Лакку дуниял (ниттил мазрал лу)

Упражнение

Цими чIун дуссар шинал?

Инт, гъи, ссут, кIи – шинал чIуннурив?

Цумири интнил барзру?

Гъи цуми зурдардий дикIайссар?

Март, апрель, май ссутнил барзрурив?

Декабрь, январь, февраль кIинтнил барзруривкьай, бакъарив?

КIилчинмур бутIа

Ттул цIа Шуаьнатри. На кIюрххила шания бизара. Ттун кIюрххил ссят ряххуннийва бизан багьай. ЧIумуй къабизарча, на университетравун дарсирдайн чIал шайссарахха. Ттун чIал хьун ччан къабикIай. Мунияту на чIумуй бизара.

Шания бизайхту, на гимнастика дара. Гимнастика дайхту, газгу лавхъун, бизара чяйдан. Чяйдан цIарай бизаннин, на ганивун щин дутIара. Щин дуртIун, на чяйдан щинал буцIин бара. Щинал бувцIусса чяйдан цIарайгу бивхьуну, на лагара ваннийлувун. Тиву на кьацI вилагара, щинавунгу бучIара. Чурх шювшукун, лишара. Муксса хIаллай чяйдан щаран бикIай.

Ттун кIюрххил лагавугу [лăга:ву] дурккун, ччатI ва нис дукан ччан бикIай. КIюрххилсса дуркукун [дурку:кун], хъап-шап куну, столдания тахIнигу дуркьун, мигу щинай шюршуну, лавсун ттула бузригу, на анавар буккара университетравун. Бачиннин на дагьанттувухгу бургара. Анавар къабуккарча, на чIал хьунтIиссарахха.

цIу III (цIарал) – огонь

цIарай бизан (бивзун) – ставить на огонь

бизан багьай – приходится вставать

бизан – вставать; поставить

чIал шайссарахха (чIал хьун, чIал шайссара) – ведь я же опоздаю (опоздать, я опоздаю)

ччан къабикIай (ччан къабикIан) – не люблю, не любит (не любить)

чIумуй бизан – вовремя встать, встать не опаздывая

газ II лахъан (лавхъуну) – зажечь газ

дутIин III – налить

ганивун щин дутIин – налить в него воды

чяйдан бизаннин – прежде, чем поставить чайник

щинавун бучIара (щинавун бучIан) – окунаюсь в воду, купаюсь (искупаться) в воде

чурх II (-хал, -ру, -хал/хардил) – тело, туловище

чурх шюшин – искупаться

лишара (лишин) – вытираю (вытереть)

лякъин – находить, найти, оказаться

акъа́ [ăкъа:] – иначе, в противном случае

хъап-шап увкуну – быстро-быстро

тIахIни – посуда

дукьан – убрать

дагьан(и) III (-ттул, -тту, -ттал) – зеркало

бурган II (бурувгун; бургу) – посмотреть

анавар буккара (анавар буккан) – я поторапливаюсь (торопиться)

юхссагу – или же

Упражнениертту

Шуаьнат та бизайсса бур? (Когда встает Шуаьнат?)

Ссят циминний бизайсса бур? (Во сколько она встает?)

Циванни га муксса ччяни бизайсса? (Почему она встает так рано?)

ЧIал хьун ччан бикIайрив ганин дарсирдайн? (Она любит опаздывать на занятия?

Ци дуллан бикIай душ, шанияту бизайхту? (Чем занимается девушка, когда встает?)

Ци дай ганил, гимнастика дайхту? (Чем занимается она после гимнастики?)

Щин дутIайрив чяйдандалувун? (Она наливает в чайник воду?)

Ци зун бикIай га, чяйдан цIарай бивзун махъ? (Чем она занимается после того, как поставить чайник на огонь?)

Душ кIюрххил щинавун бучIайривкьай, къабучIайрив? (Девушка по утрам купается?)

Ци дукай ганил кIюрххилссанун? (Что она ест на завтрак?)

КIюрххилсса дуркувкун, дукьайривкьай ганил тIахIни, юхссагу столданийра кьаритайрив? (После того, как она поест, она убирает посуду, или же оставляет на столе?)

ТIахIни шюшайривкьай, укунна дукьайрив? (Посуду моет или же оставляет так?)

Университетравун нанийни, ци ласай душнил цищала? (Что берет с собой девушка, отправляясь в университет?)

БувчIин бавуртту

цищала II, III – с собой

укунна III – просто так

Мы знаем, что местоимение указательное ва (этот, это, эта) не имеет классового признака. Не имеют классового признака и другие указательные местоимения га, та, кIа (тот, та), но в косвенных падежах классовый признак появляется, их, правда, не три, как обычно, а два: ва – ванал I, ванил II, III, га – ганал I, ганил II, III, та – танал I, танил II, III, кIа – кIанал I, кIанил II, III. Например (масала́ [мăсăла:]): Га лавгунни – Ганал бузри лавсунни, а для II или III групп Ганил бузри лавсунни.

Аналогично и личное местоимение цув (он, она). В именительном падеже оно не имеет классового признака. Производные же от него косвенные падежи имеют классовый признак: цув – цал [цăл] I, цув – цил II, III. Масала́ [мăсăла:]: Цув цIуллу аннав! Цув цIуллу баннав! Цув цIуллу даннав!

Возвратные же местоимения, образующиеся от него, имеют классовый признак всех трех: цува I, цуппа II, цурда III; цала I, цилва II (или цила – здесь в может выпадать), цилла III. Цува (I) хъинсса инсан ур. Цуппа (II) хъинсса инсан бур. Цурда (III) хъинсса къари дур.
Шамилчинмур бутIа

Лакрал тарихравунсса ссапар

Ва текст букки ва буси.

Лакрал паччахIлугърал тарих хъинну хьхьичIавасса бур. ПаччахIлугъ сакин хьусса чIун кIулну дакъар. Амма ваниннин азарда шинал хьхьичIра диркIун дур лакрал паччахIлугъ. Къуртал хъанайрив бур му тарих ХIХ-мур ттуршукулул дянив.

НукIу заманнай Дагъусттаннай ацIунничIан дирсса мюрщисса паччахIлугъру диркIун дур. Миннуву диркIун дур Гъумик тIисса паччахIлугъгу. Мукун тIий чивчуну бур аьрабнал автортурал. Му диркIун дур лакрал паччахIлугъ. Гъумик тIисса махъгу Гъумучи тIисса махъгу цава-ца бур.