Ф-об-007/017 Қазақстан Республикасы Білім және ғылым министрлігі

1. Қазақстандағы азамат соғысының соңғы майданы қай жерде?

2. Азамат соғысы жылдарында қанша адам қаза тапты?

3. Азамат соғысы жылдарында Ақтөбе майданына Ә. Женгельдиннің экспедициясы жеткізілді.

4. Азамат соғысы жылдарындағы партизан қозғалысының ірі ошағы.

5. Азамат соғысы жылдарында Атбасар уезіндегі партизан қозғалысының ірі орт

алығын атаңыз?

6. Азамат соғысы жылдарында Атбасар уезіндегі партизан қозғалысының ірі орталығын атаңыз?

7. Азамат соғысы мен шетел интервенциясының басталуы?
9-лекция

Тақырыбы: Қазақстан шетел интервенциясы мен азамат соғысы жылдарында (1918-1920 жылдар).

Жоспары:

1. 
   Қазақстанда шетел соғыс инервенциясы мен азамат соғысының басталуы.
   
2. 
   Өлкеде Қызыл Армияның бөлімдерінің қалыптасуы.
   

1. Ч. Мусин. Қазақстан тарихы.

2. К. Аманжолов . Қазақстан тарихы.

Дәрістер курсы.ІІ

3. Қазақстан тарихы очерктері.

4. Қазақстан тарихы. ІІ – ІІІ том Көне заманнан бүгінге дейін бес томдық .

1. 1917 ж Қазақ революциясының жеңісі алғашқы күндерден бастап, құлатылған қанаушы тап өкілдерінің қарулы қарсылығын тудырды. Кеңес өкіметі елдің әр түрлі аймақтарындағы, соның ішінде Қазақстан жеріндегі Контрреволюциясының бүліктерді батыл да шұғыл басып тастап отырды. Дегенмен олар аяғына дейін талқандалмады. Өлкеде азамат соғысының басты ошақтары Қазақстанның батыс аудандарында, Торғай облысының әкімшілік орталығы Орынборда, Орал облысы, Гуръев қаласында, Жетісу жерінде қалыптасты. Бұл жерде Атаман Дутовтың, генерал Толстовтың әскерлері, ал Жетісуда казак-орыс жасақтары, ақ гвардия офицерлері мен юнкерлер жиналды. Олар контрреволюциялық күштердің негізгі орталығына айналды.Кеңес өкметіне қарсы соғысын бастады.1918 жылы 23 наурызда Орал қазак-орыстары Гуръевте бүлік шығарды.Олар генерал Талстовтың бұйрығымен жұмысшы және солдат депутаттары Кеңесінің тоғыз мүшесін сотсыз атты. Сол жылдың 28- 29 наурызында ақ казактар алашордалармен бірігіп Орал қаласында төңкеріс жасады.

1918 жылы мамырдың аяғында Антанта мемлекеттерінің көмегімен Сібірдегі Чехословак корпусының офицерлері мен солдаттары бүлік шығарды. Бұлар бірінші дүниежүзілік соғыс кезінде Ресейге тұтқынға түскендер болатын. Кеңес үкіметі Австо-Венгриямен жүргізген келісім бойынша оларды елдеріне қайтаруға үәделесті. Бірақ Ресей Үкіметі олардың кеңестерге қарсы шығуынан қорқып, чехтар мен словак әскерлерін елдің батыс территориясымен емес, ең әуелі Қиыр Шығыс темір жолы арқылы Владивосток қаласына жеткізіп, одан ары Еуропаға теңізбен шығарып салуға келісті. Сібір арқылы жолда қайтып бара жатқан чехтар мен словактардан құрылған корпусты Антантаның империалистері бүлік шығаруға арандатты. Атап айтқанда, олардың арасында елдеріне босату үшін емес, қайта түрмеге отырғызу үшін алып бара жатыр деген жалған лақаптар таратты. Мұны естіген 500 мыңға жуық солдаты мен офицері бар чехословак корпусы бүлік шығарып Сібір мен Оралдың темір жол бойындағы бір қатар қалаларын басып алды.

