6M020100 – «философия» мамандығы бойынша магистратураның Қабылдау емтиханына дайындалуға арналған бағдарлама мазмұНЫ

Бағдарламаның мақсаты: магистратураға түсушілердің әлеуметтік философияның негізгі теориялық мәселелері, қазақ және қазіргі заман философиясының ерекшеліктері туралы білімдерін айқындау, философияны оқыту әдістемесін меңгеру деңгейін анықтау.

• 
  философияның мәні туралы білімді меңгеру деңгейін анықтау;
  
• 
  қазақ философиясы, оның тарихи даму кезеңдері мен философиялық ілімдердің негізгі өкілдері жайында білім деңгейін айқындау;
  
• 
  әлеуметтік философияның іргелі ұғымдары мен принциптері, қоғам, адам мен табиғатты зерттеуде дүниетанымдық аспектілері мен методологиялық әдістерін білу деңгейін айшықтау.
  
• 
  кредиттік жүйе бойынша оқу жағдайында философияны оқыту методикасын игеру деңгейін нақтылау.
  
• 
  заманауи философияның негізгі бағыттары мен мәселелері туралы білім деңгейін бағалау.
  
• 
  түсушілердің ақиқатты сыни зерделеу деңгейңн айқындау.
  

Қабылдау емтиханының формасы аралас − жазбаша емтихан. Емтихан тапсырушы емтихан сұрақтарына берілген өзінің жауаптарын жауап парақтарына жазады, апелляция жағдайында жауап парағындағы жазбалар негізге алынады.

«6М020100 – Философия» мамандығы бойынша магистратураға түсетін талапкерлер келесі біліктіліктерге ие болуы тиіс:

• 
  философияның генезисін, ғылым жүйесіндегі орны мен рөлін, тарихи-философиялық білімнің даму кезеңдері мен маңызды салаларын, негізгі философиялық ғылыми мектептерді, бағыттар мен концепцияларды білу;
  

• 
  философия тарихы, қазақ философиясының тарихы, әлеуметтік философия, әлеуметтік антропология мен эпистемология, тұлға философиясы салаларын жетік білу; заманауи құқық және саясат философиясының, тарих философиясы, тіл және сана философиясы салаларының негізгі концепцияларын меңгеру;
  
• 
  адам мен қоғам табиғатын тануда социогуманитарлық әдістемені, философиялық пәндерді білім беру мекемелерінде оқыту әдісін білу және оны педагогикалық практикада қолдана білу;
  
• 
  заманауи ақпараттық технологиялар негізінде философия саласында зерттеу жүргізу мен ұйымдастырудың әдістерін игеру;
  
• 
  әріптестер және студенттермен араласу этикасы мен психологиясына ие болу;
  
• 
  өз бетінше білімін жетілдіруге және өз бетінше оқуға бейім болу, әрдайым кәсіби біліктілігін жетілдіруге ұмтылу, білім және ғылым саласында жұмыс істеу;
  
• 
  әлеуметтік жағдайларды жетілдіруді жасай алу қабілетінің болуы және жанжалдарды күшкөрсетпеу жолымен шешу, әлемдік мәдениет принципі негізінде өмір сүруге ұмтылу.