чистартып, апрельдә чәчәк рассадалары утыртып каршыладык. Бакчадагы язгы эшләр белем-тәрбия бирү эшләре белән аралашып алып барылды: язгы су юлларын ачу, түбәдәге, стена буендагы карны чистарту, бакча мәйданын җыештыру уздырылды, орлыкка дигән бәрәңге чыгарылды, бакча сөрелеп, утыртылды, яшелчә бакчасы җире казып, түтәлләр ясалды, аларга орлыклар чәчелде, чәчәклекләргә үсентеләр күчереп утыртылды, су сибелде, чүпләре уталды, кәтмәнләнде, үләннәр чабылып торды. Бакчабыз җәй көне дә өзлексез эшләде. Балалар тәрбияләү белән бергә хуҗалыктагы җәйге эшләр дә эшләнде: бәрәңгене кәтмәнләү, агулау, төбен күмү, яшелчәләрне, чәчәкләрне тәрбияләп үстерү, сирәкләү, су сибү, өлгергән җимешләрне җыю, алардан балаларга бирү өчен компот кайнату һәм кайнатма ясау – болар барысы да бакча хезмәткәрләре тарафыннан эшләнде. Көзне каршылап участоктан чәчәк орлыклары, яфраклар җыйдык, мәйданны коелган яфраклардан арындырдык. Сентябрьда тукландыру өчен үзебезнең эшчеләр көче белән үстерелгән яшелчә уңышын җыеп алдык һәм сакланышка куйдык, ишегаллары, бакчалар җыештырылды. Кышын кар көрәү, кардан тау ясау, түбәләрне боздан, кардан арындыру кебек эшләр эшләнде, кошларга җим салыр өчен җимлекләр элдек, аларга җим салуны оештырдык, агач төпләренә салкыннан саклар өчен кар өйдек.

Балаларның экологик белемнәрен киңәйтү, тирәнәйтү максатыннан тәрбиячеләр табигать материаллары туплап, төрле сувенирлар, паннолар ясадылар. Бүлмәләрдә бик күп төрле гөлләр үстердек. Тәрбиячеләр балалар белән берлектә гөлләрне карап, тәрбияләп, гөлләрне танырга, исемнәрен әйтә белергә өйрәттеләр. Бакчада зурлар төркеме өчен тәҗрибә участогы бар. Яз көне балалар тәрбиячеләр белән берлектә кишер, суган, чөгендер утыртып, аны карап үстерделәр.

Бакчабызның төп бурычының берсе: “Балаларның аваз кимчелекләрен төзәтү”. Башлангыч класска киткәндә бала сөйләмендә кимчелекләр булмаска тиеш. Бу - балалар бакчасының изге бурычы, чөнки без - тәрбиячеләр, мәктәпкә авазда кимчелекләрне төзәтеп җибәрергә тиешбез. Тәрбиячеләребез һәр баланың нинди аваз кимчелеге барлыгы турында хәбәрдар. Шуңа күрә ел буена авазларны, сүзләрне дөрес әйтү культурасын тәрбияләү, үз фикерләрен, кичерешләрен аңлатканда җөмләләрне тел нормаларына туры китереп, ачык, дөрес әйтү, дөрес дикция белән сөйләшергә өйрәтү өчен балаларга төрле күнегүләр өйрәттеләр, ата-аналарга киңәшләр бирделәр, аларны ачык дәресләргә чакырдылар.