2. Олар Қазақстан жеріндегі Петропавл, Ақмола, Атбасар, Қостанай қалаларын және тағы басқа да елді мекендерді жаулап, ондағы Кеңес өкметінің жергілікті органдарын таратты. 1918 жылы 11 маусымда Семейде Кеңес үкіметі құлатылды. Бұл жердегі кеңес үкіметінің көрнекті басшылары К. Сүтішев, И. Дубинин, П. Калюжная, Ғ. Ыдырысов, К. Шугаев, П Салов және тағы басқаларды азаптап өлтірді. Өскемен Совдепінің төрағасы Я. Ушановты тірідей кеменің оттығына тастады. Сөйтіп интервенттер мен ақ- гвардияшылар Ақмола, Орал, Семей облыстарын және Торғай облысының көптеген жерлерін басып алды.

1918 ж жазында интервенттер мен ақгвардияшылар Семей облысы жағынан Солтүстік Жетісуға басып кірді. Бұл жердегі казак-орыс станцияларында Кеңес үкіметіне қарсы бүліктер басталды. Сонымен Жетісу облыстық атқару комитетінің шешімімен кеңестік қарулы күштері біріктіріліп Солтүстік Жетісу майданының штабы құрылды. Ақ гвардияшылар басып алған аудандарда кеңес жасақтарының күресі негізінен партизандық харакет түрінде жүргізілді. Мұндағы Черкасск, Андреев, Константиновск және басқа да селолар тұрғындарының ақ гвардияшыларымен ерлік шайқастары азамат соғысы тарихында «Черкасск қорғанысы»- деп аталды.

1918 жылдың жазында Қазақстанның көп жерін интервенттер мен ақ гвардияшылар басып алды. Кеңес үкіметі тек Жетісу мен Сырдария облыстарының бірқатар бөлігінде, Торғай обылысының оңтүстік аудандары мен Бөкей Ордасының аз ғана жерінде сақталып қалды.

Революцияға қарсы күштер Самарада ақ гвардияшылар мен әскерлердің Комуч «үкіметін», Омбыда Колчак бастаған Сібір ақ гвардияшыларының «үкіметін», Каспий сыртқы облысында ағылшын «үкіметін» құрды. Бұл кезде немістер Донбасқа қауіп төндірді. Краснов пен Деникин соғыс қимылдарын күшейте түсті.

Кеңес үшін ең басты майдан – Шығыс майданы еді. Шығыс майданының Орал бағытында ақтармен 4-ші армия ұрыс жүргізді. Бұл майданның жағдайы қиындануына байланысты 1918жылы 2 маусымда Орынбор қаласынан Қызыл Армия бөлімдері оңтүстікке қарай шегінуге мәжбүр болды.

Осыған орай Ақтөбе майданы құрылды. Ондағы қызыл әскерлерге Ташкент, Шалқар, Қазалы, Перовск (Қызылорда), Черняевск (Шымкент), Әулиеата және т.б. қалаларда құрылған отрядтар көмекке келді. Оның қатарына негізінен еріктілер кірді, әскери міндет туралы БОАК – нің 1918 жылы 29 тамызда қабылданған жарлығынан кейін әскери міндетті өтеуге еңбекшілердің белгілі жас мөлшеріндегілер шақырылатын болды.

Қызыл армияның құрамдас бөлігі ретінде 1918жылы күзінде Бөкей ордасында құрылған қазақ атты әскер полкінде Х.Чурин, Ж.Сәрсенов, Х.Иманов, Б.Жәнікешев т.б. қызмет етті.Сол жылдың қараша айында Ақтөбе майданында Әліби Жанкелдин бастаған экспедиция Мәскеуден көп қару- жарақпен оқ -дәрі жеткізді.1918 жылдың аяғы мен 1919 жылыдың басында Ә.Т.Жанкелдин мен А. Иманов Торғайда екі атты әскер эскадронын, әскери оқу және пулемет топтарын, Ырғызда атты әскер эскадронын құрды. Өлкеде ұйымдасқан қызыл әскер бөлімдерінің қатарына азамат соғыс жылдарында Ресей келіп қалған көптеген шетелдіктер: венгр, чех, румын, поляк, неміс жұмысшы және шаруалар өкілдері де кірді.

1. Азамат соғысы жылдарында Қазақстан жерінде қандай әскери бөлім құру туралы шешім қабылданды?

2. 1918 жылы алғашқы кеңестік үлгі қазақ ковалеристік полкі қайда құрылды?

