Байланыс жүйелерінің негіздері
жүктеу/скачать 1.3 Mb. Pdf көрінісі
|
| Жергілікті аралас желілерді тұрғызу принципі. Аудандастырылған ҚТС
беретін аудандық орталық немесе ірі қала (облыстық немесе республикалық орталық) бір уақытта ауылдық әкімшіліктік аудан орталығы болып табылған кезде ҚТС және ауылдық ТС бірыңғай аралас телефон желісін түзеді. Бұл кезде ауылдық телефон станциялары арасындағы, ауылдық ТС мен ҚТС станциялары арасындағы байланысты, сонымен қатар ауылдық ТС абоненттерінің шығыс және кіріс байланысты жүзеге асыратын ҚТС ауылдық- қала жанындағы байланыс торабының немесе орталық станция шығыс және кіріс хабарламаларының тасымалдау торабын ұйымдастыру қарастырылады. ҚТС сыйымдылығына және құрылымына, сонымен қатар қолданылатын АТС түрлеріне тәуелді аралас ТЖ құрудың әртүрлі тәсілдері бар. Егер қалада торап түзуісіз аудандастырылған желі болса және аралас желінің жалпы сыйымдылығы 80 000 нөмірден аспаса, онда осы желіде ауылдық станцияларға кіруі мүмкін ауылдық-қала жанындағы байланыс торабын немесе орталық станцияны ұйымдастыруы мүмкін. Ауылдық-қала жанындағы байланыс торабы (ОС) аудандық АТС «бірінен соң бірі» принцибі бойынша қала жанындағы АТС бір-бірімен байланысады және жергілікті жағдайларға тәуелді немесе тікелей аудандық АТС немесе мекемелік станциялар құқықтарында немесе ауылдық-қала жанындағы байланыс торабы (ОС) арқылы ҚТС қосылады. Жабдықтың түрін таңдауды оның өткізгіштік қабілеті транзитті жүктемеге қызмет көрсету үшін жеткілікті болатынын ескере отырып, жүргізу қажет [2]. Аймақішілік желіні құру принципі. Аймақішілік желі бір аймақтың әртүрлі жергілікті желілерінің арасында станциялар мен тораптарды жалғауды қамтамасыз етуі тиіс. Аймақішілік желіде техника-экономикалық есептеулер немесе басқа да түсініктер негізінде бір немесе бірнеше АҚАТС орнатуға болады (тез дамушы аумақтардағы елді мекендердің болжамды өсуі салдарынан). АҚАТС аймақтық орталыққа орнату қажет. Аймақішілік желіде АҚАТС және АТТ болған кезде аумақтың әрбір жергілікті желісі жоғары сапалы қызмет көрсетудің ТЖЖ және ҚАЖЖ бойынша немесе АТТ қосылады. Қалааралық немесе халықаралық желіде АТТ кіргізілген жергілікті желілердің абоненттерінің шығуы осы АТТ үшін тірек (жақын) болып табылатын АҚАТС арқылы жүзеге асырылады. Аумақтың әртүрлі жергілікті желілерінің станциялары және түйіндері арасындағы барлық жалғаулар айналма жолдар: аралық (ААЖ) және соңғы таңдау жолдары (СТЖ) бойынша АҚАТС арқылы орнатылады. Аймақішілік желіні ұйымдастырудың ең кең тараған нұсқасы аймақта бір АҚАТС бар нұсқа болып табылады. Бұл жағдайда телефон желілері радиалды принцип бойынша тұрғызылады. Аймақта бірнеше АҚАТС болған жағдайда аймақішілік желі айналмалармен 27 тұрғызылуы мүмкін. Бұл кезде аймақтың әртүрлі қалаларында жергілікті желілер АҚАТС бойынша бөлінген, яғни әрбір жергілікті желі ТЖЖ және тірек АҚАТС бар жоғары сапалы қызмет көрсету ҚАЖЖ шоғырларымен байланысқан желіні тұрғызу нұсқасы ұсынылады. Аймақтың барлық АҚАТС өзара жоғары сапалы қызмет көрсету каналдары бойынша «бірінен соң бірі» принцибі бойынша байланысуы тиіс. Аймақтың бірнеше АҚАТС бір қалада орналастырған кезде барлық жергілікті желілер бір АҚАТС-мен жоғары сапа ҚАЖЖ шоғырларымен жалғасуы тиіс. Әрбір жергілікті желі әдетте бір АҚАТС-ға ТЖЖ шоғырларымен қосылады. Қаланың барлық АҚАТС сонымен қатар олар бойынша қызметтік АТС арасында байланыс жүзеге асырыла алатын жоғары сапалы қызмет көрсету каналдарының шоғырларымен өзара байланысуы тиіс. Екі немесе одан көп нөмірлеу аймақтарының облысында ұйымдастырған кезде бөлудің анықтаушы факторлары болып табылады: теориялық телефонды сыйымдылық (болашағын ескере отырып, 8 миллион нөмірлер); экономикалық факторлар (үлкен аумақ, әкімшіліктік бөлу ерекшеліктері, біріншілік желінің конфигурациясы және т.б.). Қалалық аймақ ішіндегі байланыс жергілікті желі принциптері бойынша, ал облыстық аймақ ішінде – аймақішілік желі принцибі бойынша ұйымдастырылады. Қалалық және облыстық аймақтар арасындағы байланыс ұйымдастырылады: қалалық аймақтан облыстық аймаққа – қалалық аймақтың АҚАТС арқылы және бұдан кейін ҚАЖЖ бойынша облыстық аймақтың жергілікті желілерінің ОС дейін; облыстық аймақтан қалалық аймаққа – ТЖЖ бөлінген шоғыры бойынша облыстық аймақтың жергілікті желісінің соңғы станциясынан қалалық аумақтың АҚАТС-на. Қалалық аймақтағы осы екі аймақтардың байланысын ұйымдастыру үшін арнайы облыстық АҚАТС (ОАҚАТС) орнатылуы мүмкін. Бұл жағдайда ОАҚАТС қалалық аймақ абоненттеріне шығу үшін облыстық аймақтың жергілікті желілерінің ТЖЖ қосылады. Қалалық аймақ абоненттерінің облыстық жергілікті желілерге шығуын қалалық АҚАТС арқылы немесе қалалық және облыстық АҚАТС-ОАҚАТС арқылы СТЖ бойынша ұйымдастыруға болады. АҚАТС жоқ жергілікті желілерде барлық аудандық АТС аймақтың АҚАТС байланыстыру үшін ТЖЖ түйіні немесе БЖ түйініндегі ҚТС (КТС) кіретін ТЖЖ жалпы шоғыры ұйымдастырылады. Ауылдық желілердің станциялары СС немесе ауыл-қала жанындағы байланыс торабы кіретін жалпы ТЖЖ бойынша АҚАТС аймағымен байланысады. Торап түзумен аудандастырылған ҚТС (КТС) абоненттерімен байланысу үшін ҚА КХТ ұйымдастырылады, олардың әрқайсысы ҚАЖЖ шоғырымен АҚАТС байланысады. Егер ҚА КХТ мыңдаған абоненттерден бірден артық топқа қызмет көрсететін болса, онда АҚАТС-дан ҚА КХТ-қа байланыс немесе бір жалпы ҚАЖЖ шоғыры немесе әртүрлі жүз мыңдаған топтар үшін жеке ҚАЖЖ шоғырлар бойынша ұйымдастырылады. |