Сюймекликге харс. Акъ башлыгъым, къара джамчым къарачай

Алай а, дуниялыкъда кибик,

Къуугъун сёзюмю эшитмейсиз сиз.
Аллахны Сёзюне къулакъ иймегенле

Мени сёзюмеми тынгыларыкъла?

Бош къалады алагъа кёлюм,

Джанымы бош къыйнайма алагъа.

Миллет ючюн тюл, уммет ючюн,

Адамланы барын муслиман этер ючюн,

Джангыз да аны ючюн

Керекди кюреширге, сермеширге...».

Былай айтыб, ауаз берген джахил молла,

Тынгыла, ангыла, сора тюз сёлеш.
Аллах бизге ангы, эс, тил да бериб,

Джашаргъа джурт да бериб,

Къауум-къауум этиб, джайгъанды джерде.

Джуртугъузгъа-тилигизге-къауумугъузгъа –

Мен берген затланы барына –

Сакъ болугъуз дегенди.

Ала ючюн шейит болургъа хазыр болмагъан,

Ала ючюн къазауат, уруш этмеген –

Къуллукъ этеди Аллахха тюл, шайтаннга.

Дунияда налат-ирият, ахратда да джаханим хазырды анга.
Ол дуниядан да бу затланы айтама сизге –

Эшитмейсиз – къулакъларыгъыз бекле.

Аланы ачар ючюн джаханим оту керекди.

Уяныгъыз!

Уялыгъыз!

Къоркъугъуз!

Тюшюнюгюз!

Кечикгинчи.

Алкъын барды заман.

Заман...

Уллусу уллу тонгуз:

Къайры къачхын быладан?

Таууш келди къыбладан:

Къоюб къачсанг – кимсе сен?

Сагъыш эт онгсузлагъа –

Халкъны унутсанг кимсе сен?

Хакъны унутсанг кимсе сен?
Аллах берген дининги,

Аллах берген тилинги

Борчду сеннге сакъларгъа,

Джакъларгъа эм джаяргъа.

Джаша дегенди Аллах.

Джуртунгу да, халкъынгы да

Сакъла дегенди Аллах.

Къуран келгенди Андан.

Аллахны сёзюдю ол,

Анаясад сизге ол.

Къоюб къачсанг – кимсе сен?

Сагъыш эт адамлагъа –
Халкъны унутсанг кимсе сен?

Хакъны унутсанг кимсе сен?

Кёлде – тенгизле, таула да,

Ёлгенле, саула да,

Къышла, джайла да –

Чексизди адамны кёлю.
Таша, туру дунияла да,

Джаны болгъан, болмагъан да,

Нюрден, отдан, топракъдан джаратылгъан да –

Бары адамны кёлюнде.

Халал, харам да,

Джаннет, джаханим да –

Бары адамны кёлюнде.

Акъ, къара къыямала да,

Къалюбалала, ахырзаманла да,

Джаратылыу, айныу, ёлюу, тирилиу да –

Бары адамны кёлюнде.
Игилик, аманлыкъ да,

Халаллыкъ, харамлыкъ да,

Эслилик, хайуанлыкъ да,

Мёлеклик, адамлыкъ да,

Иманлыкъ, имансызлыкъ да –

Бары адамны кёлюнде.

Мийик бла алаша,

Рахатлыкъ бла къайгъы,

Сюймеклик бла кёрюб болмау,

Саулукъ бла ауруу,

Керти бла ётюрюк,

Тюзлюк бла терслик,

Билим бла джахиллик,

Къууанч бла къыйынлыкъ,

Нюр бла от,

Иман бла шайтан.

Джашау бла ёлюм,

Тохтаусуз тюбешген, кюрешген,

Сермешген къазауат этген джерди

Адамны кёлю.
ДЖЕТИ КЪАТ СЁЗ
Аллахдан джашау тилейме –

Джети джыл.

Джазаргъа излейме

Джети джыр.