3. Азамат соғысы қай жылдары болды? Азамат соғысы жылдарында Кеңарал болысында астыртын жұмысты кім жүргізді?

4. Азамат соғысы кезеңінде қалыптасқан экономикалық және саяси жүйені көрсет.
10-лекция

Тақырыбы: Қазақ кеңес мемлекетінің құрылуы.

Жоспары:

1. 
   Қазақ өлкесін басқару жөніндегі Революциялық комитеттің құрылуы және оның қызметі.
   
2. 
   Революциялық комитеттерден кеңестерге өту.
   
3. 
   1920 ж 26-тамыздағы РСФСР үкіметінің «Қырғыз (Қазақ) Автономиялық Кеңестік Социалистік Республикасын құру туралы» декреті.
   

1. Аманжолов Қазағыстан тарихының дәрістер курсы. 2-3 том.

2. Қазақстан тарихы көне заманнан бүгінге деиін. 5- томдық.

3. Мусин Қазақстан тарихы.

Ресей империясының отарлаушылық бұғауында болып келген халықтар социалистік революцияға ұлттық мемлекеттік құру мәселесін шешеді деп сеніп, оған қатысты. Жергілікті жерде Кеңестер негізінде құрылған кеңестік автономия экономикалық, саяси және мәдени дамудың әр түрлі деңгейінде тұрған Ресейдің халықтары үшін ұлттық мемлекеттіліктің тиімді формасы еді. Осы тұжырымдарға сәйкес 1918 жылы 30 сәуірде Орта Азияда алғашқы кеңестік мемлекет-Түркістан АКСР құрылып ол РКФСР құрамына енді.

1918 жылы көктемде Қазақ АКСР құру жөніндегі дайындық жұмыстар басталды. Бұл мәселе жоғары партиялық және мемлекеттік орындарда сан рет талқыланды. Қазақстан жерінің ақ гвардияшылардан тазартылуына қарай Кеңес өкіметін қалпына келтіру процесі жүріп жатты. 1919 жылы 10 шілдеде В.И. Ленин “Қырғыз (қазақ) өлкесін басқару жөніндегі революциялық комитет туралы” декретке қол қойды. Оның басшылығына ұлты поляк, 1902 жылдан Компартия мүшесі, тұңғыш кеңестік комиссар С. Пестковский тағайындалды.

Автономияны жүзеге асыру ісінде үлкен қиыншылықтар болды, ең алдымен контрреволюцияны талқандау, ұлыдержавалық шовининзмге де, жергілікті ұлтшылдыққа да қарсы батыл күрес жүргізу, жергілікті жерде Кеңес өкіметін нығайту қажет еді. Мұның өзі үлкен күш салуды және белгілі мөлшерде уақытты қажет етті.

Қазақстанда азамат соғысының аяқталуы және контрреволюциялық күштермен ақ гвардияшыларды талқандаумен байланысты кеңес өкіметін қайта қалпына келтіру мәселесі ерекше орын алды. 1919ж маусым айында кеңестердің ұлт істері жөнінде халық комиссариаты қазақ кеңес автономисын құру туралы арнайы мәселе қарады. Онда қазақ халқының қалың бұқарасымен тығыз байланыс орнайтын, мұндағы жаудан азат етілген аймақтарда саяси және шаруашылық жұмыстарды ұйымдастырып, өлкеде кеңестердің құрылтай сьезін шақыруға әзірлік жасайтын арнаулы орган құру туралы шешім қабылданды. Осыған байланысты 1919ж 10 шілдеде РСФСР халық комисарлары кеңесінің декреті бойынша Қырғыз (қазақ) өлкесін басқару жөніндегі ревалюциялық комитет құрылды. Ревалюциялық комитеттің 1-ші құрамына С.Пестковский, А.Байтұрсынов, В.Лукашев, Ә.Жанкелдин, М.Тұнғаншин, С.Мендешев, Б.Қаратаев кірді. Әр түрлі уақытта қазақ ревкомының мүшесі болып Ә. Әйтеков, С. Арғыншиев, А. Абденов, Ғ. Әлібеков, Б. Қаралдин, еңбек етті. Революциялық комитеттің жұмыс істейтін орталығы болып Орынбор қаласы белгіленді.

