1. Жалпы ережелер
жүктеу/скачать 0.49 Mb. Pdf көрінісі
|
| 3. Сақтандыру жағдайы
7. Сақтандыру жағдайы сақтандыру жүзеге асырылатын болжамды оқиға болып табылады. 8. Осы Ережелерге сәйкес жазатайым оқиға нәтижесінде туындаған мынадай оқиғалар сақтандыру жағдайлары болуы мүмкін: 1) Сақтандырылушы тұлғаның еңбекке қабілеттілігінен уақытша айрылуы; 2) Сақтандырылушының денсаулығына келтірілген зиян (мертігу, дене жарақаты); 3) Сақтандырылушының қайтыс болуы; 4) Сақтандырылушыға сақтандыру арқылы қорғану әрекеті кезеңінде I, II, III топтағы, "мүгедек бала" мүгедектікті белгілеу. 9. Сақтандыру шартында жазатайым оқиғадан туындаған Сақтандырылушының ауруханаға жатқызу бойынша шығындарын, медициналық шығындарын өтеу, сондай-ақ Сақтандырылушының денесін репатриациялау бойынша шығындарды өтеу қосымша көзделуі мүмкін. 10. Сақтандыру жағдайларының нақты тізбесі Сақтандыру бағдарламасымен және/немесе тараптардың келісімімен айқындалады және Сақтандыру шартында айтылады. 11. Осы Ережелердің 10-тармағында көзделген оқиғалар, егер олар Сақтандыру шартының қолданылу кезеңінде, сақтандыру аумағында болған жазатайым оқиғаның салдары болып табылса және Қазақстан Республикасының қолданыстағы заңнамасында және Сақтандыру шартында көзделген тәртіппен құзыретті органдар берген құжаттармен расталса, сақтандыру жағдайлары деп танылады. 12. Сақтандыру шартының қолданылу кезеңінде болған жазатайым оқиғаның салдары болып табылатын, мүгедектікті белгілей отырып, жалпы еңбек ету қабілетінен тұрақты айрылу және/немесе Сақтандырылушылардың қайтыс болуы, егер олар жазатайым оқиға басталған күннен бастап келесі 12 (он екі) ай ішінде басталса, сақтандыру жағдайлары деп танылады. 13. Егер қандай да бір сәтте Сақтандырылушының жазатайым оқиға нәтижесінде қайтыс болуы бойынша Пайда алушыларға сақтандыру төлемі жүзеге асырылғаннан кейін оның тірі екені анықталса, Сақтандырушы төленген соманы қайтаруды талап етуге құқылы. 14. Сақтандыру жағдайы ретінде қарастырылатын оқиға оның басталу ықтималдығы мен кездейсоқтық белгілеріне ие болуы керек. «Сентрас Иншуранс» СК» АҚ СЕ - 42 Жазатайым оқиғалардан ерікті сақтандыру ережелері 2020 ж.19.10. № 2 басылым 18-беттен 5 2014 жылғы 25 тамыздағы №1 басылымның орнына 15. Сақтандыру жағдайының басталуын, сондай-ақ оған келтірілген залалды дәлелдеу Сақтанушыға, Пайда алушыға, Сақтандырылушыға жүктеледі. жүктеу/скачать 0.49 Mb. Достарыңызбен бөлісу:
|