Джети тизгинден,

Хар тизгин да –

Джети сёзден,

Хар сёз да –

Джети харифден.

Джети къат джерге,

Джети къат джюрекге,

Джети къат халкъыма,

Джети къат джуртума

Къояргъа излейме

Джети къат Сёз.

Аны ючюн айтама аджалгъа-болджалгъа:

Сабыр бол, тёз.
ЁЛЮМСЮЗЛЮК ТИЛЕЙМЕ АЛЛАХДАН
Суу джагъада джашил талачыкъда

Мингджыллыкъ Джангыз Терекни салкъынында

Кетгеннге, келликге да сагъыш эте,

Игиликге, халаллыкъгъа алгъыш эте,

Бу дуниягъа, бу кюннге алгъыш эте,

Къадаргъа шукур эте,

Олтурама. Къанатлыла да солуйдула

Терек бутакълагъа къонуб.

Бутакъланы аралары бла тийген

Кюн таякъла къатыш тюшелле кёлюме

Аланы джырлары.
Шоркъулдаб баргъан тау сууну тауушу,

Чексиз кёкде тебсей, джырлай учхан къанатлыла,

Кюнбетде таугъа ёрлеб баргъан нарат терекле,

Кёбню кёрген, башы агъаргъан Минги Тау,

Тёгерекге рахат джайылыб, отлай тургъан малла...

Бу тюшмюдю, тюнмюдю?

Бу тюлмюдю джаннет деген?

Хоу, дунияны, джашауну джаратхан ким эсе – Олду

Чексиз Къудурет, Уллулукъ, Игилик, Халалыкъ, Тазалыкъ.

Дунияны, джашауну тюб этерге да

Аны къолундан келликди джангыз.
Алай а, тюб этерик болуб,

Джаратхан болмаз да Ол бизлени?

Ёзге не мурат бла бизни джаратханын,

Джашатханын, къаушатханын, тирилтиригин да

Биз къайдан билейик?
Тилегим къабыл боллукъ болса,

Уллу Аллахдан джангыз муну тилер эдим:

Иман, саулукъ, тынчлыкъ-эсенлик, ёлюмсюзлюк бер Адамгъа,

Анга джашаргъа буюргъан джеринге-дуниянга да

Ийме палахларынгы, ахырзаманынгы.

Бу дунияда иман бла, насыб бла, къууанч бла

Ёмюрлюкге джашаб турургъа къой бизни.
ОЛСАГЪАТДА
Кёлюм тауладан мийик,

Тенгизледен кенг эди.

Джети къат чууакъ кёкге,

Чексиз кёкге тенг эди.

Малдан толу эд арбаз.

Минги Таугъа айланыб,

Анам къылаед намаз.

Тилленеед аязда.

Сау къайытыб сюргюнден

Тирилгенек Кавказда.

Кёбню кёрген нартлагъа –

Туугъан джерге къабланыб,

Джылай тургъан къартлагъа.

Къыйынлыкъ да болгъанын:

Халкъыбызны джарымы

Сюргюнде къырылгъанын.

Чыкъгъан джан тёнгегине

Къайытхан кибик, алай,

Къайытханед джуртуна

Ол дуниядан Къарачай.

Тау джуртуна термилген,

Ахрат азабын сынаб,

Ёлюб кетиб, тирилген,

Сеннге джетген палахны...

Энди джашаргъа кюреш

Чамландырмай Аллахны.

Сабийча ышаралла таула.

Бюгюн кёлюм да – кемсиз:

Ушайды тенгизге, таугъа.

Сабийча ышаралла таула.

Кёк да, умут да – чексиз:

Джашаб турургъа излейле саула.

Ёлмей, аурумай, къарт болмай,

Джашаб турургъа излейле саула.

Ауушдурмаз дуниясын ахратха.

Амал табсала, ёлгенле да

Къайытырелле бери, артха.

Джаханим этиб кюрешсе да адам,

Джер джашау, дуния аллай сейирликди –

Иманлы да къыйналыб айырылады андан.