Қырғыз (қазақ) революциялық комитетінің жанынан басқару салалары бойынша: еңбек және әлеуметтік қамсыздандыру, денсаулық сақтау және халық ағарту, егіншілік, юстиция, пошта және телеграф, азық- түлік, жұмыс шаруа инструкциясы, халық шаруашылығы кеңесі сияқты бөлімдер мен бөлімшелер құрылды.

1920 жылдың қаңтарынан маусымына дейін бүкіл Қазақстан бойынша қазақ халқы өкілдерінің ояздық сьездері өтті, өмірлік маңызы зор көптеген мәселелер талқыланды, олардың ішіндегі негізгілері Кеңес өкіметін туралы, оның мәні мен мақсаттары, оның қазақ халқына не беретіні жайында еді. Бұл сьездер халықтың көпшілігі-қазақ кедейлері мен орташалары үшін үлкен саяси мектеп болды.

1920 жылғы жаздың аяғына қарай жер-жерлерде мемлекеттік өкімет органдарының бірыңғай жүйеесіне көшу негізінен алғанда аяқталды. Ревкомдар төтенше органдар ретіндегі өз рөлін атқарып, орындарын конституциялық органдар-Кеңестерге берді. 1920 жылы 9 наурызда өзін “Қазақ елінің үкіметі” депатаған Алашорданы тарату туралы шешім қабылданды.

1920 жылы 20 тамызда Бүкіл Ресейлік Орталық атқару Комитеті мен РКФСР Халық Комиссарлары “Автономиялы Қырғыз (қазақ) Социалистік Кеңестік Республикасын құру туралы” декрет қабылданды.

1920 жылы 7 шілдеде Орынбор қаласы 1920 жылғы 22 қыркүйекте Орынбор губерниясы қосымша Қазақ АКСР құрамына енгізілді. Қазақ АКСР-інің тұңғыш астанасы болған (1920-1924 жылдары) Орынбор оның қалыптасуы мен дамуында маңызды рөл атқарды.

1. 
   Қазақ өлкесін басқару жөніндегі Революциялық комитеттің құрылуы
   
2. 
   және оның қызметінің маңызы мен ерекшелігі қандай сипат алған еді?
   
3. 
   Революциялық комитеттерден кеңестерге өту жағымды және
   
4. 
   жағымсыз жақтары қандай?
   
5. 
   Революциялық комитеттің бірінші құрамына кірген қазақ зиялыларын ата?
   

1. 
   ҚАКСР кеңестерінің құрылтай сьездері.
   
2. 
   «Қырғыз (Қазақ) еңбекшілері құқықтарының декларациясы» және оның мазмұны.
   
3. 
   Кеңестердің бірінші құрылтай сьезі
   

1. Аманжолов Қазағыстан тарихының дәрістер курсы. 2-3 том.

2. Қазақстан тарихы көне заманнан бүгінге деиін. 5- томдық.

3. Мусин Қазағстан тарихы

Қазақ АКСР құрылуын және Кеңестердің құрылтай сезінің шешімдерін еңбекшілер мақұлдап қарсы алды. Қазақтың Кеңестік ұлттық мемлекеттілігін құрудың орасан зор тарихи маңызы болды. 1920 жылы республика әкімшілік-аумақтық жағынан Орал, Орынбор, Қостанай, Ақтөбе губернияларына (соңғы үшеу Орынбор-Торғай губерниясы негізінде), Бөкей, Ақмола, Семей (соңғы екеуі Қазақ АКСР құрамына 1921 жылы көктемде кірді) губернияларына және Адай аумағына бөлінді. Жетісу мен Сырдария облыстарының қазақ аудандары әлі де Түркістан АКСР құрамында болып келді. Олардағы Кеңес жұмысына басшылық жасау мақсатымен Түркістан ОАК жанынан қазақ бөлімі құрылды.

Қазақ АКСР құрамына 31 қала мен 14 қала типтес поселке болдыы, елді мекендердің жалпы саны 10 мыңнан артық еді, олардың мыңнан астамы-әкімшілік ауылдар, әрқайсысына орта есеппен 3-15 жеке шаруашылық кірді. 1920 жылдың аяғында республикада 4,7 млн. адам бар еді, олардың 50,3 проценті қазақтар, орыстар-31,2%, украиндар-14,4% Селолық жерде 4,3 млн. адам тұрды. Халықтың тығыздығы 1 шаршы км-ге не бары 2,5 адамнан келетін. Халықтың басым көпшілігі ауыл шаруашылығында жұмыс істеді (қала халқының да бір бөлігі егіншілікпен айналысатын).

