Республикалық нотариаттық ПАЛАТА нотариаттық ҚҰжаттардың Үлгілері
жүктеу/скачать 2.28 Mb.
|
- Бұл бет үшін навигация:
- Қазақстан Республикасы Алматы қаласы
|
РЕСПУБЛИКАЛЫҚ НОТАРИАТТЫҚ ПАЛАТА НОТАРИАТТЫҚ ҚҰЖАТТАРДЫҢ ҮЛГІЛЕРІ Қазақстан Республикасы Әділет министрлігінің Тіркеу қызметі және құқықтық көмек көрсету комитеті мақұлдады (комитеттің 2009 ж. 20 қаңтарынан № 11-5-18/75 нөмірлі хаты) Қазақстан Республикасы Мәдениет және ақпарат министрлігінің Тіл комитеті мақұлдады (комитеттің 2009 ж. 19 қаңтарынан № 11-02-09/63 нөмірлі хаты) АСТАНА, 2009 ББК 67.140 Н78 Сын пікір беруші: Заң ғылымдарының докторы, профессор Т.Е. Қаудыров Жауапты редакторлар: Заң ғылымдарының докторы Ж.Х. Қосанов; А.Х. Аленова Н78 Нотариаттық құжаттардың үлгілері: оқу-тәжірибелік құралы/ Республикалық нотариаттық палата. − Астана, 2009. – 282 бет. ISBN 9965-9912-2-7 Ұсынылып отырған оқу-тәжірибелік құралы қолданыстағы заңдарды қолдану тәртібіне бағытталған. Қазақстан Республикасында нотариаттық органдар жұмысында жиі жасақталатын құжаттар: сенімхаттар, келісім шарттар, арыздар, куәліктер, өсиеттер және т.б. бүгінгі күні бірыңғай түрде (қазақ тілінде ортақ стандартпен) дайындауды қажет ететіндіктен, осы аталған және тағы басқа құжаттардың үлгілері ұсынылған оқу-тәжірибелік құралының мазмұнына енгізілді. Оқу-тәжірибелік құралы нотариаттық қызметін атқаратын маман-дар, жоғары оқу орындарының студенттері, магистранттары, докто-ранттары және оқытушылары үшін арналады.
© Республикалық нотариаттық палата, 2009 
МАЗМҰНЫ СОДЕРЖАНИЕ
АЛҒЫ СӨЗ Ұсынылып отырған «Нотариаттық құжаттардың үлгілері» атты оқу-тәжірибелік құралы республикадағы нотариаттық әрекеттер туралы оқу құралын шығаруға алғашқы ұмтылыстардың бірі. Бұдан екі жыл бұрын республикамызда «Нотариаттық іс-әрекеттер және оларды іске асыру ережелері» атты оқу құралы жарық көрген болатын. Ол оқу құралының дайындалуына бірнеше маман ат салысып, олардың ішінде з.ғ.д., проф. Жұмаш Қосанов, з.ғ.к. Айнұр Мадиярованы айтып өту қажет. Өткен екі жылдың ішінде нотариаттық әрекеттерді сапалы жасау үшін қосымша оқу-тәжірибелік құралының қажеттілігі белгіленді. 1997 жылы «Нотариат туралы» Қазақстан Республикасының Заңы қабылданған соң еркiн, бюджеттен тыс нотариат органдары құрылып, елiмiзде нотариат ұйымдарын реформалау жүзеге асырыла бастады. Соңғы он жылдан астам уақыт iшiнде қазақстандық нотариат саласында маңызды өзгерістер болды. Қоғамдық құбылыстардың алдын алу мақсатында нотариаттық қауым республикада көптеген әрекеттер жасап, кәсіби салада халықаралық байланыстар жұмыстарын ұйымдастырды. Осы позитивтік өзгерістерге мамандар жақсы баға бергендіктен отандық нотариаттың беделі арта түсті. Дегенмен, негізгі мақсат – Қазақстанда мемлекеттік тілді дамыту, оны құқықтық салада заң ережелерін қолдану жұмысында тиесілі деңгейде пайдалануды қамтамасыз ету. Осыған орай, ұсынылып отырған оқу-тәжірибелік құрал айтылған жұмыстардың нәтижесінің бір көрінісі деуге болады. Көп жылдар бойы заң шығару үдерiсi аясында нотариаттық iс-әрекеттi құқықтық реттеу мәселелерi шешiмiн таппай келгені қоғамға белгілі жағдай. Осы себептен бүгінгі күні нотариустар өздерiнiң құқық қолдану қызметiнде қиындықтар кешуде. Айтылған қиындықтардың өздігінен шешілмейтінін біле тұра, мамандар өз күшімен кезекті мәселелерді шешу мақсатында қажетті оқу құралдарын дайындап шығару жұмыстарын атқарып келеді. Осы себебтен ұсынылып отырған оқу-тәжірибелік құралын дайындауға өз үлестерін қосқан мамандарды атап өту қажет. Олардың қатарында нотариустар Бердіғалиева Айнагүл, Битенов Қанат, Букенаева Ардақ, Ғалиева Ләззат, Жарылғапова Айман, Қалмағамбетов Айвар, Кусбекова Ботагөз, Халелова Захидам, Хасанов Қуаныш және РНП қызметкерлері Омарова Жанар, Кунисова Мәдина, Қыстаубаева Мәрзия. Оқу құралында тәжiрибеде жиi кездесетiн құжаттардың үлгілері берілген. Бұның алдында шыққан оқу құралындағыдай осы кітапты жазудағы тағы бiр қойылған мiндет – заңгер емес адамдар бiле бермейтiн сұрақтарды жарыққа шығару. Осыған орай оқу құралын құрастырушылар бұл оқулықтың кең ауқымды оқырмандар қауымына пайдасы тиер деп үмiттенедi. Ұсынылып отырған оқу құралының мемлекеттік тілде жарияланған нотариат туралы алғашқы арнайы заңи басылымдардың бірі екендiгiн ескерiп, авторлар нотариат өндiрiсiндегi әрiптестер, құрметтi ғалымдар және нотариаттық iс-әрекет мәселелерiне қызығушылық танытушы азаматтар тарапынан үндеулер мен ескертпелер берiлер деген үмiт артады. Қожамжаров Темірболат Жанайдарұлы, Қазақстан Республикасының Әділет министрлігі Тіркеу қызметі комитеті төрағасының орынбасары СЕНІМХАТ Қазақстан Республикасы Алматы қаласыЕкі мың екінші жылдың бесінші шілдесіМен, Петрова Мария Ивановна, 1960 жылдың 14 шілдесінде Алматы қаласында туылған, Алматы қаласы, Жеңіс даңғылы, 52 үйдегі 13 пәтерде тұратын, осы сенімхатпен Әлиева Жанна Маратқызына, 1956 жылдың 18 қазанында Алматы қаласында туылған, Алматы қаласы, Абай даңғылы, 3 үйдегі 8 пәтерде тұратын, маған Ресей Федерациясының азаматының азаматтығын рәсімдеу (жалпы азаматтық шетелдік төлқұжат) мақсатында және осы тапсырманы орындауға қатысты барлық қажетті әрекеттерді атқару үшін: менің атымнан қол қою, қажетті құжаттарды, анықтамаларды жинау, РФ-ның ҚР-дағы Елшілігінің Консулдық бөліміне менің атымнан өтініш беру және менің мүдделерімді білдіру үшін, сонымен қатар менің атыма Ресей Федерациясы азаматтың шетелдік төлқұжатын алу үшін өз құжаттарымды сеніп тапсырамын. Сенiмхаттың мәтiнiн мен толық оқыдым және менiң нақты еркiме сәйкес келедi. Қазақстан Республикасы Азаматтық кодексiнiң (жалпы бөлiм) 170-бабының мазмұны, жасалатын нотариалдық iс-әрекеттiң мәнi, мағынасы және құқықтық салдарлары маған нотариуспен түсiндiрiлдi.
Нотариусқа ____________ теңге төленді Нотариус _________________________
жүктеу/скачать 2.28 Mb. Достарыңызбен бөлісу:
|