Бу эшләр белән бергә милли һәм бакча традициясенә әйләнгән бәйрәмнәргә дә зур игътибар бирелде, чөнки милли үзаң, милләткә, туган төбәккә мәхәббәт хисләренә дә нигез мәктәпкәчә белем бирү учреждениеларында салына. Октябрьда “Сөмбелә” бәйрәме, ноябрь аенда өлкәннәребезгә багышланган “Әбекәем - алтынкаем”, ноябрьда “Әнием – күз нурым” дигән бәйрәмнәр уздырдык, анда балаларның әбиләрен, әниләрен чакырдык, чәй табыны янында кунак иттек. Декабрь аенда Яңа ел бәйрәменә әзерлек барды һәм бәйрәмне һәр елдагыча бик күңелле итеп үткәрдек. Мартта ныклы әзерлек белән Гаилә бәйрәме, Нәүрүз уздырылды. Апрельдә “Тукай абый туган көн” иртәсе үтте, Бөек Җиңүнең 70 еллыгын бәйрәм итәргә әзерләндек. 8 май көнне авылның Хәтер обелискы янына бәйрәмгә бардык һәм ветеран бабайлар, әбиләр, авылдашлар каршында музыкаль иртә күрсәттек. Май ахырында “Сау бул, бакча” бәйрәме уздырылды, анда мәктәпкә укырга барырга тиешле балаларны озату үткәрелде. Балаларны яклау көне уңаеннан 31 майда “Кече Сабантуй” үткәрдек.

Бакчабызда план нигезендә ата-аналар җыелышлары уздырылды, аларда тәрбияви мәсьәләләр, көнүзәк проблемалар хәл ителде, планнар каралды. Әти-әниләр хуҗалык эшләрендә һәрдаим ярдәм итәләр: бакчага уенчыклар, тәлинкәләр бүләк иттеләр, электр челтәрендәге җитешсезлекләрне төзәттеләр, утыртырга бәрәңге орлыгы китерделәр.

План буенча педагогик киңәшмәләр узды, анда педагоглар тәрбия-укыту мәсьәләләрен карадылар, яңалыклар белән таныштылар.

Узган уку елында район мәгариф бүлеге үткәргән “Билингваль бакча”, “Үстерешле тирәлек” конкурсларда бакчабыз тәрбиячеләре теләп катнаштылар. Инвалид балаларга ярдәмгә багышланган хәйрия акциясендә катнаштык. Мөслим мәгариф бүлеге базасында үткән белем күтәрү курсларында бакчаның барлык педагогы да үз белемен күтәрделәр.

Яңа 2015-2016 нчы уку елына әзерлек эшләре үз югарылыгында алып барылды. Бакчада косметик ремонт үтте: уен мәйданчыгындагы өйләр, көймәләр, машиналар, спорт инвентарьлары, гөмбә, чәчәк клумбалары балоннары, төркем бүлмәләре, кухня стеналары, идән, янгын щитлары буялды, котельный, кухня, зурлар һәм кечкенәләр прихожиеның стеналары, бәдрәф, төтен чыккыч агартылды, язулар яңартылды, бүлмәләр җыештырылды, идән җәймәләре, челтәрләр, тәрәзәләр юылды, склад җыештырылды, карлыган суган, кишер, азык чөгендере җыелып, эшкәртелде. Зурлар ягына канализация ясалды, кечкенәләр ягына раковиналар куелды. Мини-музей оештырдык.

Узган уку елында балаларга тәрбия-белем бирү эше дә тиешле дәрәҗәдә уздырылды, еллык план буенча эшләнәсе эшләр тулысынча үтәлде. Педсоветта бертавыштан 2014-2015 нче уку елындагы тәрбия-белем бирү эше канәгатьләнерлек дип бәяләнде.


2014-2015 нче уку елына

балалар бакчасының методик темасы:

“Халык педагогикасы нигезләренә таянып һәм хәзерге заман технологияләрен кулланып заман таләпләренә җавап бирердәй һәрьяклап үсеш алган,

белемле, сәламәт, көндәшлеккә сәләтле балалар тәрбияләү”
Максат:

Гаиләгә сәламәт, һәръяклап үскән, заман таләпләренә яраклашып эш итә белгән балалар тәрбияләүгә булышу.
Балалар бакчасының төп бурычлары:

1. Белем-тәрбия процессында федераль дәүләт белем бирү стандартларына җавап бирердәй ысуллар, программалар кулланып эшләү.