1921 жылы Қазақ АКСР құрамына Семей және Ақмола губерниялары енді. Қазақстанның шектес республикаларымен шекаралары айқындалды, Орынбор мен Торғай губерниялары Орынбор, Ақтөбе және Торғай губернияларына бөлініп, ықшамдалды.

Қазақ АКСР Халкомы мемлекеттік мекемелерде қазақ және орыс тілдерін қолдану тәртібі туралы декрет қабылданды, онда барлық қаулы-қарарларды екі тілде шығару, ал қазақтар басым аудандарда іс және қатынас қағаздарын ана тілінде жүргізу міндетті деп атап көрсетілді.Республика үкімет қазақ әйелінің қадір-қасиетін барынша кемсітетін ғұрыптарды жою мақсатында құн төлеу мен құн алуға заң жүзінде тыйым салып, қалың малды, сонда-ақ көп әйел алуды және әмеңгерлікті.

Жас республика тез аяқтана бастады, қазақ халқының социалистік ұлт болып қалыптасу процесі күшейе берді, оның басқа халықтармен достығы нығая түсті. 1924 жылғы 5-10 қаңтарда Қазақстан Кеңестерінің IV сьезі болды. Сьезд Республиканың саяси және шаруашылық өмірінің түбегейлі мәселелерін талқылап, халық шаруашылығын тез арада қалпына келтірудің маңыздылығын атап көрсетті.

Сьезд Республика Конституциясын қабылдады, онда Қазақ Автономиялық Кеңес социалистік Республикасының РКФСР құрамында болатыны атап көрсетілді.

Қазақ халықының Кеңестік ұлттық мемлекеттігін жариялаудың маңызды өте зор болды. Ол өзінің ғасырлар бойы арманының орындалуы, отаршылдыққа қарсы сан мың күресінің нәтежесі, ұлттық қайта өрлеу жолындағы алғашқы қадам деп түсінді. Бірақ республиканың құрамына қазақ жерінің бәрі кірмеді. Қазақ өлкесін бірнеше әкімшілік-аумақтық бөліктерге бөліп тастаған патшалық отаршылдық саясатының зардаптырын біржолата жою қажет еді.

1. 
   Қаз АКСР- нің құрылтайы қашан болды?
   
2. 
   Кеңестердің бірінші құрылтайында қандай мәселе қарастырылған еді?
   
3. 
   Қазақстан Кеңестерінің ІҮ съезі қашан болды?
   

1. 
   ЖЭС-қа өтудің әлеуметтік-экономикалық және саяси алғы шарттары.
   
2. 
   Социалистік, капитализмге дейінгі және стихиялы тауар-нарықтық бағытардың күресі: «Кімді кім жеңеді» мәселесі.
   
3. 
   Экономикалық көп укладтылықтың қалыптасуы.
   
4. 
   ЖЭС-тің екі жағы және екі кезеңі.
   

1. 
   Ү. Мусин. “Қазақстан тарихы”
   
2. 
   К. Аманжолов “Қазақстан тарихы” Дәрістер курсы I-II.
   
3. 
   ҚАзақстан тарих очерктері.
   
4. 
   Қазақстан тарих 1-2 том.
   
5. 
   Көне заманнан бүгінге дейін.Бес томдық.
   

Қазақстанда жаңа эканомикалық саясатты (НЭП- ті) іске асыру 1921 ж Қазақ АКСР Орталық Атқару комитетінің азық – түлік салығына көшу туралы шешімі негізінде жүргізілді. Салықтың мөлшері салғыртқа қарағанда аз болды. Мәселен, 1920 ж Жетісуі және Сырдария облыстарында астық салғырты бойынша 10,4 млн. пұт астық жиналса, 1921 ж салық арқылы шаруалардан жиналған астық 6,0 млн. пұттан асқан жоқ. Шаруалар басы артық өнімдерін қалаларға апарып сатып, тұрмыс жағдайын түзеуге мүмкіндік алды.

