Жалпы отырысы
жүктеу/скачать 0.68 Mb. Pdf көрінісі
|
| МӘЖІЛІС ОТЫРЫСЫ 2023 жылғы 6 қыркүйек
Стенографиялық есеп 13 Басқа талқылауға қатысатын депутаттар жоқ. Талқылау барысында осы заңды қабылдау жөнінде ұсыныс түсті. Қарсылықтарыңыз жоқ болса, осы ұсынысқа дауыс берулеріңізді сұраймын. Нәтижесін экранға беріңіздер. «Қатысып отырғандар» – 92, «жақтағандар» – 92. Шешім қабылданды. Осы мәселе бойынша шақырылған азаматтарға рақмет. Сау болыңыздар. Құрметті әріптестер, сонымен күн тәртібіндегі барлық мәселелерді қарап болдық. Енді депутаттық сауалдарды жариялауға көшеміз. Сөз депутат Саиров Ерлан Бияхметұлына беріледі. САИРОВ Е.Б. Рақмет, құрметті Ерлан Жақанұлы. Депутаттық сауал Қазақстан Республикасының Ауыл шаруашылығы министрі Айдарбек Сапаровқа. «Президент Қасым-Жомарт Тоқаев өз Жолдауында Үкіметке агроөнеркәсіп кешенінде нақты серпіліске қол жеткізуді тапсырды. Отандық ауыл шаруашылығы өте күрделі жағдайда тұр. «Gosagro» субсидиялау жүйесі қалыпты режимде жұмыс істемейді. Фермерлер 2020 жылдан бері барлық субсидия түрін уақытында ала алмаған. Бұл оларды жылдық 20 пайызбен қымбат несие алуға мәжбүр етіп, қаржылық жағдайын айтарлықтай нашарлатты. Тек Ақмола облысы бойынша 23 мың өтінімнің 13 мыңы ғана қаралған, ал Жетісу облысы бойынша 1 мың 600 диқан пайыздық мөлшерлемені субсидиялауды ала алмай отыр. Осы жылы аграршыларды қолдауға субсидия өткен жылмен салыстырғанда 5,4 пайызға аз бөлінді. Тыңайтқыштарды субсидиялау 23 пайызға, пестицидтерді 27 пайызға, мал шаруашылығын 21 пайызға, бағаны тұрақтандыруды субсидиялау 20 пайызға қысқарды. Ауыл шаруашылығын субсидиялауға биыл бөлінген қаржы өткен жылғы қарызды өтеу үшін жұмсалған. Ал биылғы тапсырыс бойынша 124 миллиард теңге тапшылық пайда болған. Үкімет қосымша қаржы бөлу жөніндегі шешімді әлі қабылдаған жоқ. Мұндай жағдайларда елдің азық-түлік қауіпсіздігін қамтамасыз ету, аграрлық саланың бәсекеге қабілеттілігін арттыру мүмкін емес. Бүгінде Ресей Федерациясы сүт өңдеушілерді тоннасына 25 доллар көмек жасайды, ал Қазақстан бар-жоғы тоннасына 5 доллардан аспайды. Келесі жылдан бастап Ресей сүт өнімдерін экспорттаушылар үшін көлік шығындарын 100 пайыз субсидиялайды. Ал бізде субсидиялар шектеулі, екінші дәрежедегі банктер несиелеу мөлшерлемесі өте жоғары, нәтижесінде қазақстандық өндіріс қысқарып, тоқтатылуда. «Агропродукт» (Алматы) және «Маслодел» (Солтүстік Қазақстан облысы) екі сүт өңдеу ірі кәсіпорны жабылды. 