- тарау. Жарылыстан ескерту 1 - параграф. Ғимараттардың құрылымы және жабдықты орналастыру

3 - тарау. Жарылыстан ескерту

1 - параграф. Ғимараттардың құрылымы және жабдықты орналастыру

10. Отынды беру, шаңды әзірлеу және қазандық ғимараттары мен бөлмелерінің өлшемі осы Талаптарға 3 - қосымшаға сәйкес анықталады.

11. Отынды беру, шаңды әзірлеу және қазандық бөлмесінің ішіндегі қабырғалар тегіс жасалады және отын шаңының түсіне сәйкес түрдегі суға төзімді бояулармен боялады. Қабырғалары кафель (әйнек) тақтайшалармен жабылуы мүмкін.

12. Қабырғалы және терезелік шығыстар деңгейжиекке 60 кем емес бұрышта еңіспен орындалады және суға төзімді бояумен боялады немесе кафель тақтайшалармен жабылады.

Отын беру, шаңды әзірлеу және қазандық цехтарының бөлмелері үшін терезе жақтаулары металлдан жасалады және қабырғаның ішкі жағымен бір беткейде орналасады.

13. Егер қазандықта ЖҚҚ жабдықталған шаңды әзірлеу жүйесі орналасқан болса, қазандық бөлмесінде шаңның жарылуы кезінде пайда болған қысымды түсіру үшін тым болмаса ғимараттың бір сыртқы қабырғасында әйнектеу жүргізіледі. Әйнектеу алаңы қазандыққа жабысып жатқан газдан тазарту бөлмесінің қабырғасын ескере отырып, қазандықтың сыртқы алаңының 20 % кем болмауы керек.

Әйнектің бір парағының алаңы мен қалыңдығы 2.09.02 ҚНжЕ бойынша анықталады.

14. Бункер үсті галереяда оның 1 м³ көлеміне 0,03 м² кем емес есепте сыртқы қабырға әйнектеуге жатады. Қазандық немесе машина залымен жабысқан, бункер үсті галереяның қабырғасына терезе салуға жол берілмейді.

15. Барлық отындар үшін бір конвейерлі және бункер үсті галереяда бойлай суландырылатын соратын су жүйесін орнату қарастырылған. Екі конвейерлі галереяда су завестерімен бірге бойлай соратын суландырғыш орналасады.

16. Жылу беру, шаңды әзірлеу және қазандық бөлмелері 2.04.05 ҚНжЕ, СН 245 талаптарына сәйкес, табиғи немесе мүдделі желдеткішпен және жарықтандырумен, сондай-ақ сенімді әрекет ететін шаңды алатын және шаңды басатын құрылғылармен (көбікті генераторлармен, су, бу форсункаларымен немесе өзге тиімді құралдармен) жабдықталады.

17. Шаңды алатын және аспирациялық жүйенің шаң өткізгіштері оларда шаңның қалу мүмкіндігін болдырмайтындай етіп орындалады. Шаң жинағыштарды қарау және тазалау үшін люктер қарастырылған.

18. Қайта төгу желілерінде шаңдануды азайту ғимараттар мен жабдықтарды жинастыру кезінде отынның неғұрлым төмен биіктігімен қамтамасыз етіледі.

19. Электр станцияларында отын бергіш, шаңды әзірлеу және қазандық ғимараттарының едені мен қабырғалары тұрып қалған шаңды гидро жинау қажеттілігі ескеріле отырып орындалады.

20. Отын беру бөлмелерінде тазалау үшін оңай жерлерде орналасқан, беті тегіс жылыту құралдары орнатылады. Осы ғимараттарды жылыту үшін электр жылытқыштарын пайдалануға жол берілмейді.

21. Жылу бергіштердің конвейерлері қиын жанатын материалдан жасалған таспамен толықтырылады.

22. Отын беру бөлмелерінде жылытудың, технологиялық будың және электр желілерінің өтпелі құбыр желілерін төсеуге жол берілмейді.

Өтпелі ретінде осы бөлмеде орналасқан технологиялық жабдыққа қосылмайтын құбыр желілері және электр сымдары саналады. Отынды беру бөлмелерінде оттегі, ацетилен және өзге де жанатын газдар мен тез тұтанатын сұйықтардың құбыр желілерін төсеуге жол берілмейді.