Къайтарыб соралла ангы бла джюрек:

Адам топракъдан джаратылгъан эсе,

Ызына топракъ болургъа къоркъады нек?

Тынгысыз эте болурламы аны?

Огъесе иманны джокълугъу не да азлыгъы болурму

Экили этген, насыбсыз этген аны?

Сабийча ышаралла таула.

Бу джарыкъ дуниягъа къара кюн келмез –

Джашау ёлмез, ахырзаман келмез –

Деген умут бла джашайла саула.
ХАЛКЪЫМ БЛАДЫ ХАР КЪУРУ ДА ДЖЮРЕГИМ++
Бюгече бек къыйналгъанымда,

Не эсе да Къайсын тюшдю эсиме.

Ол ауругъанда барыб бир кёралмадым –

Ол затны кечалмайма кесиме.

Тебрегенинде «Бусакъла»-ны кесерге,

Аурууундан къыйналыб тургъан Къайсын,

Несин да унутуб, тургъан эди ёрге.

Сагъышланыб айтхан эди ол:

«Не да болсун джуртунгдан сууума,

Не болсанг да халкъынг бла бол.

Осуят этгенча айта эди аны.

«Халкъыбыз, тилибиз, тамблабыз» дегенлей,

Кетди Къайсын – керти Адамы дунияны.

Назму башха тилде да джазаллыкъ эди.

Тыш къралланы эм маджалында

Къалайым десе да къалаллыкъ эди.

Халкъын къоюб кетмеди тышына.

Къууанчда, бушууда да халкъы бла болду –

Башха насыб излемеди башына.

Ёлгенинде да кертилей къалды

Чегемини Агъачына, Ташына.

Не эсе да, Къайсын тюшдю эсиме.

«Энди артха къайытыргъа джол да джокъ –

«Хайт» де»,- дедим тыш къралда кесиме..

Къайда къалыр, мен билмейме, тёнгегим.

Шийирим а – джуртха учхан къанатлы,

Халкъым блады хар къуру да джюрегим.

Къая ранда гелеуге келгенча:

Турна таууш эте, кетеди къууанч –

Джаныбыз саулай, болабыз ёлгенча.

Къачхы джелге сыбызгъы болургъа сюймейме мен.

Джазгъы табигъатдан, джашил сезимледен

Ариу чакъ, иги кёзюу билмейме мен.

Ол джети къат кёкден келгенчады эниб.

Атлы, къанатлы да къутулуб шыбладан

Туугъан джуртларына баралла джетиб.

Азан тауушха бурулады джюрек.

Аллахны нюрюдю ёлюмсюзлюк, джашиллик.

Сау къалыгъыз, джаш гюнахла, джахиллик.

Мен кесим да кёб джерде болгъанма терс.

Турна къычырыкъ этген джаныма,

Азан таууш табдырады эс.

Ана джаным да – Трам.

Джаным, джуртум – Къарачай,

Элим: Хурзук, Учкулан.

Эллеримле была да.

Бирча джууукъла меннге

Шимал Кавказ, къыбла да.

Минги Тау да – аккача.

Къарачай бла Малкъар да –

Медина бла Меккяча.

Къадау Ташы Халкъымы.

Мен – Билалма, билеме

Магъанасын атымы.

Мёлек айтад: джаз муну.

Аллах буюргъан кибик

Джазама мен назмуну.

Ачхан китабды Къуран.

Айтама хар сёзюмю

Къычыргъан кибик азан.

Аны танытды Аллах.

«Къаара джай халкъ бол,- деди,-

Джахил эм уллу палах».

Атым болду Къарачай.

Джер джолуму джарытды

Кёкден джулдузу бла Ай.

Биз кёкден келген Сёзню.

Иман бла окъуу-билим

Къутхарлыкъдыла бизни.

