Аллаһын елчиси
жүктеу/скачать 0.7 Mb.
|
- Бұл бет үшін навигация:
- Әбдүл МҮТәЛЛИБ МҮВәҺҺИДЛИЈИН МҮДАФИәСИНДә
- Гијамәт ҝүнүндә динләр ичиндән
Әбдүл МҮТәЛЛИБ11-Әбдүл Мүтәллибин мүвәһһид олмасы һаггында чохлу шаһидләр вардыр. Бу шаһидләр онун истәнилән ширкдән пак олдуғуну тәсдигләјир. Онун һаггында даһа чох данышылмасы онун ширкә дүшмәдә даһа чох төһмәтләндирилмәси илә әлагәдардыр. Әли (ә) бујурур: «Атам вә бабам Әбдүл Мүтәллиб, Һашим, Әбдүл Мәнаф һеч вахт бүтә ситајиш етмәмишләр. Онлар үзү Кә’бәјә намаз гылмыш, Ибраһим дининдә олмушлар». («Бәһар» 15-ҹи ҹилд). Әбдүл Мүтәллиб әрәбин мүвәһһидләриндән сајылыр. Бу, Ибраһим өз өвладлары һаггында дуаларынын гәбул олмасыдыр. 12-Пејғәмбәр (с) әлијә (ә) бујурур ки, Әбдүл Мүтәллиб «әзламла» (ҹаһилијјәт дөврүнүн гумары) мал бөлмүр, бүтләрә ибадәт етмир, бүтләрин адына кәсилмиш һејванларын әтиндән јемирди вә о, Ибраһим дининдә иди. («Бәһар» 15-ҹи ҹилд). 13-Әбдүл Мүтәллибин ахирәт инаҹы барәдә дејилир ки, о деди: «Бу дүнјадан сонра јахшыларын мүкафатланыб, писләрин ҹәзаланаҹағы бир дүнја вар». 14-Имам Рзадан (ә) нәгл олунуб ки, Әбдүл Мүтәллиб Кә’бә гапысынын һалғасындан јапышыб, Аллаһдан диләди ки, она он оғул әта етсин. 15-Бу барәдә белә нәгл олунуб ки, о, Аллаһ евинин пәрдәсини тутуб, Аллаһы һәрәм, рүкн, мәгама анд верди – бу андлар Ибраһим дининә аиддир.
Бу о демәк дејилдир ки, Аллаһ евинин мүдафиәсиндә бизим мәс’улијјәтимиз јохдур вә бу мәс’улијјәт ев саһибинә аиддир. Бу сөз Бәни-исраилиндир ки, Мусаја дејәрдиләр: «Сән вә Рәббин ҝедиб онларла вурушун, биз исә бурада отураҹағыг» («Маидә» 24). Әслиндә исә беләдир ки, биз вар ҝүҹүмүзлә төвһид мәркәзи, иман символу олан Кә’бәни мүдафиә едәҹәјик. Әлбәттә, ев саһибинин јардымы дада чатар. Бу ҹүмлә илә дөјүш мејданында ев саһибиндән јардым истәјир. Әбдүл Мүтәллибин әбрәһә илә ҝөрүшдә дедији «мән дәвә саһибијәм, бу евин дә саһиби вар вә ону мүдафиә едәҹәк» сөзләри дә ејни мәгсәд дашыјыр. Бу сөзләр о мә’нада дејил ки, мәним үчүн Кә’бәнин фәрги јохдур. Әҝәр бу төвһид мүдафиәчиси лагејид олсајды, нә үчүн һәрәмдә галыб, Аллаһдан јардым истәмәлијди?! Бу сөз дөјүш вә мүдафиә мејданында һәмин јардым истәјидир. Бә’зи тәглид гәләмләри фәаллыг ҝөстәриб, дедикләринә ифтихар едир, өз јазыларыны гүсурлу һалда нәш етдирибләр ки, Әбдүл Мүтәллиб Кә’бәјә лагејид олуб! Һәтта бу гәзијјәләри јанлыш тәһлил етмәклә Әбдүл Мүтәллиб кими сималары ләкәләјирләр. Ҝуја, әбрәһә Әбдүл Мүтәллиби гынајыр да ки, мән сизин дин мәркәзинизи виран гојмаға ҝәлмишәм, сиз