Желдибаева райгуль сериковна
жүктеу/скачать 6.17 Mb. Pdf көрінісі
|
| Тақырып 7. Мәдениетаралық диалогтың дипломатиясы (Лекция – 2 сағат).
Лекцияның мақсаты мәдениетаралық диалогты жүргізудің теориялық негіздері мен мәдени ерекшеліктерін қарастыру. Практикалық сабақ барысында кейбір мәдениет өкілдерімен диалог құру мысалдары талданып, ерекшеліктері айқындалады (АҚШ, Қытай, Жапония, Венгрия). Тақырып 8. Әртүрлі мәдениеттердің жаһандық құзыреттілік туралы көзқарастары (Лекция – 2 сағат). Тақырып шеңберінде назар аударылатын мәселелер тізімі: білім берудегі мәдени әртүрліліктің құндылығын насихаттау, білім берудегі мәдени әртүрліліктің негізгі ерекшеліктері, білім берудегі мәдени әртүрліліктің негізгі ерекшеліктері. Практикалық сабақ барысында рөлдік ойындар әдісі арқылы түрлі мәдениет өкілдерімен танысу жүргізіледі. Тақырып 9. Жаһандық азаматтық ұстанымды тәрбиелеудегі мәдениетаралық қарым-қатынастың рөлі (Лекция – 2 сағат). Тақырып шеңберінде қарастырылатын сұрақтар: басқа мәдениеттер туралы ақпаратқа ашық көзқараспен қарау және өздерінен басқа мәдениет өкілдерінің стереотиптік санаттарынан босату; әлемді басқа мәдениеттердің әртүрлі көзқарастарынан көруге тырысу. Практикалық сабақ барысында «Fishbone» тәсілі арқылы мәдениетаралық қақтығыстарды азайту және алдын-алу талданады. Тақырып 10. Мәдениетаралық коммуникацияны зерттеудің прогресі мен болашағы (Лекция – 2 сағат). Тақырып аясында, мәдениетаралық қарым-қатынасты оқудың маңыздылығы негізделіп, бұл ғылымның болашақтағы перспективалары талқыланады. Практикалық сабақ барысында Martin, J.N. and Nakayama, T. (2010) «Университеттерде мәдениетаралық қарым-қатынастың маңызды екенін көрсететін көрнекі мысалдар қандай?» атты еңбегіндегі мәдениетаралық қарым- қатынстың нақты моделдері мен мысалдары талданады. Тақырып 11. Шет тіліне және оны меңгеруге сұраныс саласындағы жаһандық трендтер (Лекция – 2 сағат). Көрсетілген тақырып аясында шет тілі әлеуметтік, ақпараттық және кәсіби шеберлік, бірақ ең бастысы-жаһандық ойлауды дамытуға ықпал ететін жаһандық құзыреттілік және жаһанданған әлемдегі жаһандық азаматтықтың негізгі құндылығы ретінде қарастырылады. 124 Практикалық сабақ барысында әлемдегі сұранысқа ие топ 10 шет тілдер тізімі және олардың сұранысқа ие болу себептері талқыланады. Тақырып 12. Ағылшын тіліне деген жаһанды сұраныстың артуы мен оның себептері (Лекция – 2 сағат). Он екінші тақырып ағылшын тілінің жаһандық тіл ретіндегі маңыздылығын атап көрсетеді, себебі әлемдегі коммуникациялардың көп бөлігі ағылшын тілінде жүзеге асырылады. Сондай-ақ, ағылшын тілі ғылыми зерттеулерде, бизнесте және білім беруде қалай кеңінен қолданылатынын көрсетеді. Сонымен қатар саяхат, туризм және ойын-сауық салалары ағылшын тілін негізгі қарым-қатынас тілі ретінде қабылдаудан қалай пайда көретініне назар аударылады. Практикалық сабақ барысында ағылшын тілі деңгейін тестілейтін IELTS,TOEFL сынды халықаралық емтихандар және олардың функциялары, сонымен қатар ағылшын тілінің беретін мүмкіндіктері талқыланады. Тақырып 13. Зерттеу жүргізудегі ағылшын тілінің рөлі (Лекция – 2 сағат). Он үшінші тақырып шеңберінде ағылшын тілі – ең маңызды академиялық және кәсіби құралдардың бірі сонымен қатар мобильді халықаралық қоғамдастық үшін ең маңызды тіл және ғылыми әлемнің ресми тілі ретінде қарастырылады. Практикалық сабақ барысында Scopus базасына енетін бірнеше ғылыми журналдың ресми сайтымен дұрыс жұмыс жасау нұсқаулығы ұсынылады. Тақырып 14. Жаһанды құзыретті болудағы шетел тілін меңгерудің рөлі (Лекция – 2 сағат). Осы тақырып аясында кем дегенде бір шетел тілін меңгеру жаһанды құзыретті болудың ажырамас бөлігі ретінде қарастырылады, шетел тілінде білім алуда, зерттеу жүргізуде, кәсіби қызметтегі ұтымды тұстары айқын көрсетіледі. Практикалық сабақ барысында электрондық ортадағы жазбаша іскерлік қарым-қатынаста шет тіліндегі коммуникативтік құзыреттілікті қалыптастыру әдістемесі ұсынылып, білімгерлерге ағылшын тілінде шетелдік ғалымға электрондық хат жазу бойынша нұсқаулық ұсынылады. жүктеу/скачать 6.17 Mb. Достарыңызбен бөлісу:
|