Қазақстан Республикасы Білім және ғылым министрлігі «Ғылыми қазына» мақсатты бағдарламасы
жүктеу/скачать 2.92 Mb. Pdf көрінісі
|
- Бұл бет үшін навигация:
- А.Қыраубаева
| М.Жолдасбеков – мемлекет және қоғам қайраткері, филология
ғылымдарының докторы, профессор. 1937 жылы 27 мамырда Жамбыл облысы, Талас ауданы, Ақтөбе ауылында дүниеге келген. 1960 жылы С.М.Киров атындағы ҚазМУ-дің филология факультетін бітіреді. 1960-1977 жылдар аралығында осы жоғарғы оқу орнындағы филология факультетінің қазақ әдебиеті кафедрасында ассистент, аға оқытушы, доцент болып жұмыс істейді. 1974 жылдан факультет деканы. 1977-1987 жылдары Талдықорған педагогикалық институтында ректоры, 1987-1988 жылдары Қазақ ССР Ағарту министрі, 1988-1990 жылдары Қазақстан Компартиясы Орталық Комитетіндегі идеология бөлімінің меңгерушісі, 1990-1991 жылдары Қазақстан Президентінің Мемлекеттік кеңесшісі, ҚР Президенті кеңесінің мүшесі, 1991-1993 жылдары Премьер министрдің орынбасары, ҚР Президентінің кеңесшісі қызметтерін атқарды. 1993-1996 жылдары Қазақстан Республикасының Иран Ислам Республикасындағы Төтенше және Өкілетті елшісі болды. 1997-2000 жылдар аралығында Қазақстан Республикасы Сыртқы істер министрлігі Дипломатиялық академиясының ректоры, 2000-2004 жылдары Л.Н.Гумилев атындағы Еуразия ұлттық университетінің ректоры, 2004-2006 жылдары «Еуразия» ғылыми-зерттеу орталығының 363 жетекшісі болып істеді. 2005 жылы «Еуразиялық ғалымдар одағы» қоғамдық қорының президенті болып сайланды. 2006-2011 жылдар аралығында Президент мәдени орталығының директоры қызметін атқарды. «Парасат» (2005), «Құрмет» (1996), «Халықтар достығы», «Барыс» ІІІ дәрежелі (2011), «Алтын қыран» (2012) ордендерінің, түркология саласындағы жетістігі үшін «Күлтегін» сыйлығының иегері. А.Қыраубаева (1947-2001) – Қызылорда облысы, Сырдария ауданы, Бірқазан ауылында дүниеге келген. 1965-1970 жылдары С.М.Киров атындағы ҚазМУ-дің филология факультетін, 1970-1973 жылы аспирантурасын тәмамдаған. 1974 жылы ҚазМУ-де ассистент, 1978 жылы аға оқытушы, 1981 жылдан доцент, филология ғылымдарының докторы (1997), профессор (1998), Қазақ ұлттық музыка академиясында кафедра меңгеруші қызметтерін атқарған. Ол – Жамбыл атындағы халықаралық сыйлықтың иегері (1997). 1971 жылы «Қисас ул-Рабғузи» мен «Махаббатнаманың» идеялық- көркемдік ерекшеліктері» деген тақырыпта кандидаттық, 1997 жылы «Қазақ әдебиетіндегі қисса-дастандардың түп-төркіні мен қалыптасуы» атты тақырыпта докторлық диссертация қорғаған. А.Қыраубаева Қазіргі қазақ әдебиетінің ежелгі дәуірі мен қазақ әдебиетіндегі шығыс поэзиясының ықпалы мәселелері бойынша ғылыми зерттеу жұмыстарын жүргізді. Ол қазақ мектептеріне арналған тұңғыш «Ежелгі әдебиет» оқулығының (1996), жоғары оқу орындарына арналған «Ежелгі дәуір әдебиеті» хрестоматиясының (1991), «Ғасырлар мұрасы» (1988), «Шығыстық қисса-дастандар» (1997) атты монографиялардың, «Махаббатнама» (1985), «Түркі әдебиеті» (1988), «Ежелгі әдебиет» т.б. оқу құралдарының, жүзден астам ғылыми-әдістемелік және зерттеу мақалалардың авторы. А.Қыраубаева 2000 жылдан өмірінің соңына дейін Л.Н.Гумилев атындағы Еуразия университетінің профессоры болып қызмет атқарды. Ғалым 2001 жылы 5-ақпанда Астана қаласында өмірден озды. |