2. Балаларның сәламәтлеген саклау, ныгыту, аларның физик һәм психик үсешен тәэмин итү, сәламәт яшәү рәвеше һәм иминлек нигезләренә төшендерү.

3. Бакча, гаилә һәм мәктәп арасындагы бәйләнешне үстерү һәм балалар тәрбияләүдә куллану.

4. Экологик тәрбия аша табигатьне ярату, туган төбәккә ихтирам, горурлык хисләре, сакчыллык тәрбияләү.

5. Балаларның аваз кимчелекләрен төзәтү.

6. Халык традицияләренә, милли гореф-гадәтләргә нигезләнеп балаларда әхлакый сыйфатлар тәрбияләү.

7. Балаларның сәләтләрен ачуга булышу.

• 
  Основная общеобразовательная программа дошкольного образования
  

• 
  Основная образовательная программа МБДОУ “Лейсан”
  
• 
  Региональная программа дошкольного образования, Шаехова Р.К.
  
• 
  Ана телен өйрәнү буенча 2-7 яшьлек балаларга “Туган телдә сөйләшәбез” укыту-методик комплекты, авторы Хәзрәтова Ф.З.
  
• 
  учебно-методический комплект «Изучаем русский язык» (материалы для изучения русского языка татароязычными детьми), авторы - С.М. Гаффарова, Г.З. Гарафиева
  
• 
  мәктәпкә әзерлек төркемнәре өчен укыту-методик комплекты «Мәктәпкәчә яшьтәгеләр әлифбасы» - “Авазларны уйнатып”, авторы - Шаехова Р. К.
  

Кадрлар белән эш

1. 
   Белем көнендә 1 нче сыйныфка баручыларны котлау, бүләкләү.
   
2. 
   “Без күңелле яшибез”- спорт бәйрәме
   
3. 
   “Озак яшәү серләре” - өлкәннәр белән очрашу.
   

1. 
   “Дәү әти – дәү әнием, минем кадерлеләрем” - өлкәннәр көнен билгеләп үтү.
   
2. 
   Мөгаллимнәр көнен билгеләп үтү.
   
3. 
   Алтын көз “ Сөмбелә”
   
4. 
   Кечкенәләр төркемендә әкиятләр кичәсе уздыру (зурлар төркеме)
   

1. 
   Әниләр көнен билгеләп үтү.
   
2. 
   Туган көн кичәсе
   
3. 
   Күңелле стартлар
   

1. 
   Башлангыч сыйныф укучыларын театр белән кунакка чакыру
   
2. 
   “Без кышны яратабыз” – саф һавада чаналар белән уеннар
   
3. 
   Яңа ел кичәсе
   

1. 
   Зурлар төркемендә әкиятләр сәхнәләштерү.
   
2. 
   Туган көн кичәсе
   
3. 
   Кече олимпиада уеннары. Кышкы спорт.
   

1. 
   Армияда хезмәт итеп кайткан солдатлар белән очрашу.
   
2. 
   Күп балалы гаилә - Шәрифуллиннар белән очрашу.
   
3. 
   Муса Җәләл көне.
   
4. 
   “Әтием белән көчле мин” - Әтиләр бәйрәме
   
5. 
   Авылым мәчете – нинди ул?
   

1. 
   Әниләр бәйрәме
   
2. 
   “Әбекәй, алтыным, син минем якыным” - әбиләргә багышланган иртә.
   
3. 
   “Ягез әле, кызлар!”
   
4. 
   Нәүрүз бәйрәме
   

1. 
   Кошлар көне.
   
2. 
   Космонавтлар көне.
   
3. 
   Тукай безнең күңелләрдә: шигырь бәйрәме.
   
4. 
   Туган көн кичәсе
   

1. 
   “Бөек Җиңү” – иртә, концерт.
   
2. 
   “Без сәламәт яшибез” – саф һавада хәрәкәтле уеннар
   
3. 
   “Сау бул, бакча!”
   
4. 
   Балаларны яклау көненә багышланган Кече Сабантуй.
   
5.