Алай а, тенгиз джутса балыгъын,

Джер джутса юсюндегилени,

Кёк урса Джерни, джердегилени –

Къыйынды англагъан аны.
Кёк-Джер – бизни атабыз-анабыз.

Ала къайырылсала бир-бирине,

Ала айырылсала бир-биринден,

Аладан келсе палах, къыйынлыкъ –

Къыйынды англагъан аны.
Джашау чыракъ джукъланныкъ эсе,

Къарангы дунияны кючлерик эсе,

Адамны сёзю, оюму, иши, кюреши –

Бары да зыраф боллукъ эсе,

Джаратылдыла Кёк, Джер да,

Дуния, джашау, адам да?

Не магъана бла, не мурат бла?

Ким ючюн, не ючюн?
Ёлюм джашаудан баш боллукъ эсе,

Къарангы джарыкъны джутарыкъ эсе,

Джолубуз алай бошаллыкъ эсе,

Сора...
Огъай, алай боллукъ эсе да,

Алай болдурмаз джанындан кюреширге,

Къарангы бла, къара кючле бла сермеширге,

Сермеше тургъанлай тюшерге къабыргъа,

Ахыргъа дери Адамлай къалыргъа –

Ма акъылманлыкъ эмда джигитлик.

Ансы,

Ёлгенден сора тириллигин билиб турса,

Къыямат Кюннге, ахратха ийнаныб турса,

Джашауун анга кёре къурса,

Сора не бюсюреу адамгъа –

Игит да болады ол иги, халал.

Экили, ишекли бола тургъанлай,

Не да –

Джаннга, джанны ёлюмсюзлюгюне да ийнанмагъанлай,

Аллахха ийнанмагъанлай,

Аллах айтханча джашагъанла,

Хайуанлыкъгъа, джаныуарлыкъгъа кеслерин дженгдирмей,

Игиликге, халаллыкъгъа – Адамлыкъгъа берилиб,

Ёлгюнчю алай джашагъанла –

Тюлмюлле ала да махтаугъа тыйыншлы?!
Аллахдан, адамдан, къралдан къоркъуб тюл,

Ёлюмден, азабдан къоркъгъандан тюл,

Дуниядан, джаханимден къоркъгъандан тюл,

Адам болгъандан, намысы, бети болгъандан,

Зулмугъа, терсликге, ётюрюкге къаршчы туруб,

Керти адамча, эркишича джашагъанла, ёлгенле,

Иги адам, халал адам болалыб ёлгенле,

Иманлылагъа чакълы салама сизге да махтау.

Игиликге, халаллыкъгъа – адамлыкъгъа къуллукъ этгенле,

Барыгъызгъа да тилейме насыб.
АЛАДАН ЮРЕНЕЙИК
Имансызла имансызлагъа берген

Шайтан къаугъасы, Нобель саугъасы –

Керекмид меннге?
Гяуур кърал къулларына берген,

Ибилис шайтанларына берген

Саугъала керекмилле меннге?
Гъарб поэти, шаркъ поэти да тюл,

Халкъ поэти, бютеудуния поэти да тюл,

Джер поэти, Кёк поэти да тюл –

Хакъ поэти, Акъ поэти!

Ол атха тыйыншлы болгъанды насыблы.

Ол атха тыйыншлы юч уллубуз,

Юч сыйлыбыз барды:

Кязим хаджи, джырчы Сымайыл, назмучу Къайсын.

Тюз джашаргъа да, тюзюн джазаргъа да,

Адамлыкъгъа да, муслиманлыкъгъа да,

Умметчиликге да, миллетчиликге да

Аладан юренейик.
КИМДИ, НЕДИ БИЗНИ КЪУТХАРЛЫКЪ?
Бу шашхан, аджашхан, къатышхан дунияда,

Зулму бла ётюрюк баш болгъан дунияда,

Сый, намыс, бет тас болгъан дунияда,

Мурдар бла тоноучу оноучу болгъан дунияда,

Адамдан бошадыкъ деб, шайтан той тутхан дунияда,

Кимди, неди бизни къутхарлыкъ, сакъларыкъ?

Къутхарлыкъла адам улуну»,- дедик биз.

Къутхаргъан къой, къурутургъа

Аз къалыб тургъанын кёребиз биз.

Къыйынлыкъды, адамдан, дуниядан да бошарыкъ.

Ибилис не ючюн болгъанды Ибилис?

Билим кереклими? Огъай,

Иман керекли.
Ол аны ючюн болгъанды ассы.

Аны ючюндю Аллахха, адамгъа да душман.

Аллахха джау, адамгъа да джауду,

Адамгъа джау, Аллахха да джауду.

Имансыз билим, имансыз джорукъ –

Былалла къоркъуу салгъан бютеу дуниягъа.

Бизни къутхарлыкъ иманды, динди,

Аллах айтхан джашауду бизни къутхарлыкъ.

Кесибизни къутхарлыкъ да кесибизбиз джангыз.

Аллах буюргъанча джашаб,

Кесибизни къутхарлыкъ кесибизбиз джангыз

Мен джетмеген джер,

Мен этмеген джыр,

Мен сюймеген къыз

Къалмады...

Дагъыда,

Бир тоймадым, къанмадым.

Джер джашаудан тояргъа?

Бу дунияны

Разы болуб къояргъа?

Адам кибик насыблы?

Джан болурму

Адам кибик насыбсыз?

Къысхартса да ёмюрюн,

Билиб турса да

Кетеригин, ёллюгюн,

Джашайды.

Сёзюн, ишин

Аллах бла башлайды.

Ахырзаман келмез деб,

Кеси ёлсе да,

Адам улу ёлмез деб.

Сермешеди,

Джер дуниясын джаннет этиб,

Кюрешеди.

Къутулалмай къайгъыдан,

Суудан тутуб да,

Салыныучанды къаядан.

Тюнгюлсе,

Шайтан аны хорлагъанча,

Кёрюнсе,
Ол дуниягъа, керти дуниягъа

Ийнанады.

Анда тюзлюк хорларына

Ышанады.
Ачы кертиден татлы ётюрюк бла

Къутулады.

Иманы да толу болмай

Къыйналады.

Ай зауаллы джер адамы,

Ай зауаллы кёк адамы,

Тейри адамы!
Къайгъынгы, джарсыуунгу

Ким кёрсюн?

Сеннге тюзлюкню, ёлюмсюзлюкню

Ким берсин?

Бир джилтин.

Джаннганыча, джукъланыр деб,

Барды къоркъуу.

Да не этейик, кюрешейик

Джукълатмазгъа.

Джукъланнгынчы кюрешейик

Джашаргъа, къууаныргъа.

Терекча.

Терекча.

Терекча.

Терекча.

Терекча.
Джашаргъа, ёлюрге да юренейик

Табигъатдан.

Джангыдан тирилирге да юренейик

Табигъатдан.
Башха эслилик, акъылманлыкъ

Кёрмейме мен, билмейме мен.

Джолунгу джарытсын иман.

Джашауунга джорукъ болсун Къуран.

Борч этме, бар эсе – тёле.

Джаша, джашаудан къууан.

Ёлюмге да таукел тюбе.
Эй зауаллы джер адамы,

Ай зауаллы кёк адамы,

Тейри адамы,

Аллах болушсун сеннге.

Мен да – Аллах джаратхан джанладан бириме.

Аягъым, тишим – башыма мадарым.

Не этейим – алайды къадарым.

Анга шагъатдыла Кёк, Джер, джулдузла, Ай.

Кийик уугъа чыгъыучанма мен.

Кече узуну чабыучанма мен.

Чабмайма алыр ючюн сый не махтау.

Къыдырама ёзенлени, мийиклени,

Джашар ючюн тутама кийиклени.

Мен аланы узакъ заман джыйлайма, ызлайма.

Дагъыда меннге джетгени бир рахыны, асхагъы,

Алагъа да разыма – ачды къарным.