Алайда, жаңа эканомикалық саясатты іске асыру барысында көптеген қиыншылықтарда кездесті. Атап айтқанда, 1921 ж жазда Еділ өзенінің бойының, Солтүстік және Батыс Қазақстанның халықтары күшті қуаңшылық болуына байланысты аштыққа ұшырады. Орал, Орынбор, Бөкей, Ақтөбе, және Қостанай губернияларында егістің көбі күйіп кетті. Малға азық болмай, қырыла бастады. Ауыл шаруашылығында болған апаттың аяғы сұмдық аштыққа апарып соқты. Түркістан мен Украина республикалары да Қазақстанға елеулі көмек жасады. Осы қиын қыстау кезіңде Қазақстан еңбекшілеріне Ресей халқы елеулі көмек көрсетті.

20- жылдардың басындағы жер реформаларының ерекше маңызды ролі болды. Мұның өзі жер мәселесіндегі патша өкіметінің отаршылдық саясатының зардаптарын жою бағытында іске асырылған шаралар еді. Патша өкіметі алған жерлер қазақ еңбекшілеріне қайтарылып берілді.

1921ж ақпан айында жер-су реформалары Түркістанның көптеген аудандарында, оның ішінде Алматы, Қапал, Шымкент, Әулиеата уездерінде жүргізілді. Жайық өзенінің сол жағалауының бөлігі межелеп бөлінді. Қазақ шаруалары бұрынғы жайылымдарын алды.

Ауылда әлеуметтік өзгерістер мен жер-су ревормаларын жүзеге асыру бұқаралық ұйым Қосшы одақтары құрылды. Қосшы одақтарын құруда және оның практикалық қызметінде, сондай-ақ Оңтүстікте жер-су реформаларын жүргізуде Ж.Бөрібаев, О.Жандосов, А.Розыбакиев, т.б. қоғам қайраткерлері көрнекті қызмет атқарды. 1921 ж наурызда Жетісуда 17 мыңнан астам мүшесі бар Қосшы одағының 99 ұясы жұмыс істеді. Қазақстан еңбекшілерінің халық шаруашылығын қалпына келтіру барысында бірқатар табыстарға қолдары жетті. 1925 ж аяғында републикада өнеркәсіп өнімін өндіру едәуір өсті.

Кооперациялық құрылысты жүргізуде орыстар арасында шаруалардың өзара жәрдемдесу комитеттері, ал қазақтар арасында Қосшы одағы маңызды роль атқарды. 1925-1926 ж шаруалардың қоғамдық өзара жәрдемдесу комитеттері 335 мың , ал Қосшы одағы 140 мыңнан астам ауыл шаруашылығының жұмысшыларын, кедейлер мен орташаларды біріктірді.

Республикада өнеркәсіпті қалпына келтіру 1927 жылға дейін созылып, екі жылға кешігіп аяқталды.

Ауыл шаруашылығында жағдай да өте күрелі болды. Ауыл- селолардағы әміршіл-әкімшіл жолмен жүргізілген жер-су реформасы, шаруаларға жерлерді қайта бөліп беру қазақ қоғамының әлеуметтік эканомикалық өзгерістеріне әсерін тигізді.