23. Электр станциялары үшін бір ғимаратта жібітетін және тиейтін құрылғыларды біріктіруге жол берілмейді.

24. Бөлме ішінде орналасқан ЖҚҚ-нан жарылыс өнімдерін қауіпсіз жерге әкету үшін бұрулар қолданылады. Жабдықтың жалпы жабдықталуымен, жұмыс алаңдары мен өтетін жерлердің орналасуымен қақпақтарды және олардан отводтарды орналастыру шаңды әзірлеу жүйесінде жарылыс болған жағдайда жарылыс толқынынан және жанып жатқан шаңның ыстық газының ағынынан персоналдың қауіпсіздігін қамтамасыз етеді. Ол кезде бұрудың 40 диаметріне жететін ағынның ұзақтығы, оның қабырғалары мен терезелерден шығу мүмкіндігі, сондай-ақ олардың бойымен ағынның таралуы ескеріледі. Ыстық газдар және ыстық шаң өткізгіш сымдарына, қара май өткізгіштерге, май өткізгіштер мен газ өткізгіштерге түспеуі керек.

25. Шаңды әзірлеу бөлмесі арқылы өтетін шаңды әзірлеу қондырғысы, бу өткізгіштер, шаң газ ауа өткізгіштер жанбайтын материалдан жасалған жылумен оқшаулаумен жабылады. Оқшаулар жабындысы 2.04.14 ҚНжЕ және НР 34-70-118 талаптарына сай. Қатты тозған шаңды әзірлеу жүйелерінің элементтерінде алынатын оқшаулау жабындыларын орнату ұсынылады.

26. Шаң газ ауа өткізгіштер және жабық отын шаңының түсіне сәйкес, суға төзімді бояумен боялады.

27. Өндірістік ғимараттарда жабдықты ЖҚҚ барлық элементтеріне, өрт сөндіру құрылғыларына, баспалдақ торларына еркін бару және еркін жүріп-тұруды қамтамасыз ететіндей орналасуы керек.

Шаңды әзірлеу ғимаратында іске қосылмаған жабдықты сақтауға жол берілмейді.

28. Бөлме ішінде технологиялық жабдыққа қызмет көрсетуге арналған басқыштар мен алаңдар оларда шаңның жиналуының алдын алу үшін тордан жасалады.

Шаңды әзірлеу, пеш және газ өткізгіш жүйелерінің немесе олардың бұруларымен, сондай-ақ қара майлы күшейткіштермен ЖҚҚ үстіндегі алаңдар бірыңғай болып орындалады.

29. Ғимараттан тыс орналасқан, шаңды әзірлеу қондырғыларының жылуды оқшаулар элементтері осы жер үшін қоршаған ортаның төмен температурасында осы элементтердің ішкі қабырғаларында су буларының жиналу мүмкіндігін болдырмайтын жағдайдан таңдалады. Жылумен оқшаулау атмосфералық жауын-шашынның әсерінен қорғалады.

2 - параграф. Дымқыл отын мен шаң бункерлері

30. Дымқыл көмір бункеріне келіп түсетін отын алдын ала ұнтақтау және металлдан және өзге бөтен заттардан алдын ала тазалаудан өтеді.

Электр станциялары үшін отын беру трактісіне келіп түсетін, отынның ұнтақтығын қамтамасыз ететін құралдар қарастырылады.

31. Шикізат отынының бункерлері ішкі жағы тегіс болып (гидрофобты материалдармен бүркеу мүмкін) және олардан отынның өздігінен ағып толық босатылуын қамтамасыз ететін нысанда жасалады.

Бункерлердің жоғары жағы толығымен бөлменің жабылуына біріктіріледі. Бункерлер 2.09.03 ҚНжЕ және II-58 ҚНжЕ талаптарына сәйкес орындалады.