Кёкге да улуучанма-тарыгъыучанма не этерге билмей.

Къабар къабынымы сыйыргъанла да барла,

Терс сёлешиб джюрек джаргъанла да барла.

Дейди адам атлы, эки аякълы бир хайуан.

Андан осал билмейме джаныуар.

Ол уугъа, мурдарлыгъы къоймай, чыгъар.

Ол уугъа чыгъады кёз ачар ючюн,

Ёлтюреди кёз ачар ючюн.
Шкок бла, ит бла джюрюйдю уугъа,

Аны да санайды кесине махтаугъа.

Сатлыкъ, амантиш итле бла бирге

Адамды мени эм уллу джауум –

Ёмюрде да къурумаз анга дертим, дауум.
Барыбызгъа да къыйынлыкъгъа джаратылгъанды адам.

Кесичалагъа, кесича болмагъанлагъа да джауду адам.

Кесин да, тёгерегин да къурутады, ашайды.

Кюнден кюннге амандан аман бола джашайды.

Бёрюле, кийикле да сюймейбиз аны,

Учхан, джюзген, сюелген, сюркелген да сюймейле аны.

Адам кеседи терекни, малны.

Башханы саулугъуна, джашаууна да джауду адам,

Кесини саулугъуна, джашаууна да болады заран.

Табигъатдан, кесинден да бошайды адам,

Къутургъан джаныуаргъа ушайды адам.

Дагъыда бизни терслерге кюрешеди,

Кесин акъыллы этиб сёлешеди.

Къалюбаладан келген тенгликни, тюзлюкню, эркинликни къурутхан,

Джаны болгъаннга, болмагъаннга да эм ачы джау, душман,

Бютеу дуниягъа, джашаугъа къоркъуу салгъан –

Адамды.
Адам къурумай, думп болмай джерден,

Тынчлыкъ-Рахатлыкъ,Тюзлюк-Эркинлик боллукъ тюлдю джерде.

Табигъатны, табигъат джорукъну, барыбызны,

Адам кесине бойсундурургъа, къул этерге излейди.

Аллах болургъа излейди адам.

Ма аны ючюн къурургъа керекди адам.

Адамдан къутхар, уллу Аллах, бизни.

Адебсизле, джийиргеншлиле – эсимделле бары.

Аллах харам этгенни ала этелле халал,

Аллайланы къул этиб керпесленеди кърал.

Гяуур хорлайды бизни аллайланы юсю бла.

Ол итле джоядыла халкъны бетин, адетин.

Аллайланы баш этиб, тюб этелле миллетни.

Дуния намыс демеген, ахрат азаб демеген,

Халкъым-джуртум демеген, Хакъ джолну излемеген,

Ой нюрден эсе кирни сайлагъан пасыкъ къауум.

Муслиманлыкъ, адамлыкъ не болгъанын билмеген,

Ибилисге, шайтаннга алдатханла кеслерин,

Дуния малгъа бургъанла акъылларын-эслерин.

Билгенлери аманлыкъ: тоноу эмда мурдарлыкъ.

Билгенлери сыйсызлыкъ: ичкичилик, зийналыкъ.

Тегене ючюн сыйларын, намысларын атханла,

Къарын ючюн халкъларын, джуртларын да сатханла.

Ала ючюн бизге да азаб келир Аллахдан.

Ичкиге хорлатхан халкъ ол бошайды кесинден,

Шайтан оноу этеди энди анга ичинден.

Ички джюрюген джерде джокъду иман, намыс да,

Ички бла айтылса - къаргъыш болад - алгъыш да.

Ичкини джайгъан кърал кёргюзтеди джаулугъун.

Ичкини джайгъан адам – амантишди, сатлыкъды,

Ол табады гяуурдан къара иннет, джакълыкъ да.

Эм ачы джаулары халкъны - ма аладыла ала.

