ТМККК шеңберінде және (немесе) МӘМС жүйесінде мамандандырылған медициналық көмек алу үшін пациентке диагностикалық қарап-зерттеулерге және бейінді мамандардың консультациясына жолдама рәсімдейді

ТМККК шеңберінде және (немесе) МӘМС жүйесінде мамандандырылған медициналық көмек алу үшін пациентке диагностикалық қарап-зерттеулерге және бейінді мамандардың консультациясына жолдама рәсімдейді.

Емделушіге емдеу әдістері мен тәсілдерін, сондай-ақ қолданылатын медициналық мақсаттағы құралдар мен бұйымдарды таңдау мүмкіндігі, скринингтік және профилактикалық қарап-тексерулерден өту қажеттілігі туралы хабарлайды.

Емделушіге емдеу әдістері мен тәсілдерін, сондай-ақ қолданылатын медициналық мақсаттағы құралдар мен бұйымдарды таңдау мүмкіндігі, скринингтік және профилактикалық қарап-тексерулерден өту қажеттілігі туралы хабарлайды.

119. Ересек халықтың нысаналы топтарын скринингтік зерттеулер әртүрлі аурулардың ерте сатысында дамуын, сондай-ақ олардың туындау қаупі факторларын анықтау және алдын алу мақсатында "Скринингтік зерттеулерге жататын адамдардың нысаналы топтарын, сондай-ақ осы қарап-тексерулерді өткізудің қағидаларын, көлемі мен кезеңділігін бекіту туралы" Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-174/2020 бұйрыққа (Нормативтік құқықтық актілерді мемлекеттік тіркеу тізілімінде № 21572 болып тіркелген) (бұдан әрі – № 174 бұйрық) сәйкес жүзеге асырылады.

120. МСАК ұйымына скринингтік зерттеулер жүргізу үшін:

1) ҚР ДСМ-№ 174 бұйрыққа сәйкес халықтың медициналық ұйымына тіркелген санынан скринингтік зерттеулерге жататын адамдардың нысаналы топтарын қалыптастырады;

2) осы зерттеулерді жүргізу үшін бейінді медициналық ұйымдармен сабақтастықты қамтамасыз етеді;

3) скринингтік зерттеулерден өту қажеттілігі туралы халықты хабардар етеді;

4) жүргізілген скринингтік зерттеулерге ай сайынғы талдау жүргізеді.

121. Қатерлі ісіктер анықталған және (немесе) күдіктенген кезде пациенттерді тексеру "Жасыл дәліз" бойынша – жалпы кезектілік пен шектеулерден тыс амбулаториялық жағдайларда он сегіз жұмыс күні ішінде "Қазақстан Республикасының халқына онкологиялық көмек көрсетуді ұйымдастыру стандартын бекіту туралы" Қазақстан Республикасы Денсаулық сақтау министрінің 2021 жылғы 12 қарашадағы № ҚР ДСМ-112 бұйрыққа сәйкес (Нормативтік құқықтық актілерді мемлекеттік тіркеу тізілімінде № 25167 болып тіркелген) жүргізіледі.