32. Тұрып қалуға және бос қуыстарды қалыптастыруға бейімді отындар үшін дымқыл отынның бункері отынның тұрып қалуын болдырмау және жою үшін қашықтықтан басқарылатын құрылғылармен жабдықталады. Соғып құлатуды қолдану кезінде соғып құлатуды қосу аралықтарында бункерге қысылған ауаның кіруіне жол берілмейді. Қысыммен жұмыс істейтін шаңды әзірлеу жүйелері үшін құрғату агентінің шикізат отынының бункеріне түсу мүмкіндігін болдырмау қажет.

33. Шаң бункерінің жоғары бөлігі бөлме жабылуына толық жабысқан. Бункерлердің іші тегіс және олардың біркелкі толуын және толығымен өзігінен ағып босатылуын қамтамасыз ететіндей нысанда жасалады. Бункер қабырғасының деңгейжиекке еңіс бұрышы 60 кем емес алынады. Бункер қабырғалары арасындағы ішкі бұрыштар дөңгелектенген. Бункерлер ішінде шаңның тұрып қалуы мүмкін дөңестерге жол берілмейді. Құбыр желілерінің, құбіршектердің және ағыстардың біріккен жерлері нығыз. Бункерлердегі тесіктердің саны аз. Тесіктерде, лаздарда қатты жабылатын қақпақтар бар.

Бункердің ішкі жағында және оның үстіндегі перекрытияда көмір шаңының жинаулына жол берілмейді.

ЖЭС үшін шаң бункерлері қымталуы қамтамасыз етіле отырып, толығымен металлдан жасалады және олардың гидрокүлдіалу (бұдан әрі - ГКА) каналына ыдырауы үшін құрылғылармен жабдықталады.

34. Металл және металлмен айналдырылған бетон бункерлерінде су буының жиналуының алдын алу үшін олардың қабырғалары, және төбелері сыртынан жанбайтын материалдан жылу оқшаулаумен, ал ішінен – коррозияға қарсы жабындымен жабылады.

35. Шаң бункерлері олардан су буы мен ауаны айдау жүйесімен жабдықталады. Диаметрі 90 - 110 мм болатын ылғалды айдау құбырлары жылу оқшаулауға, тазалауға арналған штурецке және қашықтықтан басқарылатын нығыз бекіткіш қақпаққа ие.

Айдау құбырлары осы шаң бункері арналған шаң әзірлеу жүйелері үшін циклоннан диірмен желдеткішіне (бұдан әрі - ДЖ) дейінгі учаскіде шаң өткізгіштерге қосылады.

Су буының жиналуының алдын алу үшін ылғалды сору құбыр желісімен қатар, онымен жалпы оқшаулаумен буды жылытатын серікті төсеуге жол беріледі.

36. Пісіру жұмыстарын қолданбай жөндеу жүргізу мүмкіндігін қамтамасыз ету үшін циклондар астындағы жыпылықтар, жыпылықтар мен бункерлер арасындағы ағыстар, шаңды әзірлеудің басқа элементтері, дымды әкету құбырларын қоса алғанда, өзара және шаң бункерімен қатты фланецтермен біріктіріледі.

Электр станциялары үшін шаңды бункерлер арасында қайта лақтыруға шаңның жоғары шоғырлануымен көлік жүйесін қолдануға жол беріледі.

37. Шаңды әзірлеу жүйесін ұзақ уақытқа тоқтату кезінде (3 күннен көп) шаң бункерінде тұтану ошақтарының пайда болуының алдын алу үшін бункердің шаң асты кеңістігіне бункердің әрбір 1 м³ бос көлеміне 0,6 кг көмірқышқыл немесе 0,4 кг азот есебінен инертті газдарды жіберу қарастырылады.

38. Шаң бункерінде тұтану ошақтарын өшіру үшін бункердің жоғары жағына 1,5 МПа жоғары емес қысымда көмірқышқылды, азотты немесе қоректендірілген буды беру қарастырылады. Шаңның ұшуының алдын алу үшін, инертті ортаны беру бункер төсебіне көлденең ағындармен жүзеге асырылады. Инертті ортаның шығысы шаң үсті кеңістікте оттегінің құрамы 16 % көп емес шектеу шарттарынан анықталады. Жүйенің будағы жұмысы кезінде конденсаттың оны қосу кезінде бункерге түсу мүмкіндігін болдырмайды.

жүктеу/скачать 374.5 Kb.

Достарыңызбен бөлісу: