Кыргыз Республикасынын билим берүү жана илим министирлиги Жалал-Абад мамлекеттик университети

- 96 -
ИММУНИТЕТ 
План
1. Иммунитеттин формалары жана түрлөрү
2. Иммунитеттин механизмдери жана
факторлору
3. Фагоцитоз, сезгенүүнүн коргоо функциялары
4. Фагоцитоз. Фагоцитоздун механизми
Илгертен эле адам кандайдыр бир жугуштуу (инфекциялык) 
оору менен ооруп айыкса, анда ал кайталанып оорубастан, 
аларды кабыл албашы билинген. Орто кылымда чума оорусунан 
сакайган адамдарды, оорулуу адамдарды кароо үчүн жана өл-
гөндөрдү көмүү үчүн иштетишкен. Кээ бир адамдар оор эпи-
демиялык мезгилде да оорубаганы белгилүү болгон. Мунун баар-
дыгын адамдын денеси оору маалында зыяндуу оору козгоочу 
микробдордун таасиринен коргонууну пайда кылары жөнүндө 
ойлоого мажбурлаган. Биринчи жолу Дженнер натуралдык 
оспа оорусунан сактануу максатында адамга уйдун оспасынан 
жасалма жол менен жуктурууну колдонгон. Пастер сактануу 
максатында кутурмага жана сибир жарасына каршы эмдөөнү 
сунуштаган. Мына ошентип иммунологиянын илим катары ка-
лыптанышы башталган. Иммунология илими адамдын организ-
ми көптөгөн жугуштуу ооруларды кабыл албашынын негизинде 
коргоочу механизмдерди жана аларды шарттаган факторлор-
ду изилдөөгө негизделген. 
Ж
угуштуу оорулардын диагностикалоодо жана дарылоодо, 
алдын-алуусунда маанилүү ийгиликтерге Л. Пастер, И. 
И Мечников, Беринг жана Ру, Л. С Ценковский, ГН Габричевс-
кий, Борде, Эрлих ж. б. көптөгөн изилдөөлөрдүн жыйынтыкта-
рынын негизинде жетишишкен. Иммунитеттин кубулуштарын 
изилдөө-ооруларды эскертүүчү препараттарды (вакциналарды) 
түзүүгө, дарылоочу гамма-глобулинди жана дары сары сууну 
алууда, ооруларды диагностикалоодо иммунитеттин реакцияла-
рын колдонууга ыңгайлуу шарттарды түздү. 

жүктеу/скачать 3.49 Mb.

Достарыңызбен бөлісу: