Дипломдық жұмыс Тақырыбы: «Жүкті әйелдердегі темір тапшылығы анемиясының алдын алудағы мейірбикенің рөлі»
Жүктіліктің бастапқы кезеңінде не істеу керек
жүктеу/скачать 401.44 Kb.
|
| Жүктіліктің бастапқы кезеңінде не істеу керек
Жүкті екеніңізді білген бойда гинекологқа барғаныңыз жөн. Ол сізді жүктілік бойынша тіркеуге алып, тиісті анализдер мен дәрумендерді тағайындайды. Сонымен қатар алдағы 9 ай ішінде жасауыңыз керек әрекеттердің жоспарын, не істеуге болатынын және болмайтынын түсіндіреді. Егер қандайда бір себептерге байланысты гинекологқа баруға мүмкіндігіңіз болмаса, жүктілік кезінде тыйым салынған заттарға назар аударыңыз: ішімдік; дәрігердің кеңесінсіз антибиотик қабылдау, ыстық ванна; ауыр зат көтеру; күйзеліс, уайым; ішекте ашу процесін тудыратын өнімдер; шылым шегу. Сонымен қатар суық тигізбеуге, инфекция, тұмау жұқтырмауға тырысыңыз. Ал төменде аталғандарды жиі жасағаңыз абзал: қол мен аяққа арналған босаңсытатын ванналар; тынығу; жүктіліктен ләззат алу; бақыт гормонын арттыру үшін, сүйікті фильмдерді көріп, кітап оқып, таза ауада серуендеу; иммунитетті нығайту; өзіңізді және құрсағыңыздағы сәбиіңізді қорғау. Жүктілік (лат. gravіdіtas) – физиологиялық құбылыс; ұрықтанған жұмыртқа жасушасының жатыр қуысында дамуы. Жүктілік ұрықтанудан басталады. Ұрықтанғаннан кейін зиготаның бөлшектенуі, яғни бластомерлер (жұмыртқа жасушасы бөлінген кезде түзілетін жасуша бөлшектері) пайда болады. Соның нәтижесінде бір жасушалы ұрықтан көп жасушалы ұрық – морула түзіледі. Бөлшектену кезінде ұрық жатыр түтігінен жатыр қуысына қарай жылжиды. Бұл процесс 4 – 5 күнге созылады. Бұдан кейін ұрық морула сатысында жатырға түсіп, бластоцистаға (іші сұйыққа толы қуыс) айналады. Адам ұрығының қағанақ (амнион), бүр (хорион) қабықтары болады. Бүр жатыр денесіне еніп, жатыр жасушаларымен қосылуының нәтижесінде бала жолдасы пайда болады. Бала жолдасы ұрықты ана организмімен байланыстырады. Қағанақ ішінде ұрықты қоршап жатқан қағанақ сұйығы бар. Қағанақ сұйығы ұрықты түрлі зақымданудан сақтайды. Сондай-ақ, ұрық өзінің өсіп дамуына қажетті минералды заттарды осы сұйықтан алады. 7-тәулікте ұрық жатырдың шырышты қабығына енеді. Мұны – имплантация деп атайды. Имплантация тез өтеді. Ұрық шырышты қабыққа толық енгеннен кейін, оның үстіндегі тесік жабылады. Бұл имплантацияның аяқталғанын көрсетіп, Жүктілік дамуының алғашқы бастамасы деп есептелінеді. Кейде жатыр түтігінің ауруға шалдығуының салдарынан ұрықтанған жұмыртқаклетка жатыр қуысында жылжи алмай, жатыр түтігінің ішкі қабатында жабысып өседі. Мұны – жатырдан тыс жүктілік деп атайды (қ. Жатыр). Жүктіліктің дамуында: ұрықтық (эмбрионалды) және нәрестелік (феталды) кезеңдер ажыратылады. Ұрықтық кезең – ұрықтану мезгілінен бастап, Жүктіліктің 2-айының соңына дейін созылады. Бұл кезеңде ұрықтың дамуы өте қарқынды жүреді. Ұрықтың бейімделушілік қабілеті әлі толық жетілмегендіктен, ұрық зақымдаушы факторлардың әсеріне өте сезімтал келеді. Оттек жетіспеушілігі, дененің қызуы, микробтар, вирустар, антиметаболиттер, есірткі, т.б. зиянды заттар эмбрион дамуының бұзылуына, оның өліміне немесе туа біткен мүгедектікке әкелуі мүмкін. Нәрестелік кезең – Жүктіліктің 3-айынан нәресте туғанға дейін созылады. Бұл кезеңде құрсақтағы нәрестенің тез өсуі, тіндердің жіктелуі, мүшелер мен жүйелердің дамуы жүреді. Нәрестенің тіршілігін құрсақ ішіндегі даму кезінде және туғаннан кейін қамтамасыз ететін жаңа функционалдық жүйелер тұрақтанады. Бала жолдасының функционалды белсенділігі артқан кезде ұрықтың дамуы ана организмімен өзара байланыста, тұрақты түрде жүреді. Ана мен құрсақтағы нәресте арасындағы өзара байланысқа биохимиялық, иммундық, эндокриндік, жүйкелік, т.б. механизмдер қатысады. Жүктілік кезінде әйел организмінде күрделі физиологиялық өзгерістер байқалады. Әйелдің сыртқы бейнесі, жүрісі өзгереді, бетіне сепкіл түседі. Тері қабаттары өзгереді. Жатырдың өсуіне байланысты құрсақ созылып, іштің ақ жолағы кеңейеді. Ішкі секреция бездерінің де қызметі өзгереді. Бала жолдасының гормон бөлуіне байланысты әйелдің сүт бездерінің көлемі ұлғайып, емшек ұшын қысқанда сары уыз – сұйық зат бөлінеді. Жүректің соғуы жылдамдап, қан мөлшері артады. Қан тамырлары кеңейіп, газ алмасу процесі жақсы жүреді. Ұрықтың дұрыс қалыптасып өсуі ананың денсаулығына, жасына, қанша бала тапқанына байланысты болады. Мысалы, түрлі аурулар (туберкулез, тұмау, диабет, бауыр ауруы, т.б.), дұрыс тамақтанбау немесе кейбір дәрі-дәрмекті дәрігердің рұқсатынсыз қабылдау, сондай-ақ, шылым шегу мен алкогольді сусындарды ішу – Жүктіліктің қалыпты дамымауына әкеліп соқтырады. Жүкті әйел мезгілімен жатып, күніне 8 – 9 сағат ұйықтап, витамині мол, көкөніс, жеміс-жидек, т.б. тағамдарды ішу қажет. Сондай-ақ гигиена талаптарын дұрыс орындап, денесін қыспайтын киім киіп, тазалық сақтауы, дәрігер белгілеген гимнастикалық жаттығуларды үзбей орындауы қажет. Денешынықтырумен шұғылданған әйел тез әрі жеңіл босанады. Жүктіліктің ұзақтығы – 280 күн (40 апта). Жүкті әйелдер перзентханада босанып, үйге шыққан соң әйелдер консультациясының, акушер-гинекологтің бақылауында болуы қажет. ДТҰ-бұл табысты тұжырымдама үшін оңтайлы жағдайларды жасанды жасау көзделген көп кезеңді репродуктивті технология. Осындай жағдайлардың бірі-өміршең аналық жасушалардың мүмкін болатын мөлшерін алу үшін ДТҰ алдында аналық бездерді ынталандыру болып табылады. Қалыпты жүктілік кезінде жеріктік симптомдары – жүрек айну және құсу – тәулігіне 2-3 реттен, оның үстінде, таңертең ғана қайталанып отыруы керек. Жеріктіктің екі түрі бар. Олар ерте жеріктік және соңғы жеріктік. Ерте токсикоз әйел организіміндегі зат алмасу процессінің өзгеруінен пайда болады. Ол жүктіліктің 5-6-шы аптасында басталып, 16-18-ші аптаға дейін созылады (өте сирек жағдайда босанғанға дейін). Кеш жеріктік гестоз деп те атайды. Ерте жеріктікті дәрігерлер өте ауыр және сирек жағдайларда ғана емдейді, себебі оны патологияға жатқызбайды. Ал гестоз жүктілікті қиындататын және болашақ ана мен балаға қауіп төндіретін фактор деп санайды. Көп жағдайда дәрігерлер гестозды токсикоз емес дейді, себебі ол қан тамырларының спазмысынан туады. Ерте жеріктік үнемі көрінсе, гестоз жасырын түрде де өтеді. Салдарынан балаға оттегі жетіспейді, артериялық гипертензия, бүйрек аурулары және ісінулерге әкеледі. Алайда жүктілікті жоспарлап жүрген болашақ аналар жүктіліктің алғашқы белгілері туралы айтқанда, бірінші кезекте дәл осы белгіні атайды. Темір, фолий қышқылы және магний – әйел ағзасына өте маңызды элементтер. Олар қантүзілім, қан жоғалтудың орнын толтыру және етеккір спазмдарын жеңілдету үшін маңызды. Жүкті немесе бала емізетін әйелдерде осы биофакторлардың тапшылығы баланың дамуына жағымсыз әсер етуі немесе тіпті оған қауіп төндіруі мүмкін. Негізгі биофакторлар – темір, фолий қышқылы мен магний кіретін теңдестірілген емдәм тапшылықтың алдын алуы мүмкін, сонымен қатар сіздің өзіңізді барынша жігерлі және сау сезінуіңізге мүмкіндік береді. Темір мен магний тапшылығының белгілерін қалай анықтауға болатынын және жүктілік кезінде қанша фолий қышқылы қажет екенін біліңіз. жүктеу/скачать 401.44 Kb. Достарыңызбен бөлісу:
|