Әтнә районы Күәм урта мәктәбенең 2010-2011 нче уку елы буенча отчеты

Күәм гомуми урта белем бирү мәктәбе педколлективы “Яңа укыту технологияләрен куллануга нигезләнеп укучыларның белем сыйфатын һәм иҗади сәләтләрен үстерү” дигән методик тема өстендә эшләде. Педколлективның эшчәнлеге алдан төзелгән, педсовет №1 (31.08.2010) утырышында расланган план нигезендә алып барылды.

Мәктәп узган уку елында үзенең эшчәнлеген түбәндәге төп бурычларны гамәлгә ашыруга юнәлтте:

1. 
   Уку-укыту эшен дифференцияләштерү нигезендә укучыларның үзлекләреннән белем алуларын һәм фәнгә омтылышларын үстерү өчен барлык уңай шартларны булдыру.
   
2. 
   Бердәм белем бирүдә эзлеклелек, дәвамчанлык булдыруны нәтиҗәлелеккә ирешүнең төп алшарты итеп карау.
   
3. 
   Һәр укучыны кызыксынган эшләре белән шөгыльләнүгә тарту, аларның буш вакытта техник иҗат, спорт, үзешчән сәнгать белән шөгыльләнүләренә ирешү.
   

Укыту планы педсовет утырышында каралды (беркетмә №1, 31.08.2010) һәм мәктәпнең 04.09.2010 нчы елның 4/1 нче номерлы приказы нигезендә расланды һәм гамәлгә кертелде.

Балаларның белем алуга хокукын гамәлгә ашыру укучылар контингентын саклап калуны тәэмин итү турындагы статьясында күрсәтелгән бурычлар үтәлә. Укуын ташлаган балалар юк. Барысы мәктәпне 99 укучы тәмамлый, шуларның 5 се – 1 сыйныфлар, 7 укучы – чыгарылыш сыйныфтан, 11 укучы – 9 сыйныфны бетерә. Барысы 94 укучыга билге куела. 2010-2011 уку елында мәктәпне “5” ле билгеләренә – 3, “4” һәм “5” билгеләренә 47 укучы укый, бу 53% сыйфат һәм 100% өлгерешне тәшкил итә.Барлык фәннәрдән дә укыту программалары тулысынча үтәлде. Укучылар арадаш һәм йомгаклау аттестациясен уңышлы үттеләр.

Мәктәпнең уңышлы эш күрсәткече булып:

1) РФ һәм ТРның “Мәгариф турында Закон”ы, РФ һәм ТРсы хөкүмәте карарларының үтәлүе .

2) Стабиль 100% өлгереш һәм белем сыйфатының позитив үсеш динамикасы тора.

Соңгы 3 елда өлгереш һәм сыйфат нәтиҗәләре буенча белем сыйфатының үсүе күзәтелә. Алдынгылар күрсәткече дә югары, бу уку елында белем сыйфаты узганы белән чагыштырганда 10% ка, 1 чиреккә караганда 11% югарырак. Моңа мәктәпнең уку-укыту эшен дифференцияләштерүе нигезендә, укучыларның үзлекләреннән белем алуларын һәм фәнгә омтылышларын үстерү өстендә уңай шартлар булдыру, сәләтле укучылар белән системалы эшләү, эзләнү эшен җәелдерү, белем бирүдә эзлеклелек нәтиҗәсендә ирешелде. Мәктәп еллык аттестация нәтиҗәләрен раслау яисә югары нәтиҗәләр күрсәтү һәм, БДИга юнәлеш алган бер вакытта, укучының белемен реаль бәяләү, сәләтле балалар белән эшләүгә игътибарны көчәйтү юнәлешендә системалы эш алып бара.