исә бир нечә дәвәнин һајындасызныз! Бәли, әввәлдә гејд етдијимиз кими, тәглид гәләми дә тәһриф гәләми кими тәһлүкәлидир. Белә нурани шәхсијјәтләрә чиркаб јахылыр. Мәһз белә мәгамда тәһгиг гәләминин ролу ајдын олур. Бу гәләм дүзҝүн тәһлил апармагла һәгигәтләри үзә чыхарыр. әбрәһә гаршысында Әбдүл Мүтәллибин сөзләри вә дуалары онун мөвгејинин ашкар ҝөстәрир. О, әбрәһәнин бөјүк гошуну гаршысындан гачмыр, өз аз сәһабәләри илә мөһкәм дајаныр. «Нечә дәфә олуб ки, аз бир дәстә Аллаһын јардымы илә чох бир дәстәјә галиб ҝәлиб» («Бәгәрә» 249). Һансы ки, әбрәһәнин гошуну Кә’бәјә чатмамыш Мина дағынын архасында Муһәссир вадисиндә гејби вә тејр әбабил гүввәләри илә гаршылашыб, биабырчылыгла мәғлуб олду. Амма әбрәһә фүрсәт тапыб Кә’бәјә һүҹум етсәјди дә, Әбдүл Мүтәллиб вә әтрафындакылар ҹанла-башла дин вә Кә’бәни мүдафиә едәҹәкдиләр. Гәләм нә гәдәр гәрәзли вә ја надан олмалыдыр ки, белә бир мүҹаһид шәхси мүшрик вә ја лагејд ҝөстәрисин! Тарих һәгигәт вә јаландан јоғрулмуш бир мәҹнундур. Һәр јазылана е’тимад етмәк олмаз. Јазылмышларын бир чоху е’тибарсыз олдуғундан тәһгигатлар апарылмалыдыр ки, һәгигәт үзә чыхсын. 17-Һәзрәт Пејғәмбәрин (с) әҹдадынын мүвәһһидлик е’тигады о гәдәр мә’лум бир шеј иди ки, шаирләр бу мүнасибәтлә ше’рләр јазардылар. Нүмунә үчүн әбүс-сәлт ибни әби Рәби’ Сәгәфинин гәсидәсиндән бир бејт мисал чәкмәк олар. Гијамәт ҝүнүндә динләр ичиндәнБир Ибраһим дини кечәр сечимдән. Мә’лум олур ки, Исламдан өнҹә Гүрејшин рәсми дини Ибраһим дини олмуш вә јалныз бу дин Аллаһ тәрәфиндән мәгбәл сајылмышдыр. 18-Бу мөвзуда шаһид ҝәтирилән сон нөгтә һәзрәт Пејғәмбәрдән (с) Әбдүл Мүтәллиби пејғәмбәрләр ҹәрҝәсиндә ҝөстәрир: «Сүбһан Аллаһ ҹәддим Әбдүл Мүтәллиби пејғәмбәрләрлә (вә (әрәби) ) мәһшур едәр». Бүтүн бунлар бир сүбутдур ки, Пејғәмбәрин (с) ата-бабалары, еләҹә дә онларын е’тигадҹа мүвәһһид, әхлагҹа сәхаәтли, гонагпәрвәр, һагг мүдафиәчиси олмушлар. Онлар нәсилбәнәсил Гүрејшин иҹтимаи шә’нини өһдәјә алмышлар. Һеч бир ширк, диндә лагејдлији онлара аид етмәк рәва дејил. Әлбәттә, сүбутлар бир бунунла сона јетмир. Бүтүн бунлары арашдырмаг вахт вә һөвсәлә тәләб едир. Үмид едирик ки, гејд едилән сүбутлар ујғун шүбһәләри арадан галдырмаг үчүн кифајәтдир вә һәзрәтин (с) пак вә тәгвалы бабаларыны ајры-ајрылыгда арашдырмаға еһтијаҹ јохдур. Бу һиссәнин сонунда Пејғәмбәрин (с) пејғәмбәрликдән әввәл Ибраһим дининдә олмасынын зикриндән сонра онун ата-анасынын һәјатына нәзәр салаҹағыг. жүктеу/скачать 0.7 Mb. Достарыңызбен бөлісу:
|