Қазақстанда жаңа эканомикалық саясатты жүргізуде Кеңестердің ролі күшейді. Оларға шаруалар қауымының сенімі арта бастады. Бұл тұста кеңестерді нығайтуға байланысты біраз жұмыстар жүргізілді. 1921 ж уездер мен губернияларда Кеңестер съезі болы өтті. Алайда Қазақстандағы Кеңес құрылысында бірқатар қиыншылықтар мен кемшіліктер кездесті. Көптеген қызметкерлер жаңа эканомиклық саясаттың мәнін түсынбеді, бұрынғысынша “әскери коммунизм” әдістерімен жұмыс жасады. Кеңестер құрамына жаңа құрылысқа қарсы, іштен бүлдіру әрекетіне бейім адамдардың кіріп алу фактілері орын алды. Дегенмен Кеңестердің құрып, нығайту жұмысы мақсатты түрде жүргізілді. Оған белсне қатысқан Қазақ АКСР Орталық Комитеттің тұңғыш төрағасы С.Меңдешев, орынбасары Ә.Жанкелдин, ішкі істер халық комиссары Ә.Әйтиев және және басқалар Кеңестердің жұмысын жандандыруға елеулі еңбек сіңірді. 1921ж 4-10 қазанда Қазақ АКСР Кеңестерінің екінші Съезі болып өтті. Онда республика өмір сүрген алғшқы жыл ішіндегі мемлекеттік және шаруашылық құрылыстың қорытындылары шығарылды. 1922 ж Кеңестер сайлуы өтті. Олардың құрамын жергіліктендіру іске асырылды. Бөкей, Орал, Ақтөбе, Семей губернияларында облыстық атқару комитеттері сайлауынан кейін, депутаттардың жартысынан астамы қазақтар болды. КАКСР Орталық Атқару Комитетінің тұңғыш қызыл керуені 1922 ж Ә.Жангелдиннің басқаруымен ел аралауға шықты. 1922 ж 30 желтоқсанда Мәскеуде өткен Кеңестердің Бүкіл одақтық бірінші съезі Кеңестердің Социлолистік Республикалар одағы құрылғанын жариялады. Басқада автономиялық Кеңес республикалары сияқты Қазақ АКСР-де Кеңестік Ресей федерациясы құрамында Одаққа кірді. Орта Азия Кеңес республикаларын ұлттық мемлекеттік жағынан 1924 ж жүргізілген межелеу республика өміріндегі маңызды оқиға еді. Ұлттық жерлердің межелуі нәтижесінде Түркістан АКСР-нің құрамындағы бұрынғы Жетісу және Сырдария облыстарының жерлері Қазақ АКСР-не қарайтын болды. Соның нәтижесінде 700 мың шаршы шақырымға, ал халқы-1млн. 468 714 адамға өсіп 5230 мыңға жетті. Республиканың астанасы Қызылордаға(Ақмешіт) көшті. Қазақ жерімен халқын біртұтас ұлттық мемлекетке біріктірудің республика үшін зор әлеуметтік және эканомикалық маңызы болды. 1925 ж сәуірде Қызылордада республика кеңестерінің бесінші съезі өтті. Ол “Ауылға , қыстаққа және деревнияға бет бұрайық” деген ұран негізінде жұмыс істеп, шаруаларды жерге орналастыру жұмыстарының жоспары, суландыру құрылысын дамыту, мемлекеттік және кооперативтік сауданың рөлін одан әрі нығайту, өндірістік серіктерді қолдау мәселелерін талқылады.

1925 ж ревпубликаның коммунистік жастар одағының ұялары 51 мың қыздар мен жігіттерді біріктірді. Жастардың көптеген танымал басшылары шықты.олардың аасында С.Жақыпов, Қ.Әміров, С. Нұрпейісов, Ф. Рузаев, С. Сапарбеков, С. Тәжібеков, А. Шымболатов және т.б. бар еді.

1928 ж Қазақстанда жаңа әкімшілік-територияларға бөлу іске асырылды. 1929 ж әкімшілік-териториялық қайта құру негізінен аяқталуымен және Түркістан Сібір теміржолының құрылысының бітуі мен байланысты Қазақстан Автономиялық Советтік Республикасының орталығы Қызылордадан Алматы қаласына көшірілді. Сонымен бірге 20- шы жылдардың екінші жартысынан бастап Қазақстанның қоғамдық-саяси өмірінде қайғылы жағдайлар қалыптаса бастады. Ол сталинизм идеялогиясы неізінде қалыптасқан тоталитарлық жүйенің нығаюымен байланысты еді.

1. 
   ЖЭС-қа өтудің әлеуметтік-экономикалық және саяси алғы шарттары қандай болды?
   
2. 
   ЖЭС-тің екі жақты кезеңінің мәні қандай еді?
   
3. 
   Қазақ АКСР Орталық Комитеттің тұңғыш төрағасы кім болып сайланды?
   

1. 
   Жаңа эканомикалық саясатқа көшу және оның мәні.
   
2. 
   Азық-түлік салғыртын азық-түлік салығымен ауыстыру.
   
3. 
   1921-1922 ж аштыққа қарсы күрес.
   
4. 
   Орта Азияны ұлттық территориялық межелеу.
   
5. 
   Қазақ жерлерінің біріктірілуі.