12 құс фабрикасының жұмысы тоқтатылып, Ресей, Белоруссия, Өзбекстаннан құс өнімі импорты артып, Қытайдан сапасы күмәнді өнімдер көптеп әкелінуде. Ақпан-шілде айларында Ресей және Беларусь шұжық өнімдерінің бағасы Қазақстан нарығында екі есеге төмендеп кетті. Қазақстандық ет кәсіпорындары қоймаларға жұмыс істеуде. МӘЖІЛІС ОТЫРЫСЫ 2023 жылғы 6 қыркүйек 14 Стенографиялық есеп Күнбағыс тұқымына экспорттық кеден салығын енгізу нарықтық бағаның 30 пайызға төмендеуіне әкелді. Қабылданған шаралар Қазақстанның емес, шетел өндірушілерінің «пайдасына» жұмыс істеп кетті, май өңдеу зауыттары күнбағысты шетелден тасуда. Мал шаруашылығында да жағдай өте ауыр. Тірі малды әкетуге тыйым салу, ірі қараны экспортты квота жасау шаралары да теріс нәтижелер беріп отыр. Ауылда жеке үй шаруашылықтары өздерінің малын өткізуге зар болып қалды. Соның нәтижесінде малға қарап отырған ата-аналар балаларын мектепке дайындауға ақшалары жоқ. Халық нанды қарызға алатын жағдайға жеткен. Қазақстанның астық нарығында да жағдай тұрақсыз. Азықтық бидайдың орташа құны өткен жылмен салыстырғанда 1,5-2 есеге арзандады. Бұл ауыл шаруашылығы тауарларын өндірушілердің жаппай банкротқа ұшырауына себеп болуы ықтимал. Яғни, еліміздің аграрлық саласы жүйелі дағдарыс алдында тұр. «AMANAT» партиясы отандық аграршыларды осынау қиыншылық шеңгелінен құтқару қажет деп есептейді. Құрметті Айдарбек Сейпілұлы! Сіз осы саланың барлық сатысынан өткен тәжірибелі мамансыз. Біздің аграрлық секторға адами қамқорлық қажет. Елге бірігіп қамқорлық жасайық. Орын алып отырған олқылықтарды депутат корпусымен бірігіп, фермерлерді, сарапшыларды қатыстыра отырып нақты шешім қабылдау маңызды. Халықтың шыдамы шегінен шығып тұр. Құрметпен «AMANAT» партиясы фракциясының мүшелері». ТӨРАҒА. Депутат Бейсенбаев Елнұр Сабыржанұлы. БЕЙСЕНБАЕВ Е.С. Рақмет, құрметті Ерлан Жақанұлы. Депутаттық сауал Қазақстан Республикасының Премьер-Министріне. «Құрметті Әлихан Асханұлы! Жаз келсе болды, қоғамда теміржол жолаушылары тасымалына қатысты шағым да көбейеді. Жылда қайталанатын жағдай. Теміржол жолаушылар тасымалы сапасының төмендігі сын көтермейді. Себебі жолаушылар құрамының көп бөлігі кеңес заманының мұрасы. Жыл сайын біз вагондар паркін жаңарту мәселесін көтеріп келеміз. Көптеген уәделер бар, бірақ іс жүзінде жоспарланған қарқындар сақталмайды. Қазіргі уақытта теміржол құрамының кемінде 60 пайызы тозған, пайдалануға жарамайды. Ал министрлік пен «Қазақстан темір жолы» вагондар паркін түбегейлі жаңартуды 2030 жылға жоспарлап отыр екен. Осы орайда келесі жайтты ескерген жөн деп есептейміз. Ұлттық компания 1997 жылы құрылды. Яғни, 26 жыл күткеніміз аздай, енді тағы да жеті жыл күтуіміз керек. Күткен үмітіміз ақталатынына, вагондар паркін жаңарту жұмысы тиімді болатынына сеніміміз аз. 2030 жылы қалған вагондар ескіріп, теміржол құрамы паркінің тозуы 80 пайызға асып кетпейтініне кім кепіл?! Одан қалса, кондиционері істемейтін, терезелері ашылмайтын, қабырғасында қоңыздар жүретін, қазіргі уақытта тозығы жеткен вагондарға жаз мезгілінде билет сатып |