Ичкичиликни, ичкини къурутмасакъ тюбю бла

Ол бизни къурутургъа тебрегенди ажымсыз.

Той туталла душманла, этедиле бизге джыр.

Къазауат бла сюргюн бла хорлаялмалла бизни,

Динибиз, тилибиз да сау – онглаялмалла бизни.

Узакъ, джууукъ джаула да эслегендиле аны.

Халкъыбыз къуралгъанлы эм уллу къоркъуу салгъан

Душман кимди? Тимурму, Сталинми? Огъай.

Ма ол душман бла этейикчи къазауат,

Ичибизде шайтаннга ачайыкъчы биз джихад.
ФАЙГЪАМБАРГЪА УША
Аман аууз ачма,

Аман джора этме.

Не болса, да таукел бол –

Кёлню аман этме.

Аллах айтханча джаша.

Иманлы бол, Адам бол,

Хакъ Кертиге элтир джол.

Ма ёзденлик, адамлыкъ.

Зорлукъ этме, этдирме,

Терсге тюзню дженгдирме.

Къутулур ючюн азабдан,

Ибилисден, шайтандан

Джюреклени азатла.

Къара кючлеге къойма,

Шайтаннга бериб аны,

Ёзден бетинги джойма.

Шайтандан сакълар ючюн,

Терсейген джюрекден да

Шайтанны къыстар ючюн,

Кёкде, джерде къазауат.

Сен да ары къошул да,

Сыйлылача эт джихад.

Адам джюреги ючюн

Ёмюрледен бери да

Келедиле сермеше.

Тюзлюк ючюн, Хакъ ючюн,

Аланы бирликлери ючюн,

Шайтанны хорларыкълары ючюн,

Къазауатха кирмеген,

Сермешмеген, ёлмеген,

Адам да тюлдю ол,

Эркиши да тюлдю ол.

Файгъамбарлагъа уша,

Аллах айтханча джаша,

Хакъ кертиге къуллукъ эт.

Ибилисден, шайтандан

Джуртну, халкъны азат эт.
АХЫРЗАМАННЫ КЁРЮНЮУЮ
Бир азаб ёмюрге тенг

Не кече ётдю:

Кёк къаралыб, кюкюреб, чартлаб, булгъаныб,

Джер илгениб, тебрениб, джарылыб, от къуса;

Таула гюрюлдеб, оюла, кюл-кёмюр бола;

Кёк бла джерни арасында тенгиз,

Шын-шын тургъан толкъунлары бла

Кёкде шыбыланы джукълатыргъа излегенча,

Чайкъалыб, къатланыб, тёгерек бурула;

Итле улуй, къой-эчки макъыра, малла ёкюре;

Джаныуарла да кыскыныкда, башларын къайры атаргъа билмей,

Бир чегетден къача, бир чегетге къача;

Адамла да не кёкден, не джерден болушлукъ табмай,

Абызыраб, акъылдан шашыб, ары-бери чаба –

Кимин суу элте, кимин от ырхы ала,

Кимин кёк ура, кимин джер джута;

Кёк, джер, суу, от,

Кёкдеги, джердеги, суудагъы да –

Бары булгъаныб, къатышыб;

Джюз минг таууш, къычырыкъ, сыйыт;

Гюнахлы джерге ахырзаман келиб,

Дуния, ахырат айырыла тургъанча,

Джаннет, джаханим ачыла тургъанча,

Джангы Алам, джангы дуния джаратыла тургъанча;

Сора джангур – джерни сууу кёкге чыгъыб, ызына къуюлгъанча;
Танг аласында уа – бир шошлукъ-рахатлыкъ;

Кюн тийиб, кёк чууакъ, тенгиз да сютча уюб;

Джангыз къырылгъан миллет, оюлгъан шахар

Ётген къыйынлыкъгъа – эскертме, шагъат.

Адамгъа тюшюнюрге, кесин бегитирге,

Къыямат кюннге хазырланыргъа заман бере,

Ахырзаман алай келлик болур.