157
АЙЮБ (АЛӘЙҺИС-СӘЛӘМ)
Аллаһ тағала Құранда төзімділік
пен сабырлықта адамдарға
өнеге-ғибрат еткен пайғамбарлардың бірі, Аллаһтың елшісі –
Айюб ибн Мус ибн Разах ибн әл-Ғис ибн Исхақ ибн Ибраһим.
Аллаһ тағала:
«Оның (Ибраһимнің)
ұрпақтарынан Дәуіт,
Сүлеймен, Айюб, Юсуф, Мұса және Һарунға (тура жол
көрсеттік)
»
1
;
«Сондай-ақ Ибраһим, Исмаил, Исхақ, Яғқуб пен
ұрпақтарына және Иса, Айюб, Юнус, Һарун және Сүлейменге
уахи еттік»
2
, – деп айтқан.
Аллаһ тағала оны елші етіп таңдап, Шам аймағындағы Хуран
деген елге жіберді. Тәпсір және тарих ғұламаларының пікірінше,
Аллаһ тағала оған көптеген нығметтер тарту еткен. Оның
аумақты жерлері, үйір-үйір
малдары мен қызметкерлері, ірі-ірі
сауда көздері болған. Жеті ұл, жеті қыз перзент сүйген дені сау,
бақуат кісі еді. Шын мәнінде де, Аллаһ оған деген нығметтерін
аямаған-ды. Сосын Аллаһ тағала
оны төзімділікте өзінен
кейінгілерге үлгі-өнеге болуы үшін сынауды қалады. Өйткені
пайғамбарлар ең көп сынаққа алынатын адамдар.
Пайғамбарымыз (с.а.с.):
«Ең ауыр сынаққа түсуші –
пайғамбарлар, сосын ізгілер, сосын сол секілділер және сол
сияқты», – деген
3
.
Сөйтіп, Айюб үшін сындарлы кезең басталды.
Айюбтың сынаққа алынуы
Оның бар мал-дүниесі таусылып,
кембағалға айналды, бір-
бірінің артын алып ұлдары мен қыздары өлім құшты. Сосын
1
«Анғам» сүресі, 84-аят.
2
«Ниса» сүресі, 163-аят.
3
Хадисті әл-Бұхари мен Муслим жеткізген.
