Еуразиялық экономикалық комиссия алқА Өкім
Фармакокинетикалық қасиеттер
жүктеу/скачать 409.99 Kb.
|
5.2. Фармакокинетикалық қасиеттерТіркелген дозалаудың және дәрілік нысанның ұсынылған дозасы үшін маңызды әсер етуші заттардың фармакокинетикалық қасиеттерін сипаттайды. Егер мұндай деректер болмаса, балама ретінде басқа енгізу жолдарына, дәрілік нысандарға немесе дозаларға қатысты алынған нәтижелерді ұсынуға болады. Негізгі фармакокинетикалық параметрлердің және олардың ауытқымалылығының орташа мәндерін ұсыну қажет, мысалы, биоқолжетімділік, клиренс және жартылай шығарылу кезеңі. Егер олар маңызды болса, осы тарауда сипаттауға болатын фармакокинетикалық аспектілер мыналарды қамтиды: жалпы кіріспе, дәрілік препарат продәрі болып табыла ма немесе оның белсенді метаболиттері бар ма, хиральділігі, ерігіштігі туралы мәліметтер, негізгі фармакокинетикалық деректері алынғанының популяциясы туралы мәліметтер және т.б.; тіркеуге өтініш берілген құраммен дәрілік препаратты қолданудан кейінгі әсер етуші заттың жалпы сипаттамасы: сіңірілуі: сіңірілуінің толықтығы, абсолютті және (немесе) салыстырмалы биоқолжетімділігі, «бастапқы өту» әсері, (Tmax) ең жоғары плазмалық концентрацияға жету уақыты, тамақтың ықпалы, сондай-ақ жергілікті қолдануға арналған дәрілік препаратқа қатысы – жүйелік биоқолжетімділік, көліктік ақуыздарды тарту. Деректер болған жағдайда асқазан-ішек трактісінде сіңіру орнын көрсету қажет (бұл энтералды қоректену (энтералды тамақтану) үшін зонд арқылы енгізу кезінде маңызы болуы мүмкін болғандықтан); таралуы: плазма ақуыздарымен байланыс, дене салмағының килограммға бөлудің жуық көлемі (мысалы, л/кг), тіндердегі және (немесе) плазмадағы концентрация, көп камералы бөлу туралы мәліметтер, көліктік ақуыздарды тарту, гематоэнцефалиялық тосқауылдар арқылы ену, планцет арқылы және сүткен ену; биоөзгеруі: метаболизм дәріжесі, метаболиттер, метаболиттердің белсенділігі және олардың тиімділік пен уыттылыққа үлес қосуы, метаболизмге қатысатын ферменттер, метаболизм өтетін органдар, метаболизмдік ферменттерді біріктіруді индукциялауға (баяулату) қабілеті туралы куәландыратын in vitro өзара әсер етуді зерттеу нәтижелері; элиминация: жартылай шығарылу кезеңдері, жалпы клиренс, жалпы клиренстің аралық және (немесе) ішкі жеке ауытқымалылығы, бауыр және бүйрек элиминациясының салыстырмалы үлес қосуын қоса алғанда өзгермейтін затты және метаболиттерді шығару жолдары, көліктің ақуыздардың тарту; әсер етуші заттың дозаға және (немесе) уақытқа қатысты фармакокинетикасының түзулігі (түзу еместігі). Егер фармакокинетика дозаға және (немесе) уақытқа қатысты түзу емес, түзу еместігінің себебін көрсету қажет. Осы тарауда мынадай қосымша маңызды мәліметтерді келтіру керек. субъектілердің немесе пациенттердің жекелеген топтарының сипаттамалары: жас, дене салмағы, жыныс, темекі шегу, метаболизм ферменттерін кодтайтын гендердің полиморфизмі секілді және бүйрек жетіспеушілігі, бауыр жетіспеушілігі (бұзылу дәрежесін қоса алғанда) секілді патологиялық ахуалдармен қатар жүретін факторларға қарай өзгермелілік. Егер фармакокинетикаға ықпал клиникалық маңызды ретінде қарастырылатын болса, оны ДПЖС 4.2-тарауына сілтемелермен сандық сипаттау қажет (егер қолданылатын болса); фармакокинетикалық-фармакодинамикалық тәуелділік; доза (концентрация, фармакокинетикалық параметрлер) мен әсер (шынайы соңғы нүкте, валидацияланған суррогатты соңғы нүкте немесе жағымсыз реакция) арасындағы тәуелділік; зерттелген популяцияның сипаттамасы. 5.2.1. Балалар. Балалардың әртүрлі жас ерекшелігі топтарында фармакокинетикалық зерттеулердің нәтижелерін жалпылау қажет. Егер бұл маңызды болса, ересектерге ұқсас препараттың экспозициясына алып келетін дозаларды көрсетуге болады. Балаларда фармакокинетикалық зерттеулерде пайдаланылған дәрілік нысанды көрсету қажет. Тәжірибе жеткіліксіз жағдайда қолда бар деректердің белгісіздігін көрсету қажет. жүктеу/скачать 409.99 Kb. Достарыңызбен бөлісу:
|