Минсизадамжок indd
жүктеу/скачать 6.16 Mb. Pdf көрінісі
|
| ЖАМАН ЕМЕС
Аружан мектептен келгенде, анасы аулада сурет салып отыр еді . Інісі Шыңғыс сол маңда баскетбол ойнап жүр . Ол кітаптарын ас үйдегі үстел үстіне қоя сала, соларға қарай беттеді . – Білесіңдер ме? – деді ол анасының қасына, шөпке отыра кетіп . . . – Білмейтін несі бар? Тағы да бес алдың ба? – деп келеке етті інісі . Анасы Шыңғысқа қатулана қарады . – Күлкімді келтірмеші, Шыңғыс . . . .Анашым, мектепте футбол командасына балалар жинап жатыр екен, – деді Аружан . – Жақсы ғой! – деді анасы . – Футбол – тамаша ойын . Аружан басын изеді де, анасына сүйсіне қарады . Ол бақшадағы қыз ғал- дақтарды қызғылт және күлгін түсті бояуымен салып отыр еді . Ол анасына Гүлжанмен мектеп дәлізіндегі әңгімесін айтып бергісі келді, бірақ әңгімені неден бастарын білмеді . – Сізге сурет салған ұнайды, иә? – деді сөзін басқа арнаға бұрып . Анасы құптай басын изеді: – Сурет салғанда ерекше сезімге бөленемін . Сурет салу – шынымен де сүйікті ісім . Сурет – өмірімнің мәні . – Суретті тамаша саласыз, сондықтан ұнайтын болар, – деді Аружан . – Рақмет . Иә, суретті жап-жақсы салатыным рас . Бірақ сурет салуды ұна- татынымның негізгі себебі ол емес . Маған, мысалы, теннис ойнаған да ұнайды ғой, – деді анасы . Тоғызыншы Тарау 46 – Теннисте үнемі жеңіліп қаласыз, – деп күлді Шыңғыс допты баскетбол себетіне тастап жатып . – Ештеңе етпейді, жеңілгеннен еш жерім кеміп қалмайды ғой, – деп жауап қатты анасы . – Жеңілсем де, жаным қалайтын теннис ойынынан бас тарта алмай- мын . Теннис ойнағанда көңіл күйім көтеріліп қалады, теннисті сол үшін жақсы көрем, – деді анасы . Тағы бір қызғалдақтың суретін салып болып: – Футболға жазылдың ба? – деп сұрады анасы . – Жоқ, бірақ Гүлжан жазылды . – Сен ше? Футбол ойнағың келмей ме? Аружан басын шайқады: – Футбол ойнасам, үй тапсырмасын кім орындайды? – Үй тапсырмасын орындау, әрине маңызды, – деді анасы, қылқаламын қойып, – Көп дүниеге араласатының үшін сені мақтан етемін, әрине . Бірақ, сонымен қатар өте маңызды бір нәрсені ұмытпа . «Кілең бестікке оқу шығар», – деп ойлады Аружан . – Уақытты қызықты өткізу, – деді анасы . Аружан анасының уақытты қызықты өткізу үй тапсырмасын орын-даудан да маңызды деп ойлатынына таң қалды . – Сурет салу мен теннис ойнауға уақыт таба алмасам, көңіл күйім бұзылар еді, – деп қосып қойды анасы . – Жазылар едім, бірақ мен футболды нашар ойнайтын сияқтымын, – деп мойындады Аружан . Футболға жазылмауының негізгі себебі осы 47 еді . Ол өзгелерден нашар ойнайтын ойынға қатысқысы келмеді . Түптеп келгенде, ол барлығынан үздік болуға үйренген ғой . – Онда тұрған не бар екен? – деді анасы . – Жеңілемін деген ойға бола футболға барудан бас тартасың ба? – Жеңіліп қалсам несі қызық? – деді Аружан ызалана . – Неге қызық емес екен? – деп сұрады анасы . – Түсінбейсіз, – деп күрсінді ол, – сіз, мысалы, ешқа-шан жаман сурет салмас едіңіз . – Мені бірден осындай жақсы суретші болып туа қалды деп ойласаң, қатты қателесесің, – деп тіл қатты анасы . – Жүре ғой . . . Ол үйге кіріп, ескі суреттерін шы- ғара бастады . – Мұны сіз салған жоқ шығарсыз! – деді Аружан таңдана әрі шошына . Ол сондай нашар суреттерді анасының салғанына сенбей тұр еді . – Әрине, мен салдым, – деп күлді анасы . – Бұл суреттердің бірде-біреуін ешкім сатып та алмайды . Бірақ мен үшін бұл суреттер сондай ыстық . – Осындай нашар сурет салып жүріп те қылқаламнан безіп кетпеге- ніңізге таң қалам, – деді Аружан . Кенет ол мұндай жағдайда ерекше ерік- жігер керек екенін түсінді . – Ол кезде сурет салуды енді-енді үйреніп жүргенмін . Түстерді араласты рып, су- рет салғанды ұнататынмын . Сурет салу маған шабыт бер ді . Ал, жақсы сурет салу – бәліштің бетіндегі тәтті қаймақты жеген сияқ ты ғой . Көңіліңді көтере түседі, – деп түсіндірді анасы . Аружан анасының сурет салуды өте жақсы көретінін енді түсінген еді . 48 – Футболды жақсы ойнай аламын ба, жоқ па – екінші кезектегі мәселе . Алдымен өзіме ұнаған соң, үйірмеге жазылуым керек екен ғой, – деді Аружан . – Әрине! – Сіздің сурет салуды үйреніп кеткеніңіздей, мен де допты жақсы тебе бастармын . – Дұрыс айтасың! Ол үшін шыдам мен көп дайындық қажет . Әрі жаңа достар да табарсың, – деді анасы . – Осы үшін-ақ футболға жазылуға болмас па? – Ал, футбол кейін ұнамай қалса ше? – Ештеңе етпейді . Онда фут болға қатыспай-ақ қоясың . Бас қа бір ермек табасың . Бірақ қазір қызығып тұрған соң, футболға барып көрмесең, оның саған ұнайтын, ұнамай-тынын қай- дан білесің? Аружан сәл кідіріп барып: – Анашым . . . Доп тебуді үйрене алмасам, маған рен- жіп қалмайсың ба? – деп сұрады ол анасынан . Ол бәрінен бұрын ата ана сын ренжітіп алудан қатты қор- қатын . – Жоға . – Анасы күлім-сіреп Аружанды бауырына тартты . – Неге олай дейсің? Аружан үндемеді . Шыны-мен де неге олай ойлайтынын өзі де білмейтін еді . – Аружан, әкең екеуміз сені мақтан тұту үшін тек қана беске 49 оқуға немесе футболдан чемпион болуға міндетті емессің, – деді анасы . – Түптеп келгенде, біз сені осы қалпыңда жақсы көреміз . Аружан қуанып кетті: әрбір салада ерекше болуға, әрбір істі мінсіз атқаруға тыраштанудың түк те қажеті жоқ екен . Ол өзіне ұнайтын іспен ғана айналысып, сол салада топ жара алады . Жаңа нәрсені бастаудың себебі тым көп . Үздік болудан бұрын, ол іс ең алдымен өзіңе ұнаса ғажап емес пе?! Аружан футболға жазылғысы келетінін түсінді . 50 |