Педагогика
Адамның есі тағы тѳмендегі түрлерге бѳлінеді
жүктеу/скачать 2.51 Mb. Pdf көрінісі
|
- Бұл бет үшін навигация:
- Адам ѳмірі үшін естің керектігі.
- Баланың есі.
| Адамның есі тағы тѳмендегі түрлерге бѳлінеді:
1) Кѳру есі. Кѳру есі күшті адам нәрсенің сыртқы түрін есінде ұстап қалады. Мысалы, таныс адамдарының пішіні есінде болады, аты, фамилиясы есінде болмайды. Яки бір шәкірт бір пәннің бір жерінен жауап беріп тұрғанда сол пән кітабының айтып тұрған сѳздер жазылған бетін кѳргендей болады. 2) Есту есі. Есту есі күшті адам заттың дыбысын есінде ұстампаз болады. Мысалы, кейбір адам таныс адамдарының аты, фамилиясы, пішінін де ұмытып қалып, жалғыз даусын ғана есінде ұстайтын болады. Яки кейбір шәкірт сабақты ѳзі 79 оқығаннан да мұғалімнің сѳйлегенін тыңдағанда тез жаттап алатын болады. 3) Қозғалу есі яки мотор есі. Қозғалу есі күшті адам заттың қозғалуын есінде ұстайтын болады. Мысалы, кейбір адам таныстарының жүріс-тұрысын ұмытпайтын болады. Адамда осы ес түрлерінің біреуінің күшті болуы кѳбінесе тұқым қуалайды. Мысалы, әнші, домбырашы, ѳлеңшінің баласында есту есі күшті болады. Және бір адам кѳңіл қойған нәрселеріне есті болып, кѳңіл қоймағандарына ессіз болуға мүмкін. Мысалы, ѳлеңші ѳлеңді тез жаттампаз болады. Атақты жаратылыс ғалымы Линей ѳсімдік аттарын жаттауға шебер болған да, шет тілдерді үйренуге тым-ақ топас болыпты. Адам ѳмірі үшін естің керектігі. Ес ѳмір үшін аса керек. Ес болмаса, бүгін жаттағанын бүгін ұмытып тұрса, ѳмірінде адамның білімі артпас еді. Адам адам да болмас еді. Ес болса ғана адам білімді бола алады. Ес болса ғана адам дұрыс ойлай алады. Ес неғұрлым мол, бай болса, ой да терең болады. Терең ойлы адамдардың аса есті болғандығы бізге тарихтан белгілі. Балада ес болмаса, оған ешбір нәрсе үйретуге мүмкін емес. Сондықтан тәрбиеші баланың есті болуына аса кѳп күш жұмсау керек. Баланың есі. Жеткен адамның есіне қарағанда баланың есі тым әлсіз. Бала тез ұмытады. 2–3 жасар бала аз уақыт ата- анасынан айырылып тұрса, оларды танымай қалады. 9–12 жасар бала шетелде ана тілін біржола ұмытып қалады. Бала ұмытып қалып, бір нәрсенің атын қайта-қайта сұрай береді, бір кѳрген нәрсесін қайта-қайта қарай береді. Ес түрлерінен балада есту есінен кѳру һәм қозғалу есі күшті. жүктеу/скачать 2.51 Mb. Достарыңызбен бөлісу:
|